Evesos 1:11 - Tennet

¹¹ Ogone kaala do̱o̱k go̱o̱le̱ wa i̱no̱n Ta̱mu̱ta̱dde̱n, zoz ci ahalane enne Ye̱su̱, kar enne katahalait agit bu̱k, aanyik enne kaal do̱o̱k ku̱tu̱gu̱zze̱ go̱o̱le̱ ci orong enne.

Evesos 1:11 Iomraidhean Croise

Buk wa To̱ni̱a̱u̱ 13:48

Baling iziyyet ol cik iróng e̱e̱ggi̱n Ya̱u̱d zoz necu, ataltto oroot kar zin ki̱di̱ngdi̱nga̱ni̱t zoz ci Manyi; kar ol do̱o̱k wak atahalak Ta̱mu̱ta̱dde̱n kurubta baiz ci aave udut ko̱, ku̱tu̱we̱t.

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 20:27

Eci anna ku̱du̱wa̱u̱ng i̱ge̱t zoz do̱o̱k kaviyahe cik abunna Ta̱mu̱ta̱dde̱no̱.

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Buk wa To̱ni̱a̱u̱ 4:28

U̱tu̱gu̱zzo̱ nege kaal balik elema i̱nna̱ komize cunne ki zoz ci odola i̱nna̱ ba̱li̱ye̱ kar kakat mo̱o̱le̱t.

Roma 11:34

Ki i̱yo̱ko̱ e̱he̱rye̱ Warage ci Ta̱mu̱ta̱dde̱no̱ zoz ci azi ne, “I̱llo̱i̱ e̱e̱t co̱de̱ ci a̱gga̱ i̱no̱ni̱ ci Manyi Ta̱mu̱ta̱dde̱no̱. Icima, i̱llo̱i̱ e̱e̱t imma ci i̱lo̱t nonno.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Roma 8:28

Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

Roma 8:29

a̱gga̱ enne odohize ol wak engera enne. Kar kaanyik ku̱tu̱gu̱zzo̱ ki dooli ciginnek, u̱tu̱gu̱zzo̱ ki Ngerinne Ye̱su̱, kar Ye̱su̱ kize a̱bu̱ cinne̱ng orgene ci dooli cik meelek.

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

Ga̱la̱ti̱a̱ 3:18

I̱yo̱ko̱, ming okko Ta̱mu̱ta̱dde̱n a̱mu̱yu̱k ol baize ci aave udut zo̱ze̱ ci azunne nege lo̱ti̱nno̱k cik Musesi, iróng zin een go̱o̱le̱ bali u̱du̱wa̱ Ta̱mu̱ta̱dde̱n ke̱. Abarik zin Ta̱mu̱ta̱dde̱n a̱mu̱yu̱k baiz ci Aburahami go̱o̱le̱ bali u̱du̱wa̱ enne ke̱.

Evesos 1:14

A̱du̱wa̱kke̱t Vongizi ci Ta̱mu̱ta̱dde̱no̱ i̱yo̱ko̱, kanyak naga ko̱ kaal cik kamuda atin naga adazek Ta̱mu̱ta̱dde̱n ol ciginnek ngati Ki̱ri̱sto̱. Abunna zin naga ki̱ye̱la̱ di̱ngdi̱ngo̱n cinne i̱i̱nya̱ do̱o̱k kaale ne̱ko̱.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 1:5

Imma rezinte ci irezet enne agit ko̱, aanyet kizet dooli ciginnek ngati Ye̱su̱ Ki̱ri̱sto̱ go̱o̱le̱ ci odola enne kar katal ku̱tu̱gu̱.

Evesos 1:8

Ogonikket Ta̱mu̱ta̱dde̱n zoz necu agit genyize ci a̱ddi̱ki̱re̱ ngati a̱gga̱we̱ enne kaal do̱o̱k.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 3:11

U̱tu̱gu̱ Ta̱mu̱ta̱dde̱n zoz necu niko gi̱i̱ye̱ ci i̱no̱n enne do̱ zinina. Uule zin enne ku̱tu̱gu̱ zoz bali i̱no̱n enne ke̱ eci Manyitinna Ye̱su̱ Ki̱ri̱sto̱ u̱tu̱gu̱ kaal ne̱ke̱ do̱o̱k.

Kolosiya 1:12

Kar aanycik Baba zany ci elemannu̱ng i̱ge̱t kar ozolit zoz ci u̱du̱wa̱k enne ol cik Ta̱mu̱ta̱dde̱no̱ ba̱a̱li̱ne̱t ci abahe ol vooritena.

Kolosiya 3:24

Ki i̱yo̱ko̱ ming a̱gga̱yyu̱ niga ko̱ ovvo atin niga amudannu kaal cik aragizu ngati Manyi, a̱li̱ngli̱ngngo̱ni̱kku̱ zin niga Manyi Ki̱ri̱sto̱, abunna ming a̱gga̱yyu̱ okko atin enne amuccu̱ng.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 3:7

I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.

I̱bu̱ru̱ 6:17

Azi Ta̱mu̱ta̱dde̱n ne, i̱tto̱ni̱k ele cinne, orong enne zoz wainne een de̱de̱ ko̱ kar ka̱gga̱c ol ju̱rru̱m, iróng atin enne uhu zoz neci, kar ol wak elemna nonno ka̱gga̱c een zoz cinne de̱de̱.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,