1 Peturu 1:3 - Tennet

³ Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.

1 Peturu 1:3 Iomraidhean Croise

Jonah 4:2

Ala Jonah Manyi, “Manyi bai, ngen ba̱li̱ye̱ ku̱du̱wa̱ baling korongi kuk rok orog ci een Tarshish? Ka̱gga̱ niko ba̱li̱ye̱ kar zin ketteda gool cinanni. Ka̱gga̱ niko e̱e̱ni̱ i̱nna̱ Ta̱mu̱ta̱dde̱n ci abunna kar bo̱do̱k i̱i̱rke̱, iróng i̱nna̱ etteda zinin ataman kar bo̱do̱k rezinet cunne abak udut olle, eci e̱e̱ni̱ i̱nna̱ Ta̱mu̱ta̱dde̱n ci iróng adita ol.

Kaviyak wak Abunna Ta̱mu̱ta̱dde̱no̱ eher Joni 1:13

Iróng nege bo̱do̱k a̱rri̱ta̱i̱ bi̱ye̱te̱, icima go̱o̱le̱ ci a̱rri̱ta̱ne̱ e̱e̱ti̱ ci diiri, abarik a̱rri̱ta̱ Ta̱mu̱ta̱dde̱n.

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 8:24

Eci zo̱ze̱ ci karikka naga zi̱nze̱tti̱ ko̱ ci aanyet ti̱ri̱ze̱ne̱t. Ma̱i̱je̱ ngatu, iróng zin naga karike zi̱nze̱tti̱ kaal cik kacin eberene ko̱. Ngene ci arike zinin gi̱i̱ ci anyak enne la̱du̱n?

1 Ko̱ri̱nto̱ 13:13

I̱yo̱ko̱ anyak zin tu̱we̱ne̱t, ki zinin ci erewe gi̱i̱ imma ngati Ta̱mu̱ta̱dde̱no̱ ki rezinet zinine cunne. Ma̱i̱je̱ kaale ne̱k e̱e̱ggi̱n i̱i̱yo̱ ko̱, rezinet ci a̱ddi̱ki̱re̱ kommog veelek.

1 Ko̱ri̱nto̱ 15:20

Abarik itingawe Ta̱mu̱ta̱dde̱n Ki̱ri̱sto̱ de̱de̱ daiza. I̱ye̱le̱kke̱t ingazi atin ol balik a̱da̱i̱to̱ ke̱ daiza bu̱k kuruget.

2 Ko̱ri̱nto̱ 1:3

Abunna kinnat Ta̱mu̱ta̱dde̱n Be̱e̱ti̱ Manyi Ye̱su̱ Ki̱ri̱sto̱. Een Baba Ta̱mu̱ta̱dde̱n ci e̱de̱tte̱, eelannet agit odohize.

Ga̱la̱ti̱a̱ 6:16

Anyik Ta̱mu̱ta̱dde̱n kanyik ol wak abahe zoz cinne de̱de̱ gano ki deten; e̱e̱ggi̱n nege olli Israilo cik cuulai Ta̱mu̱ta̱dde̱no̱.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 2:4

Ma̱i̱je̱ Ta̱mu̱ta̱dde̱n anyak deten! Ka̱da̱kta̱ ba̱li̱ye̱ mu̱nye̱ne̱ cik kogon naga, abarik Ta̱mu̱ta̱dde̱n irezet oroot kar kaanyyet ruget ngati Ki̱ri̱sto̱, eelannet bunnati ci Ta̱mu̱ta̱dde̱no̱.

Evesos 3:20

Kinnatit zin Ta̱mu̱ta̱dde̱n wa anyak doiz ci ogonikket enne agit kaal cik abunna meelek oroot kommog kaal cik ka̱jji̱ne̱ naga nonno ki kaal cik ki̱no̱n naga korong nonno ku̱tu̱gu̱we̱ta̱ doize cinne a̱li̱ngli̱nge̱ zi̱nze̱tti̱nne̱ cigga̱c.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 4:13

Gotonogga ki ngonogga tu̱we̱nta̱, korongnyung a̱gga̱c zoz ci een de̱de̱ obod ki ol wak a̱tu̱we̱ a̱da̱i̱to̱. Iróng korongnyung i̱ge̱t u̱tu̱lu̱z ki ol wak iróng arike zi̱nze̱tti̱ zoz ci baiz wa ovvo ol wak a̱da̱i̱to̱ obodane.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

Je̱mi̱s 1:18

Atahalaet enne agit zo̱ze̱ cinne wa een de̱de̱, kar kaanyyet ruget, kar naga kizet muci ciginnek wak oowu kaale wak eteehenya enne do̱o̱k.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

1 Peturu 3:15

Abarik o̱to̱ngo̱o̱ltte̱ Ki̱ri̱sto̱ kize Manyi zi̱nze̱tti̱nne̱ cuggo̱k. Abunna ming erewinnu ju̱rru̱m kar abarizet e̱e̱t ci a̱jji̱nne̱ orong ka̱gga̱ zoz ci anyakku niga arikku zi̱nze̱tti̱ ko̱.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.

1 Peturu 3:5

Gool zin ci a̱tu̱we̱ ngaai balik reentik a̱li̱le̱, arike Ta̱mu̱ta̱dde̱n zi̱nze̱tti̱ ke̱ nenen necu. Aanycik nege e̱le̱tti̱ cigge̱k ki̱zi̱ze̱c ngati a̱tu̱we̱ Ta̱mu̱ta̱dde̱n kar bo̱do̱k ko̱to̱ngo̱o̱ltte̱ maccwa cigge̱k.

1 Jon 2:29

Ming a̱gga̱yyu̱ niga de̱de̱ een Ki̱ri̱sto̱ e̱e̱t ci ogon kaal cik abunna, a̱gga̱c zin niko een e̱e̱ti̱ ci ogon kaal cik abunna ko̱ do̱le̱c ci Ta̱mu̱ta̱dde̱no̱.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.

1 Jon 3:9

I̱llo̱i̱ e̱e̱t imma ci een do̱le̱c ci Ta̱mu̱ta̱dde̱no̱ ci ogon mu̱nye̱n. Iróng enne uule kar ku̱tu̱gu̱ mu̱nye̱n, eci Ta̱mu̱ta̱dde̱n ci a̱rri̱ta̱ nonno.

1 Jon 4:7

Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.

1 Jon 5:1

Ming a̱tu̱ e̱e̱ti̱ imma zoz ci azi ne Ye̱su̱ ci een Ki̱ri̱sto̱, een enne do̱le̱c ci Ta̱mu̱ta̱dde̱no̱. Ming irez e̱e̱ti̱ imma Be̱e̱ti̱nna̱ wa een Ta̱mu̱ta̱dde̱n, irez enne dooli ciginnek bu̱k.

1 Jon 5:18

Ka̱gga̱ naga do̱o̱k iróng dooli cik Ta̱mu̱ta̱dde̱no̱ aalna zo̱ze̱ ci ogone mu̱nye̱n odohize; eci Ngerrti Ta̱mu̱ta̱dde̱no̱ azunne nogo, iróng zin lo̱rye̱nti̱ ogonik nogo gi̱i̱ ci gerze.

1 Jon 5:4

eci dooli cik Ta̱mu̱ta̱dde̱no̱ ommog kaal cik lo̱o̱c cu. Kar tu̱we̱ne̱t cinna ci aanyet doiz ci kommoge kaal ne̱ko̱ do̱o̱k.