1 Peturu 1:2 - Tennet

² E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.

1 Peturu 1:2 Iomraidhean Croise

Ma̱te̱yo̱ 24:22

Ming iróng Ta̱mu̱ta̱dde̱n etted i̱i̱nya̱ ne̱ke̱ kizeto idice, iróng wo̱ye̱ da̱ e̱e̱ti̱ imma aruge lo̱o̱ce̱ cu. Abarik okko atin Ta̱mu̱ta̱dde̱n auturan i̱i̱nya̱ ne̱ke̱ zo̱ze̱ ci ol balik atahala enne ke̱.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Marko 13:20

Ming iróng Manyi etted i̱i̱nya̱ ne̱ke̱ kizeto idice, i̱llo̱i̱ e̱e̱t co̱de̱ ci aruge. Abarik zin zo̱ze̱ ci ol wak atahala enne, etted zin i̱i̱nya̱ ne̱ke̱ kizeto idice.

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Marko 13:27

Kar enne ki̱tto̱n anjilonya ciginnek ku̱lu̱tta̱ ol balik atahala Ta̱mu̱ta̱dde̱n lo̱o̱co̱we̱ do̱o̱k, ngati aṯurneke looci kuk rok nginti aṯurneke ta̱mu̱-kengi.

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

Buk wa To̱ni̱a̱u̱ 15:18

a̱gga̱ bu̱u̱llo̱wa̱ zoz necu bali reena.

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 20:32

“I̱yo̱ko̱ zin karikku̱ng a̱zzi̱t ci Ta̱mu̱ta̱dde̱no̱ ki zoz ci deten cinne, eci eelanung atin kar aragizet niga bu̱k bunnat ki ol cik a̱li̱le̱ Ta̱mu̱ta̱dde̱no̱.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 11:2

Ngen zin Ta̱mu̱ta̱dde̱n kutubur ol ciginnek balik atahala enne ke̱. A̱gga̱yyu̱ niga zoz ci eher a̱ri̱to̱i̱ti̱ ci Waraga ci Ta̱mu̱ta̱dde̱no̱ wa een zara E̱li̱ja̱ ngati a̱jji̱nne̱ Ta̱mu̱ta̱dde̱n zo̱ze̱ ci olli Israilo, a̱nne̱k ne,

Roma 11:28

Imma zo̱ze̱ ci aburne nege kaviyak cik abunna Ta̱mu̱ta̱dde̱no̱ ko̱, amarto zin nege ki Ta̱mu̱ta̱dde̱n. Irez Ta̱mu̱ta̱dde̱n nogo zo̱ze̱ ci ji̱ji̱ti̱gge̱k.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

Roma 8:33

Ming elema Ta̱mu̱ta̱dde̱n ol balik atahala enne ke̱, anyak wo̱ye̱ e̱e̱t imma ci ettedik ol ne̱ko̱ lo̱ki̱ko̱? I̱llo̱i̱ wo̱ye̱ e̱e̱t imma ci ettedik nogo lo̱ki̱ko̱.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

2 Ko̱ri̱nto̱ 10:5

bak aditai zoz ci odonge nege e̱le̱tti̱ gon go̱o̱le̱ ci alame ol abunna iróng a̱gga̱ Ta̱mu̱ta̱dde̱n. Kommogta ol wak adangnyyet zo̱ze̱ ci Ta̱mu̱ta̱dde̱no̱ ko̱, kar zin ko̱to̱ngo̱o̱ltte̱ Ki̱ri̱sto̱.

2 Ko̱ri̱nto̱ 13:14

Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 11:28

Okko bo̱do̱k tu̱we̱nta̱, uzute enne I̱i̱te̱n wa Va̱rda̱ngi̱nto̱, i̱i̱te̱n bali a̱kku̱nna̱k anjilo ci Ta̱mu̱ta̱dde̱no̱ olli Ya̱u̱do̱ Masire ke̱, kar kazac bi̱ye̱ kar gi̱i̱ ci adita a̱bu̱nya̱ cik Masiro ki̱ki̱ya̱, iróng zin a̱ru̱k a̱bu̱nya̱ cik Ya̱u̱do̱.

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 1:14

Ki i̱yo̱ko̱ dooli cik aziye zoz ko̱, ma ngen ogonnu bo̱do̱k kaal cik gerzek balik ogonnu niga baling ngen a̱gga̱c zoz ci een de̱de̱.

1 Peturu 1:19

abarik a̱ti̱ri̱zu̱ng bi̱ye̱te̱ cik Ki̱ri̱sto̱, ogon enne ki nyoon ci iróng anyak gi̱i̱ ci gerze eliya.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

2 Peturu 1:2

Kala anna Ta̱mu̱ta̱dde̱n bai kar ka̱a̱nyu̱ng deten ci a̱ppwe̱ ki gano baize cunno̱ng ngati a̱gga̱yyu̱ zoz ci Ta̱mu̱ta̱dde̱no̱ ki ci Manyitinna Ye̱su̱ Ki̱ri̱sto̱.

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,

2 Jon 1:13

I̱tto̱na̱ki̱ dooli cik ngononu bali atahala Ta̱mu̱ta̱dde̱n ko̱ zawinet cinne̱ng.

Ju̱da̱ 1:2

Kala Ta̱mu̱ta̱dde̱n kar ka̱ma̱yu̱ng i̱ge̱t oroot kar ka̱a̱nyu̱ng deten, ki baiz ci abakku yahe ki rezinet.