Evesos 2:10 - Tennet

¹⁰ Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Evesos 2:10 Iomraidhean Croise

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 3:21

Ma̱i̱je̱ e̱e̱ti̱ ci abak zo̱ze̱ ci een de̱de̱, a̱kku̱nna̱k tukulec, kar ol kicinnet ju̱rru̱m kaal ne̱k ogon enne ko̱ a̱vvu̱ Ta̱mu̱ta̱dde̱na̱.”

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

Roma 8:29

a̱gga̱ enne odohize ol wak engera enne. Kar kaanyik ku̱tu̱gu̱zzo̱ ki dooli ciginnek, u̱tu̱gu̱zzo̱ ki Ngerinne Ye̱su̱, kar Ye̱su̱ kize a̱bu̱ cinne̱ng orgene ci dooli cik meelek.

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

2 Ko̱ri̱nto̱ 5:5

Ta̱mu̱ta̱dde̱n ele ci uhu e̱le̱tti̱ cigga̱c kizeto jor. Nonno bo̱do̱k ci a̱du̱wa̱kke̱t arrak oowa azi ne akati atin zoz neci mo̱o̱le̱t. I̱ye̱le̱kke̱t ngati i̱tto̱na̱ne̱ Vongiz ci A̱li̱le̱ karrak li̱ngli̱ngo̱n cinne kar kedecak neci.

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Evesos 1:4

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta.

Evesos 2:13

E̱e̱ggi̱nnu̱ niga ol balik aavtiyyu reena ngati Ta̱mu̱ta̱dde̱no̱, ma̱i̱je̱ i̱yo̱ko̱, aanyik Ki̱ri̱sto̱ Ye̱su̱ ele cinne kize wawac kar kidimanung i̱ge̱t izet ol cik Ta̱mu̱ta̱dde̱no̱.

Evesos 2:15

Aara bo̱do̱k Ye̱su̱ marnonet bali anyaha lo̱ti̱nno̱wa̱ wak Ya̱u̱do̱ eher Musesi ke̱. Anyaha enne olli Ya̱u̱do̱ ki modden ka̱vvu̱to̱ nga̱to̱de̱, ku̱tu̱gu̱zzo̱ ki ci e̱e̱ggi̱n nege dooli cik e̱e̱t co̱de̱, ming idonget enne ganonte ci anyaha enne ko̱.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 2:6

Ma zin i̱yo̱ko̱ kurumtozik naga ki Ye̱su̱ bali itingawe Ta̱mu̱ta̱dde̱n nonno daiza ke̱. Kar kaanyyet nginti aave ojonun ki Ye̱su̱ Ki̱ri̱sto̱, ta̱mu̱-kenga.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 4:24

kar ka̱a̱nyu̱ng izet ol cik een jor. A̱ri̱ta̱nnu̱ng Ta̱mu̱ta̱dde̱n kar anyait bunnat ki baiz ci a̱li̱le̱ ming ogonnu ki enne zo̱ze̱ ci een de̱de̱.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

2 Te̱se̱lo̱ni̱ka̱ 2:17

kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

1 Ti̱mo̱te̱yo̱ 5:25

Ogon bo̱do̱k niko, i̱ye̱la̱i̱ kaala cik abunna ogon e̱e̱ti̱, kicinnet ebere. Imma kaala cik gerzek iróng a̱lu̱gnye̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

2 Ti̱mo̱te̱yo̱ 2:21

I̱ya̱bzo̱ni̱kke̱t zin kaala ne̱ko̱ agita. Ming utungek e̱e̱ti̱ imma mu̱nye̱n lo̱o̱c, u̱tu̱gu̱ enne ki gi̱i̱ ci a̱zi̱ze̱ agano ki li̱ngli̱ngo̱n. Aanyik ol ki̱li̱li̱ kar ki̱li̱ngli̱nge̱ manyi ce̱e̱z, aave kar ki̱li̱ngli̱ngte̱ li̱ngli̱ngo̱n ci abunna.

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Ti̱to̱ 3:1

Ti̱lo̱ ol wak a̱tu̱we̱ abunna ming aziye zoz ci gaalau ki ddi̱ki̱ryyo̱k wagge̱k. Abunna ming aziye zoz, kar ku̱tu̱gu̱zzo̱ kaal cik abunna odohize.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 2:6

Ming azi e̱e̱ti̱ ne kabai zo̱ze̱ cinne, abunna ming abak ki bali Ye̱su̱ Ki̱ri̱sto̱ ke̱.