2 Peturu 1:3 - Tennet

³ Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Peturu 1:3 Iomraidhean Croise

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 9:24

I̱yo̱ko̱ ke̱e̱ggi̱n naga ol balik atahala Ta̱mu̱ta̱dde̱n kar ki̱ye̱le̱t deten cinne, iróng een olli Ya̱u̱do̱ do̱ abarik ki ol wak iróng een Ya̱u̱d bu̱k.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

2 Ko̱ri̱nto̱ 12:9

Ma̱i̱je̱ enne a̱nne̱ka̱ ne, “Elenonu i̱nna̱ ki deten cinanni do̱ niko. I̱llo̱i̱ gi̱i̱ imma ci orongi i̱nna̱, aanyi komizi cinanni i̱nne̱t doiz ming i̱llo̱i̱ i̱nne̱t komiz.” Kar zin ming aave Ki̱ri̱sto̱ aanya komiz cinne, katalne kodongi ele ming i̱llo̱i̱ annit komiz.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 4:4

E̱e̱ggi̱nnu̱ niga do̱o̱k ele co̱de̱. Anyakku niga do̱o̱k Vongiz co̱de̱ ṯok ci Ta̱mu̱ta̱dde̱no̱, ogon ki bali arikku niga zi̱nze̱tti̱ zoz co̱de̱ ṯok ci ovvo atin niga arubannu kaal wak u̱du̱wa̱ enne kize cunno̱ng ol balik atahala enne ke̱.

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 1:16

Eci Ta̱mu̱ta̱dde̱n eenyca kaal do̱o̱k ngatinne, kaal cik aavtte ta̱mu̱-kenga ko̱ ki cik aavtte lo̱o̱ta̱, cik kacin naga eberene ki cik iróng kacin eberene, leceret cik alaatu icima doiz icima alaat icima alaanzet; eenycai kaala ne̱ko̱ do̱o̱k ngatinne kar bo̱do̱k kizeto ciginnek.

1 Te̱se̱lo̱ni̱ka̱ 2:12

Ki̱lo̱tu̱ng, kadihizung kar kilalekkung abunna ming abakku baiz ci irez Ta̱mu̱ta̱dde̱n, kar atin ka̱a̱nyu̱ng izet ol cik ovvo abakku bu̱k ba̱a̱li̱nte̱ ci okko atin enne abale lo̱o̱c.

1 Te̱se̱lo̱ni̱ka̱ 4:7

Eci Ta̱mu̱ta̱dde̱n adimannet ba̱li̱ye̱ iróng orongnyet ku̱tu̱lle̱, abarik orongnyet kabait baiz ci caale paz.

2 Te̱se̱lo̱ni̱ka̱ 2:14

A̱a̱nyu̱ng zin Ta̱mu̱ta̱dde̱n elemtta zoz cinne baling kuwahekkung naga kaviyak cik abunna ciginnek kar urubta ba̱a̱li̱ne̱t ci okko atin Manyitinna Ye̱su̱ Ki̱ri̱sto̱ abale lo̱o̱c.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

1 Peturu 1:15

Ma̱i̱je̱ i̱yo̱ko̱ ming a̱li̱le̱ e̱e̱ti̱ wa awuyyung ko̱, izet ol cik a̱li̱le̱ kaale cik ogonnu niga;

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

1 Peturu 2:21

Atahalaung ba̱li̱ye̱ Ta̱mu̱ta̱dde̱n kar ipirta kaale cik gerzek, ki bali ming apirna Ki̱ri̱sto̱ ngatinno̱ng ke̱. I̱ye̱le̱kku̱ng enne gool necu kar unuwet.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

2 Peturu 1:10

I̱yo̱ko̱ zin gotonogga ki ngonogga tu̱we̱nta̱, abunna ming a̱li̱ngli̱ngnyu̱ oroot kar a̱gga̱c ilem Ta̱mu̱ta̱dde̱n zo̱ze̱ ci awuyyung ki ci ahalanung. Eci ming ogonnu niga kaal ne̱ko̱, iróng atin a̱yu̱we̱nu̱.

2 Peturu 1:2

Kala anna Ta̱mu̱ta̱dde̱n bai kar ka̱a̱nyu̱ng deten ci a̱ppwe̱ ki gano baize cunno̱ng ngati a̱gga̱yyu̱ zoz ci Ta̱mu̱ta̱dde̱no̱ ki ci Manyitinna Ye̱su̱ Ki̱ri̱sto̱.

2 Peturu 1:5

Imma zin zo̱ze̱ ci tu̱we̱ne̱t cunno̱ng, abunna ming a̱li̱ngli̱ngnyu̱ oroot kar otortek bunnat tu̱we̱ne̱t cunno̱ng ki bo̱do̱k otortek bunnat genyiz.

2 Peturu 1:6

Otortek genyiz ki laliz ci zi̱nze̱tti̱nnu̱, kar bo̱do̱k otortek laliz ci zi̱nze̱tti̱nnu̱ nimenet no̱ngi̱tto̱n, kar bo̱do̱k otortek nimenet no̱ngi̱tto̱n gool ci arikku zoz ci Ta̱mu̱ta̱dde̱no̱ zi̱nze̱tti̱.

2 Peturu 1:8

Ming anyakku niga kaal ne̱ko̱ do̱o̱k zi̱nze̱tti̱nne̱ cuggo̱k, a̱ti̱ri̱zu̱ng wo̱ye̱ kaala ne̱ko̱ i̱ge̱t kar a̱gga̱c Manyitinna Ye̱su̱ Ki̱ri̱sto̱.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

Buk ci ozoz zoz ci ngaa ci een Ruz 3:11

Kar zin i̱yo̱ko̱, buweenyanni, ma o̱ngo̱o̱le̱ gi̱i̱ imma. Kogoniki atin i̱nne̱t kaal cik a̱jji̱nni̱ i̱nna̱ do̱o̱k. A̱gga̱yi̱ olli o̱rgu̱ do̱o̱k ming e̱e̱ni̱ i̱nna̱ ngaa ci abunna oroot.