1 Peturu 1:6 - Tennet

⁶ Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

1 Peturu 1:6 Iomraidhean Croise

Ma̱te̱yo̱ 11:28

“I̱vi̱tta̱ng annita niga ol wak abile zi̱nze̱tti̱ je̱e̱na̱ ki ol wak apirna zoz ci a̱ppwe̱, ka̱a̱nyu̱ng atin i̱ye̱be̱zi̱t.

Ma̱te̱yo̱ 26:37

Uwe zin enne Peturu ki doolik e̱e̱t ci een Zebedee rama, Je̱mi̱s ki Jon, kar zin ki̱vi̱r nonno zinin oroot.

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Lu̱ka̱ 1:47

kar vongizi cinanne katalo ngati Ta̱mu̱ta̱dde̱n Ti̱ri̱zo̱i̱t cinanni,

Lu̱ka̱ 10:20

Ma zin atalninnu zo̱ze̱ ci o̱ngo̱o̱li̱nnu̱ng kuulo i̱ge̱ta̱, abarik atalit zo̱ze̱ ci eteherte zara ciggo̱k ta̱mu̱-kenga.”

Lu̱ka̱ 2:10

Ma̱i̱je̱ anjilo a̱nne̱k nogo ne, “Ma o̱ngo̱o̱li̱nnu̱ gi̱i̱ imma. Kanyahakung anna i̱ge̱t kaviyak cik abunna anyak talninet ci a̱ppwe̱ ci ollu do̱o̱k.

Kaviyak wak Abunna Ta̱mu̱ta̱dde̱no̱ eher Joni 16:22

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 5:11

Katalninna zin oroot kaale do̱o̱k, eci Ta̱mu̱ta̱dde̱n i̱tto̱na̱i̱t Manyitinna Ye̱su̱ Ki̱ri̱sto̱ kar kanyait gano naga ol balik ke̱e̱ggi̱n mo̱ddo̱ cik Ta̱mu̱ta̱dde̱no̱ ke̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 9:2

Kanyai anna matiz ki ciriton ci a̱ppwe̱ oroot zinina.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Vilipia 2:26

Ma̱i̱je̱ i̱yo̱ko̱ orong enne oroot kar ki̱vo̱nnu̱ng i̱ge̱ta̱. Abile nonno zinin je̱e̱na̱ eci iziktu niga omori enne ba̱li̱ye̱.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

Vilipia 4:4

Ataltto odohize zo̱ze̱ ci Manyi baize cunno̱ng! Kobodonik ka̱du̱wa̱ dee, ataltto.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

Je̱mi̱s 1:2

Gotonogga ki ngonogga tu̱we̱nta̱, abunna zin kaavtte talninta, ming nu̱nu̱n atimanet no̱ngi̱tto̱na̱ go̱o̱lo̱we̱ cik aavtte do̱ do̱ baiza.

Je̱mi̱s 1:9

Imma gotonet ki ngonogget wak a̱tu̱we̱ apirna kaale, anyik katalto kodongit e̱le̱tti̱ ming okko Ta̱mu̱ta̱dde̱n eela nogo.

Je̱mi̱s 4:9

I̱yo̱ko̱ zin u̱tu̱lu̱z u̱lu̱wa̱. Utuhuwet rari cunno̱ng kize u̱lu̱wa̱ kar talninet cunno̱ng kize mozinet.

1 Peturu 3:17

Abunna ming apirnannu ming ogonnu zoz ci Ta̱mu̱ta̱dde̱no̱, gerza ming apirnannu ming ogonnu kaal cik mu̱nye̱nu̱.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.