1 Peturu 1:8 - Tennet

⁸ Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,

1 Peturu 1:8 Iomraidhean Croise

Ma̱te̱yo̱ 10:37

“Ming irez e̱e̱ti̱ imma baatinne icima yaatinne oroot kommoga annita, iróng enne agano kize nuyait cinanni; kar bo̱do̱k ming irez e̱e̱ti̱ ngerinne icima buweenyinne oroot kommoga annita, iróng enne agano kize nuyait cinanni;

Kaviyak wak Abunna Ta̱mu̱ta̱dde̱no̱ eher Joni 14:15

Izek zin bo̱do̱k Ye̱su̱ nogo ne, “Ming irezang niga annit, elemnyyu zoz ci ka̱du̱wa̱ anna.

Kaviyak wak Abunna Ta̱mu̱ta̱dde̱no̱ eher Joni 14:21

Ming a̱gga̱m e̱e̱ti̱ zoz cinanni, kar zin bo̱do̱k kuzute lo̱ti̱nno̱k ne̱ke̱, ireza e̱e̱ti̱ neci annita. Irez atin Baba e̱e̱t neci ireza annit ke̱, kar zin bo̱do̱k anna kirez nonno kar zin ki̱ye̱le̱k ele ka̱gga̱wa̱n.”

Kaviyak wak Abunna Ta̱mu̱ta̱dde̱no̱ eher Joni 14:24

Ming iróng e̱e̱ti̱ imma elemnya annita, iróng irez de̱mzi̱ne̱t cinanni. Imma zoz ci aziknnu ko̱, iróng een zoz cinanni, een zoz necu ci Baba wa i̱tto̱na̱na̱ annita.

Kaviyak wak Abunna Ta̱mu̱ta̱dde̱no̱ eher Joni 16:22

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Kaviyak wak Abunna Ta̱mu̱ta̱dde̱no̱ eher Joni 20:29

U̱du̱wa̱k zin Ye̱su̱ nonno zoz ci azi ne, “A̱tu̱we̱ i̱nna̱ ma̱rri̱t ming icinnan. U̱mu̱yu̱kte̱ ol cik ngen kicintan imma ngatu a̱tu̱we̱.”

Kaviyak wak Abunna Ta̱mu̱ta̱dde̱no̱ eher Joni 8:42

Izek zin Ye̱su̱ nogo ne, “Ming een Ta̱mu̱ta̱dde̱n ci een Be̱e̱ti̱nno̱ng, irezang wo̱ye̱ ette niga annita, eci anna ka̱kku̱ni̱ ngati Ta̱mu̱ta̱dde̱no̱, i̱yo̱ko̱ ka̱vvu̱ ngatinno̱ng ngatu. Iróng anna ka̱kku̱ni̱ o̱o̱we̱ cinanni do̱, nonno ci i̱tto̱na̱na̱n.

Buk wa To̱ni̱a̱u̱ 16:34

Anyahak zin ddi̱ki̱ryo̱i̱ti̱ neci nogo ce̱e̱z cinne kar kaanyik da̱i̱ne̱t. Atalo oroot, eci enne ki ol ciginnek do̱o̱k u̱tu̱we̱t Ta̱mu̱ta̱dde̱n.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

2 Ko̱ri̱nto̱ 12:4

Uwe zin ba̱li̱ye̱ nonno Ta̱mu̱ta̱dde̱n rok ma̱na̱ wa aave ta̱mu̱-kenga orgena, nginti acine enne kaal cik a̱zi̱ze̱ iróng wo̱ye̱ e̱e̱ti̱ ci diiri ikebi.

2 Ko̱ri̱nto̱ 4:18

Iróng ngen ki̱no̱n zoz ci kapirnane naga i̱yo̱ko̱ niko, imma kaala ne̱k kacin naga eberene i̱yo̱ko̱ niko ko̱, iróng aavtte udut. Abunna ki̱no̱n karike zi̱nze̱tti̱ zoz ci iróng kacin eberene adimanekket Manyi aavtte ta̱mu̱-kenga, abak atin udut.

2 Ko̱ri̱nto̱ 5:7

Kabak ngati ka̱tu̱we̱ Ta̱mu̱ta̱dde̱n, iróng kabak ngati kacine kaal eberene.

2 Ko̱ri̱nto̱ 9:15

Kanyikka Ta̱mu̱ta̱dde̱n zany eci enne i̱tto̱na̱i̱t muci ci a̱zi̱ze̱ oroot, iróng wo̱ye̱ kozozi.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

Vilipia 4:4

Ataltto odohize zo̱ze̱ ci Manyi baize cunno̱ng! Kobodonik ka̱du̱wa̱ dee, ataltto.

I̱bu̱ru̱ 11:1

I̱yo̱ko̱ zin, een tu̱we̱ne̱t gi̱i̱ ci karike naga zi̱nze̱tti̱ ko̱ de̱de̱, i̱ye̱le̱kke̱t atin kaal cik iróng naga kacin i̱yo̱ko̱ niko eberene.

I̱bu̱ru̱ 11:27

Okko tu̱we̱nta̱ utungek Musesi lo̱o̱c ci Masiro lo̱o̱c, iróng o̱ngo̱o̱le̱ alaan, anime enne eci icin Ta̱mu̱ta̱dde̱n ci iróng naga kacin eberene.

1 Peturu 1:6

Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

1 Peturu 2:7

I̱yo̱ko̱ niga ol wak a̱tu̱we̱ ko̱, riil bee necu. Ma̱i̱je̱ ol wak iróng a̱tu̱we̱, “Okko bee bali abure ol wak eenyce ko̱ ize bee ci abilne ce̱e̱z kommog veelek.”

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.