1 Peturu 3:8 - Tennet

⁸ I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 3:8 Iomraidhean Croise

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

Evesos 4:31

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

1 Ko̱ri̱nto̱ 12:26

Ming apirna o̱to̱ni̱ co̱de̱, apirna o̱to̱ do̱o̱k ki nonno, ming atalne o̱to̱ni̱ co̱de̱, atalne o̱to̱ do̱o̱k ki nonno.

Ma̱te̱yo̱ 18:33

Iróng wo̱ye̱ i̱nna̱ anyai bunnat kar tungek goonu ci een du̱ca̱i̱t ki i̱nna̱ ko̱ nga̱bo̱lo̱, ki bali ming kalalneki anna i̱nne̱t ko̱ nya?’

1 Jon 3:14

Ka̱gga̱ kiyokta naga daiza, kar ki̱vi̱ta̱k ruget wa aave udut, eci kirez naga gotonogget tu̱we̱nta̱. Imma e̱e̱ti̱ ci iróng irez ol, ngen enne erahek daiza.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

Je̱mi̱s 5:11

Ki i̱yo̱ko̱ ming a̱gga̱yyu̱ ko̱, ku̱mu̱yu̱kte̱ naga ol balik inimet no̱ngi̱tto̱n. Iziktu niga niimenet ci bali anime e̱e̱ti̱ ci een zara Job no̱ngi̱tto̱n. Icinntu bo̱do̱k nya ci anyahak Manyi baiz ci Jobi bali vu̱rrta̱. Anyak Manyi rezinet ki deten ci a̱ppwe̱ oroot.

Je̱mi̱s 2:13

eci te̱di̱ne̱t lo̱ki̱ko̱ ci gerze okko ngati e̱e̱t ci iróng anyak deten. Ommog zin deteni lo̱ki̱ko̱.

Vilipia 3:16

Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.

Roma 15:5

Abunna bai ming aanyi Ta̱mu̱ta̱dde̱n zinin ci alali ki tu̱we̱ne̱t ci okkomi, kar bo̱do̱k niga o̱do̱ye̱ do̱o̱k ngati annuyu Ye̱su̱ Ki̱ri̱sto̱,

Buk wa To̱ni̱a̱u̱ 28:7

Okko nginati ojonun, anyak lo̱o̱c ci e̱e̱t ci een zara Publius, een enne ddi̱ki̱ryo̱i̱t ci Malta. Atalet enne agita oroot. Kaavtiya kizetta e̱re̱nno̱k ciginnek i̱i̱nya̱ i̱i̱yo̱ ju̱rru̱m.

Buk wa To̱ni̱a̱u̱ 27:3

Imma i̱i̱te̱n ci reng ka̱ra̱yya̱ naga orog ci een Sidon; kar Juliusi bunnate cinne aanyik Pa̱u̱lo̱ kuk ki̱vo̱n gonoggi abunna ming anyik kaal cik orong enne.

Buk wa To̱ni̱a̱u̱ 2:1

Baling i̱ki̱ya̱ I̱i̱te̱ni̱ wa Pentakosi, aavtte bali nege do̱o̱k nga̱to̱de̱.

Lu̱ka̱ 10:33

Ma̱i̱je̱ e̱e̱ti̱ ci Samariyo eron da̱ enne bu̱k, i̱ki̱ya̱k zin nginti aave e̱e̱ti̱ bali a̱ru̱we̱ ke̱; baling icin enne nonno, atamatek zin enne nonno.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.