Evesos 1:3 - Tennet

³ Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Evesos 1:3 Iomraidhean Croise

Kananet 14:20

Kar anyik Ta̱mu̱ta̱dde̱n wa A̱ddi̱ki̱re̱ Veelek ka̱mu̱yu̱we̱, nonno ci aanyik mo̱ddo̱ cigunnek kommogte.” Anyik zin Aburami nonno kaal balik oora enne ke̱ u̱gge̱, adima co̱de̱ ewak een omoto ke̱, kar kaanyik alaan, guulnya veelek.

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Lu̱ka̱ 2:28

odong zin Si̱mo̱ne̱ do̱le̱c ka̱vvu̱ azzine ciginnek kar zin enne kinnat Ta̱mu̱ta̱dde̱n, azi ne:

Kaviyak wak Abunna Ta̱mu̱ta̱dde̱no̱ eher Joni 14:20

A̱gga̱yyu̱ atin niga wazin neci ming kodowina anna ki Baba, kar zin bo̱do̱k niga o̱do̱ye̱ ki annita.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Roma 12:5

Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.

Roma 15:6

kar zin zinine co̱de̱ inatit Ta̱mu̱ta̱dde̱n wa een be̱e̱ti̱ Manyitinna Ye̱su̱ Ki̱ri̱sto̱.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 12:12

A̱gga̱yyu̱, o̱de̱ ele ci e̱e̱t ci diiri ṯok niko, ming adimanai kanyak ngintik meelek giir; ming anyak ngintik meelek nu̱nu̱n, e̱e̱ggi̱n ne̱ke̱ alawo do̱o̱k cik ele co̱de̱. Ogon Ki̱ri̱sto̱ ki i̱yo̱ko̱ ele ko̱.

2 Ko̱ri̱nto̱ 1:3

Abunna kinnat Ta̱mu̱ta̱dde̱n Be̱e̱ti̱ Manyi Ye̱su̱ Ki̱ri̱sto̱. Een Baba Ta̱mu̱ta̱dde̱n ci e̱de̱tte̱, eelannet agit odohize.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 3:9

Imma zin ngatu, ozol ol wak a̱tu̱ Ye̱su̱ ma̱yu̱we̱ne̱t bali Aburahami ke̱ bu̱k eci enne umuda ma̱yu̱we̱ne̱t neci tu̱we̱nta̱.

Evesos 1:10

I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 1:20

imma doizi ci aave zi̱nze̱tti̱nne̱ cigga̱c ko̱, atubo ki doiz ci bali ingane Ta̱mu̱ta̱dde̱n Ki̱ri̱sto̱ daiza kar kaanyik ka̱vvu̱ a̱tte̱ cinne a̱zzo̱, ta̱mu̱-kenga.

Evesos 2:6

Ma zin i̱yo̱ko̱ kurumtozik naga ki Ye̱su̱ bali itingawe Ta̱mu̱ta̱dde̱n nonno daiza ke̱. Kar kaanyyet nginti aave ojonun ki Ye̱su̱ Ki̱ri̱sto̱, ta̱mu̱-kenga.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

I̱bu̱ru̱ 8:5

Imma zin kaala cik ogon olli wawaco Ce̱e̱ze̱ wa Ta̱mu̱ta̱dde̱no̱ lo̱o̱ta̱ ngatu ko̱, kaal wak i̱ya̱kza̱ Ce̱e̱z wa Ta̱mu̱ta̱dde̱no̱ ta̱mu̱-kenga. Zoz zin ci bali a̱du̱wa̱k Ta̱mu̱ta̱dde̱n Muses baling eenyet enne Ce̱e̱z wa Ta̱mu̱ta̱dde̱no̱ een ti̱ti̱ ko̱ balala, izek nonno ne, “Ziyo ju̱rru̱m, tu̱gu̱ kaal ne̱ko̱ do̱o̱k go̱o̱le̱ bali ka̱du̱wa̱ki̱ baling kurumto biye wa een zara Sinai ke̱.”

I̱bu̱ru̱ 9:23

Imma zin Ce̱e̱z wa Ta̱mu̱ta̱dde̱no̱ aave lo̱o̱ta̱ ko̱ i̱ya̱kzo̱ni̱k Ce̱e̱z ci aave ta̱mu̱-kenga, abunna zin oroot ming apahek ol kaal cik kazace ngin neci bi̱ye̱te̱ cik e̱le̱gje̱nnu̱ kar ki̱ti̱vi̱la̱ mu̱nye̱n cik ollu. Imma Ce̱e̱z wa Ta̱mu̱ta̱dde̱no̱ wa een de̱de̱, aave ta̱mu̱-kenga ko̱, anyak gi̱i̱ ci kapahek kazace ol, ommog bi̱ye̱ cik e̱le̱gje̱nnu̱.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.