Evesos 1:13 - Tennet

¹³ Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.

Evesos 1:13 Iomraidhean Croise

Lu̱ka̱ 11:13

Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”

Lu̱ka̱ 24:49

Kokko atin anna ki̱tto̱na̱kku̱ng muci wa bali u̱du̱wa̱ Baba ke̱; abarik a̱vvu̱t Jerusalema zee ka̱a̱nyu̱ng Ta̱mu̱ta̱dde̱n komiz ci a̱kku̱ ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 15:26

“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 3:33

Ma e̱e̱ti̱ ci elemi zoz cinne, i̱ye̱la̱ zoz ci azi ne een Ta̱mu̱ta̱dde̱n de̱de̱.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Buk wa To̱ni̱a̱u̱ 1:4

I̱i̱te̱n imma, ngati adaine enne ki nogo, u̱du̱wa̱k enne nogo zoz cu, “Ma ungneku Jerusalem lo̱o̱c; abarik e̱re̱yya̱ muci bali u̱du̱wa̱ Baba ke̱, iziktu bali niga ming kozozi anna ke̱.

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Roma 4:11

Aanyik Aburahami ele cinne kettede kar ki̱ye̱la̱ bunnat cinne eci enne a̱tu̱ Ta̱mu̱ta̱dde̱n ki bali ming ngen enne ketted wucic vi̱ca̱vi̱ca̱ ke̱ nu̱nu̱n. Aanyik zin zoz necu Aburaham kize be̱e̱ti̱ ol wak elemi Ta̱mu̱ta̱dde̱n tu̱we̱nte̱ cinne̱ng, ming iróng nege etted nu̱nu̱n.

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

2 Ko̱ri̱nto̱ 6:7

Kar go̱o̱le̱ ci kozoze zoz ci een de̱de̱ ki doiz ci Ta̱mu̱ta̱dde̱no̱; ki doiz ci bunnat ci Ta̱mu̱ta̱dde̱no̱ baize cinna.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Evesos 4:21

Iziktu niga zoz ci obod ki Ye̱su̱ ju̱rru̱m, edemeztu gool wainne de̱de̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

2 Ti̱mo̱te̱yo̱ 2:15

Li̱ngli̱ngo̱zi̱k Ta̱mu̱ta̱dde̱n ju̱rru̱m, kar ize du̱ca̱i̱t cinne ci abunna, iróng anyak a̱li̱ya̱n, kar gga̱m zoz ci een de̱de̱ ju̱rru̱m.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

2 Ti̱mo̱te̱yo̱ 3:15

A̱gga̱ ri̱t i̱nna̱ Waraga ci Ta̱mu̱ta̱dde̱no̱ baling ngen e̱e̱ni̱ idica. Aanyi zoz cinne genyiz ki ti̱ri̱ze̱ne̱t go̱o̱le̱ ci a̱tu̱we̱ Ye̱su̱ Ki̱ri̱sto̱ kar ruba baiz wa aave udut.

Ti̱to̱ 2:11

Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

O̱no̱zzo̱k 7:2

Kar anna kicin anjilo imma ci a̱kku̱ o̱to̱ne̱ ci je̱e̱ni̱, anyak baayenit ci Ta̱mu̱ta̱dde̱n wagon aruge ko̱ a̱tta̱. Utu zin enne anjilonya cik e̱e̱ggi̱n we̱c ko̱ muluwe ci a̱ppwe̱, e̱e̱ggi̱n nege anjilonya cik anyonike nogo doizi ci kar kegerezanit lo̱o̱c ki nyatapar ci a̱ddi̱ki̱re̱: