2 Peturu 1:4 - Tennet

⁴ Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

2 Peturu 1:4 Iomraidhean Croise

2 Ko̱ri̱nto̱ 1:20

U̱du̱wa̱ Ye̱su̱ zo̱zzo̱k cik Ta̱mu̱ta̱dde̱no̱ do̱o̱k een de̱de̱. Ka̱di̱ngdi̱nga̱n zin gon naga nonno ngati ka̱nne̱ke̱ ne Amin.

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

2 Ko̱ri̱nto̱ 6:17

Azi bo̱do̱k Manyi ne, “Engertta zin e̱le̱tti̱ ngati ol ne̱k iróng a̱tu̱we̱ ko̱. Ma u̱u̱mnyu̱ kaal cik anyak mu̱nye̱n gon ngoronyik ko̱. Kar zin atin anna kelemaung.

Ga̱la̱ti̱a̱ 3:16

U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,” een zin do̱le̱c neci Ki̱ri̱sto̱.

Ga̱la̱ti̱a̱ 6:8

Imma e̱e̱ti̱ ci ogon kaal cik gerzek irez zinin cinne, amuda atin enne zoz ci gerze. Ma̱i̱je̱ e̱e̱ti̱ ci ogon kaal Vongize ci Ta̱mu̱ta̱dde̱no̱, amuda atin baiz wa aave udut.

Evesos 4:13

Okko zoz necu zee ka̱vvu̱t naga kizet ol co̱de̱ tu̱we̱nte̱ ci ka̱tu̱we̱ Ta̱mu̱ta̱dde̱n ki gga̱wa̱ne̱t ci ka̱gga̱we̱ naga Ngerrti Ta̱mu̱ta̱dde̱no̱. Kar atin naga kegenyit ki i̱yo̱ko̱ Ki̱ri̱sto̱ ko̱, kogon zin atin naga ki enne.

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

I̱bu̱ru̱ 12:10

I̱lo̱tte̱t be̱e̱ti̱gga̱c lo̱o̱ta̱ ngatu e̱rki̱nya̱ cikidik, go̱o̱le̱ ci a̱gga̱ nege; imma ti̱lo̱wi̱ne̱t ci Ta̱mu̱ta̱dde̱no̱ abunna oroot ngatinna kar kabait baiz ci abunna.

I̱bu̱ru̱ 9:15

Ye̱su̱ Ki̱ri̱sto̱ ci een zoc ci Ta̱mu̱ta̱dde̱no̱, anyaha olom ci een jor, kar ol cik awu Ta̱mu̱ta̱dde̱n kar elemtta olom ci een oo, aruba baiz ci aave udut kar kanyait kaal do̱o̱k, eci Ye̱su̱ a̱da̱i̱ kar kaara ol mu̱nye̱ne̱ balik ogon nege lo̱ti̱nno̱we̱ balik Musesi reentik ke̱.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 3:13

Ki ming kere naga zoz ci u̱du̱wa̱ enne ko̱, kere naga ta̱mu̱-keng ki lo̱o̱c ci een jor bali u̱du̱wa̱e̱t Ta̱mu̱ta̱dde̱n agit ke̱, ngintik aavtte ol wak ogon kaal cik abunna.

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.