Evesos 1:6 - Tennet

⁶ Ogon Ta̱mu̱ta̱dde̱n niko ko̱ kar kinnatit naga deten ki bunnat cinne wa a̱ddi̱ki̱re̱ bali aanyet enne agita ollin zo̱ze̱ ci Ngerinne wa irez enne ko̱.

Evesos 1:6 Iomraidhean Croise

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 20:9

“I̱vi̱ta̱ ol balik i̱i̱zo̱ li̱ngli̱ngo̱n yo̱mo̱na̱ ngati izewe i̱i̱ tu̱r ke̱, u̱ru̱we̱k zin enne nogo o̱ro̱bi̱ya̱c co̱de̱ ci een zi̱i̱t kize ci i̱i̱te̱n co̱de̱.

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 10:17

Imma zin zo̱ze̱ necu, ireza Baba annit ma̱rri̱t ming ki̱ti̱ri̱wa̱ ele cinanni zo̱ze̱ ci eeza ciginnek, ming ka̱da̱i̱ nu̱nu̱n, kamuda atin ruget bo̱do̱k.

Kaviyak wak Abunna Ta̱mu̱ta̱dde̱no̱ eher Joni 3:35

Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Roma 8:1

I̱yo̱ko̱ zin, ming arume e̱e̱ti̱ ki Ye̱su̱ Ki̱ri̱sto̱, iróng atin Ta̱mu̱ta̱dde̱n ngen edez e̱e̱t neci, i̱i̱te̱ne̱ ci okko enne ettede lo̱ki̱ko̱.

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Evesos 1:12

Atahalait enne agit olli Ya̱u̱do̱ oowa, abunna zin naga karike zi̱nze̱tti̱ Ki̱ri̱sto̱, abunna odohize kinnat nonno kize gool ci ka̱di̱ngdi̱nga̱ne̱ naga nonno.

Evesos 1:14

A̱du̱wa̱kke̱t Vongizi ci Ta̱mu̱ta̱dde̱no̱ i̱yo̱ko̱, kanyak naga ko̱ kaal cik kamuda atin naga adazek Ta̱mu̱ta̱dde̱n ol ciginnek ngati Ki̱ri̱sto̱. Abunna zin naga ki̱ye̱la̱ di̱ngdi̱ngo̱n cinne i̱i̱nya̱ do̱o̱k kaale ne̱ko̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

Vilipia 4:19

Kar atin Ta̱mu̱ta̱dde̱n cinanni ka̱a̱nyu̱ng kaal cik orongnyu niga eezet cinne ngati Ye̱su̱ Ki̱ri̱sto̱.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.