2 Ko̱ri̱nto̱ 7:4 - Tennet

⁴ Karikku̱ng anna i̱ge̱t zinin oroot. Ke̱e̱ni̱ bo̱to̱ro̱c zo̱ze̱ cunno̱ng, imma no̱ngi̱tto̱ne̱ cik karuba kar kinim ko̱, katalne oroot.

2 Ko̱ri̱nto̱ 7:4 Iomraidhean Croise

2 Ko̱ri̱nto̱ 1:4

Eelannet ming i̱ta̱i̱t kaala cik gerzek, abunna ming keela ol u̱gge̱ cik anyak no̱ngi̱tto̱n cik a̱u̱ce̱ ko̱ bu̱k, eelante bali aanyyet Ta̱mu̱ta̱dde̱n agit ke̱.

2 Ko̱ri̱nto̱ 3:12

Ki i̱yo̱ko̱ karike naga zi̱nze̱tti̱ zoz ci kedemez ko̱, iróng naga ko̱ngo̱o̱li̱na̱ gi̱i̱ imma.

Je̱mi̱s 1:2

Gotonogga ki ngonogga tu̱we̱nta̱, abunna zin kaavtte talninta, ming nu̱nu̱n atimanet no̱ngi̱tto̱na̱ go̱o̱lo̱we̱ cik aavtte do̱ do̱ baiza.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

1 Ko̱ri̱nto̱ 1:4

Kanyik gon anna odohize Ta̱mu̱ta̱dde̱n zany eci enne a̱a̱nyu̱ng deten cinne ngati Ye̱su̱ Ki̱ri̱sto̱.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

2 Ko̱ri̱nto̱ 11:21

Eci adaka annit a̱li̱ya̱ni̱ kar kizetta ne iróng naga kokkomna zo̱ze̱ neci. Ming odong nege e̱le̱tti̱, anna bu̱k, ma̱i̱je̱ ngatu, een gi̱i̱ ci tarbali kar ku̱tu̱gu̱.

2 Ko̱ri̱nto̱ 8:24

I̱yo̱ko̱ zin, i̱ye̱lte̱k ol ne̱ko̱ rezinet cunno̱ng, ki zoz ci kirezung naga i̱ge̱ta̱, kar ke̱le̱ci̱a̱nya̱ do̱o̱k kicinttung.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 1:14

ki i̱yo̱ko̱ ming a̱gga̱yyu̱ zoz cinna̱ng lo̱lo̱i̱t ko̱, ovvo atin niga a̱gga̱yyu̱ do̱o̱k kar atin niga odongit e̱le̱tti̱ zo̱ze̱ cinna̱ng, kar naga bo̱do̱k kodongta e̱le̱tti̱ zo̱ze̱ cunno̱ng i̱i̱te̱ne̱ ci Manyi Ye̱su̱.

Roma 5:3

Iróng zin ogon niko do̱o̱k! Katalne naga piryanzete ci kamuda eci ka̱gga̱ aanyyet piryanzet kinimet no̱ngi̱tto̱n,

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

2 Ko̱ri̱nto̱ 7:14

Ku̱du̱wa̱ anna Ti̱to̱ zoz ci katalne anna ngatinno̱ng. Iróng korongi kadakta a̱li̱ya̱ni̱, eci kodongi ele zo̱ze̱ ci ogonnu niga, eci u̱tu̱gu̱zzu̱ kaal cik ka̱gga̱ ovvo niga ogonnu. U̱tu̱gu̱zzo̱ de̱de̱ ki bali ming kedemzekung anna ke̱, kar bo̱do̱k ketehereung zoz ci een de̱de̱, ogon ki kaala cik abunna bali ka̱du̱wa̱k Ti̱to̱ zoz ci een de̱de̱.

2 Ko̱ri̱nto̱ 10:8

Egerebo, kodonga i̱yo̱ko̱ gon anna ele idic komize bali aanya Manyi ke̱, abunna ming keelannung kar kidiman tu̱we̱ne̱t cunno̱ng kuk oowa, iróng kegerezani tu̱we̱ne̱t cunno̱ng, iróng zin adaka a̱li̱ya̱ni̱ ngati ka̱li̱ngli̱nge̱ komize cinanni.

Vilipia 1:14

Eci zo̱ze̱ ci kecebine anna ko̱, aanyik zoz necu komiz gotonogget cik meelek a̱tu̱ Manyi kuwaktek ol zoz ci Ta̱mu̱ta̱dde̱no̱ oroot kodoit zi̱nze̱tti̱ kak, iróng nege ngen o̱ngo̱o̱le̱ gi̱i̱ imma.

Vilipia 1:26

Kar ming ki̱ki̱ya̱u̱ng anna i̱ge̱t dee, ovvo atin niga a̱gga̱yyu̱ keng ci zoz ci abunna odongnyu niga e̱le̱tti̱ ngati Ye̱su̱ Ki̱ri̱sto̱ zo̱ze̱ cinanni.

2 Te̱se̱lo̱ni̱ka̱ 1:4

Eci gon kinnatung ol wak a̱tu̱we̱ ce̱e̱zi̱nne̱ cik alawe ol Ta̱mu̱ta̱dde̱n lo̱o̱co̱we̱ do̱o̱k. Ka̱du̱wa̱kka̱ nogo zoz ci animnyu no̱ngi̱tto̱n zo̱ze̱ ci akannung ol go̱o̱le̱ ci obod ki zoz ci Ta̱mu̱ta̱dde̱no̱, ki bo̱do̱k tu̱we̱ne̱t ci a̱tu̱yyu̱ Ta̱mu̱ta̱dde̱n ming nu̱nu̱n a̱gi̱ddu̱ng ol.

Vilomene 1:7

Gotona tu̱we̱nta̱, aanya rezinet cunne talninet oroot ki zoz ci abunna, eci i̱nna̱ anyike zi̱nze̱tti̱ cik ol wak a̱tu̱we̱ katalto.