1 Peturu 2:1 - Tennet

¹ Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Peturu 2:1 Iomraidhean Croise

Ma̱te̱yo̱ 15:7

Niga ol wak a̱ru̱kku̱ talaben ko̱! Ilem a̱ri̱to̱i̱ti̱ ci zoz ci Ta̱mu̱ta̱dde̱no̱ wa een zara Isaya baling u̱du̱wa̱ zoz cunno̱ng ke̱:

Ma̱te̱yo̱ 23:28

E̱e̱ggi̱nnu̱ niga ol cik abunnanu eci re̱e̱nu̱no̱ ming acinnung ol, ma̱i̱je̱ zi̱nze̱tti̱nne̱ ciggo̱k ecito a̱ru̱kku̱ talaben, ogonnu kaal cik gerzek.

Ma̱te̱yo̱ 24:51

A̱kku̱ atin manyi ce̱e̱z neci, okko a̱ru̱k du̱ca̱i̱t neci oroot kar kotowek du̱cca̱k wak a̱ru̱k talaben, nginti a̱lu̱we̱ atin nege nyigite cik lo̱o̱tu̱.”

Ma̱te̱yo̱ 7:5

E̱e̱ni̱ i̱nna̱ e̱e̱t ci a̱ru̱wa̱ talaben, aara arrak keet ci a̱ddi̱ki̱re̱ e̱be̱re̱ce̱ cunne, kar zin cinno ju̱rru̱m kar aara artenit cidicilim e̱be̱re̱ce̱ ci gononu ko̱.

Marko 12:15

Ku̱ru̱kta̱ mucuru yo, icima gerza ming iróng ka̱ru̱ka̱?” Abarik Ye̱su̱ a̱gga̱ ming a̱ru̱k nege talaben. Ize ne, “Nya ming orongnyu alabtang ko̱? Anyaktang o̱ro̱bi̱ya̱c imma ci een zi̱i̱t kicino.”

Lu̱ka̱ 11:44

“O̱lle̱ bai ciggo̱k olli Varacisi ke̱, eci niga ogonnu kiwagon ilometa cik iróng ol arike gi̱i̱ imma, ilomet cik owoye ol iróng nege a̱gga̱.”

Lu̱ka̱ 12:1

Baling u̱lu̱tte̱ koole cik e̱e̱ggi̱n i̱bbo̱nge̱t cik meelek, oroco zin nege zoone oroot, akate zin Ye̱su̱ ozozik arrak nuyak ciginnek, “Ebeit e̱le̱tti̱ cuggo̱k ngati ol cik Varacisi e̱e̱ggi̱n volongnyok, ogon nege ki nyigita cik meertak.

Lu̱ka̱ 6:42

A̱nne̱k wo̱ye̱ i̱nna̱ goonu ne, ‘Ja keelawi kaara lojilingoc ci anyai i̱nna̱ e̱be̱re̱ca̱ ko̱,’ imma ngatu i̱nna̱ anyai keet ci a̱ddi̱ki̱re̱ e̱be̱re̱ce̱ cunne ci ommog veelek, iróng wo̱ye̱ i̱nna̱ a̱a̱dda̱ bu̱k? A̱ru̱i̱ i̱nna̱ talaben. Aara arrak keet ci a̱ddi̱ki̱re̱ e̱be̱re̱ce̱ cunne, kar zin cin lojilingoc cidici e̱be̱re̱ce̱ ci gononu ju̱rru̱m.”

Kaviyak wak Abunna Ta̱mu̱ta̱dde̱no̱ eher Joni 1:47

Baling icin Ye̱su̱ Nathanael ming a̱kku̱nna̱k nonno, izek nonno ne, “Cin e̱e̱t ci Israiloc de̱de̱, iróng anyak volong.”

Roma 1:29

E̱e̱ggi̱n kaala ne̱k gerzek aavtte zi̱nze̱tti̱nne̱ cigge̱k ko̱, gerziten, ki meder, ki zi̱nze̱tti̱ cik a̱ppi̱nte̱k, ki munyenet ol, ki dangonet, ki gool ci alabane ol kaal, ki etteddo ki ol zo̱o̱, omomot ol,

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 5:8

I̱yo̱ko̱ zin, ma adakku kwo̱o̱r go̱o̱le̱ ci anyakku marnonet ki mu̱nye̱n ki i̱yo̱ko̱ nyigita cik meertak reentik ko̱, abarik adait kwo̱o̱r go̱o̱le̱ ci abunna een de̱de̱ ci iróng anyak nyigit cik meertak.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Evesos 4:31

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

1 Te̱se̱lo̱ni̱ka̱ 2:3

Iróng gool bali kuwahekkung kar a̱gga̱c zoz ci Ta̱mu̱ta̱dde̱no̱ ke̱ een volong, icima ki ci ka̱lu̱ta̱nu̱ng kar kalabtaung gi̱i̱ imma ci uturi.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

Je̱mi̱s 3:14

Ma̱i̱je̱ ming alugunyi i̱nna̱ meder ki rezinet ele cunne do̱ zinine cunne, ma odongi ele cunne zo̱ze̱ neci icima amikzene zoz ci een de̱de̱.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

Je̱mi̱s 4:5

Icima i̱no̱nnu̱ niga ozoz Waraga ci Ta̱mu̱ta̱dde̱no̱ zoz necu gaganiko, kar vongizi ci abak ngatinna ko̱ kanyak meder oroot.

Je̱mi̱s 5:9

Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.

1 Peturu 2:16

Abaito zin labak, ma anyikku baiz ci abakku ko̱ kize baiz ci ogonnu kaal cik gerzek. Abarik zin a̱vvu̱t izet du̱cca̱k wak Ta̱mu̱ta̱dde̱no̱ wak een de̱de̱.

1 Peturu 2:22

“Ngen enne ku̱tu̱gu̱ mu̱nye̱n icima kamuda zoz ci een volong utuge cinne.”

1 Peturu 3:10

Ming “Orong e̱e̱ti̱ de̱de̱ kar kabak labak talninta, kar kicin baiz i̱i̱nya̱ do̱o̱k ma ozozi ol gerzet, anyik nonno kuzute utug cinne zo̱ze̱ ci volongo.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

1 Peturu 4:4

I̱yo̱ko̱ zin u̱ku̱lte̱u̱ng ol wak iróng a̱gga̱ Ta̱mu̱ta̱dde̱n azi ne, inya ming iróng niga ngen orkoryyu imma nogo kaale cik gerzek ogon nege ko̱? I̱yo̱ko̱ abarik nege odomtung i̱ge̱ta̱.

O̱no̱zzo̱k 14:5

I̱llo̱i̱ volong imma ci iyowa u̱tu̱ge̱tti̱ne̱ cigge̱k; e̱e̱ggi̱n nege ol cik abunna.