Evesos 1:23 - Tennet

²³ E̱e̱ggi̱n ol wak a̱tu̱we̱ ke̱le̱ci̱a̱ ko̱ ele ci Ki̱ri̱sto̱, abak enne ngatinne̱ng, aanyik enne nogo doiz cinne, nonno zin ci adiman kaal do̱o̱k kubunnta.

Evesos 1:23 Iomraidhean Croise

Kaviyak wak Abunna Ta̱mu̱ta̱dde̱no̱ eher Joni 1:16

Imma deten wa anyak enne a̱ppwe̱ ko̱, kamuda zin naga do̱o̱k ma̱yu̱we̱ne̱t ci a̱ppwe̱.

Roma 13:5

Imma zin zo̱ze̱ necu, abunna ol do̱o̱k ming aziye zoz ci alaat wak abal nogo, eci a̱gga̱yyu̱ niga zoz ci een de̱de̱ kar e̱e̱ti̱ ku̱tu̱gu̱, iróng een zo̱ze̱ ci aburne Ta̱mu̱ta̱dde̱n nong.

1 Ko̱ri̱nto̱ 12:6

Anyak bo̱do̱k ol do̱o̱k li̱ngli̱ngo̱no̱k cik aavtte do̱ do̱, abarik zin Ta̱mu̱ta̱dde̱n co̱de̱ ci aanyik ol ki̱li̱ngli̱nge̱t li̱ngli̱ngo̱no̱k ne̱ke̱ ngati ol do̱o̱k.

1 Ko̱ri̱nto̱ 15:28

Ming okko Ngerrti Ta̱mu̱ta̱dde̱no̱ abal kaal do̱o̱k, arike atin enne ele cinne doiz ci Ta̱mu̱ta̱dde̱no̱, kar Ta̱mu̱ta̱dde̱n kabal nogo do̱o̱k.

Evesos 2:16

Imma ta̱la̱ke̱ca̱, i̱ti̱vi̱la̱ Ye̱su̱ zoz ci kamarnone naga do̱o̱k. Anyaha gano orgen cinna ki Ta̱mu̱ta̱dde̱n go̱o̱le̱ ci aganize enne olli Ya̱u̱do̱ ki cik iróng een Ya̱u̱d.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Evesos 4:10

Azi keng ci zoz necu ne, Ye̱su̱ bali ci okko todowai, nonno ci bo̱do̱k dee ci okko ta̱mu̱-kenga, ta̱dde̱na̱, kar enne kibbizitan ta̱mu̱-keng ki lo̱o̱c veelek.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 4:13

Okko zoz necu zee ka̱vvu̱t naga kizet ol co̱de̱ tu̱we̱nte̱ ci ka̱tu̱we̱ Ta̱mu̱ta̱dde̱n ki gga̱wa̱ne̱t ci ka̱gga̱we̱ naga Ngerrti Ta̱mu̱ta̱dde̱no̱. Kar atin naga kegenyit ki i̱yo̱ko̱ Ki̱ri̱sto̱ ko̱, kogon zin atin naga ki enne.

Evesos 4:4

E̱e̱ggi̱nnu̱ niga do̱o̱k ele co̱de̱. Anyakku niga do̱o̱k Vongiz co̱de̱ ṯok ci Ta̱mu̱ta̱dde̱no̱, ogon ki bali arikku niga zi̱nze̱tti̱ zoz co̱de̱ ṯok ci ovvo atin niga arubannu kaal wak u̱du̱wa̱ enne kize cunno̱ng ol balik atahala enne ke̱.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 2:19

Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.