1 Peturu 1:12 - Tennet

¹² I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.

1 Peturu 1:12 Iomraidhean Croise

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Marko 16:15

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.

Lu̱ka̱ 15:10

Imma go̱o̱le̱ necu dee, ka̱du̱wa̱kku̱ng anna i̱ge̱ta̱, anyak talninet ngati aavtte anjilonya cik Ta̱mu̱ta̱dde̱no̱ ming utura e̱e̱ti̱ co̱de̱ mu̱nye̱n ciginnek.”

Lu̱ka̱ 2:26

I̱ye̱le̱k bali Vongizi ci A̱li̱le̱ nonno zoz cu, iróng atin enne a̱da̱i̱ ming ngen kicin Ki̱ri̱sto̱ ci i̱tto̱na̱ Manyi.

Lu̱ka̱ 9:6

A̱ka̱tte̱ zin to̱ni̱a̱ha̱ otozo o̱ro̱gjo̱we̱, uwahek ol kaviyak cik abunna Ta̱mu̱ta̱dde̱no̱, kar bo̱do̱k kangaruwet ol mo̱ri̱zo̱we̱ lo̱o̱cco̱k do̱o̱k.

Kaviyak wak Abunna Ta̱mu̱ta̱dde̱no̱ eher Joni 15:26

“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.

Buk wa To̱ni̱a̱u̱ 10:44

Baling ngen Peturu ozoz zoz necu, i̱ki̱ya̱k Vongizi ci A̱li̱le̱ ol balik aziye zoz ci Ta̱mu̱ta̱dde̱no̱ ke̱ do̱o̱k.

Buk wa To̱ni̱a̱u̱ 16:10

Baling icin enne o̱no̱zzo̱k ne̱ke̱, kodoltawa naga lak co̱de̱ korongnya ko̱o̱tta̱ lo̱o̱ce̱ ci Macedonia. Ka̱gga̱yya̱ niko ming awuyet Ta̱mu̱ta̱dde̱n agit kar kuwakteya kaviyak cik abunna nogo.

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Buk wa To̱ni̱a̱u̱ 4:8

Kar zin Peturu ngati anyahe Vongiz ci A̱li̱le̱, kizek nogo ne, “Nyakanganet ki lo̱ddi̱ki̱re̱ cik ollu!

Buk wa To̱ni̱a̱u̱ 8:25

Baling uwaktek nege ol zoz ci Manyi Ye̱su̱, i̱mi̱rrte̱ Peturu ki Jon ovvo Jerusalema, kar goola kuwaktek ol cik meelek kaviyak cik abunna o̱ro̱gjo̱we̱ cik meelek Samariya.

Roma 1:15

Korongi zin anna oroot kar ku̱du̱wa̱u̱ng kaviyak cik abunna i̱ge̱t ol cik Romi.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

Roma 10:15

Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

2 Ko̱ri̱nto̱ 6:6

Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.

Ga̱la̱ti̱a̱ 1:12

Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

1 Te̱se̱lo̱ni̱ka̱ 2:9

Gotonogga wak tu̱we̱nta̱, a̱a̱da̱nnu̱ ri̱t niga bu̱k li̱ngli̱ngo̱n bali gon a̱ppwe̱ kapirnanna wazin ki ba̱a̱li̱n do̱o̱k kar iróng ka̱ggi̱ddu̱ng kaale cik een da̱i̱ne̱t ngati kamitanekkung kaviyak cik abunna Ta̱mu̱ta̱dde̱no̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.

I̱bu̱ru̱ 4:2

Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

1 Peturu 1:25

Imma zoz ci Manyi aalna udut.” Een necu zoz ci uwakteung ol i̱ge̱ta̱ kize kaviyak cik abunna.

1 Peturu 4:6

Eci zo̱ze̱ necu, uwaktozik ba̱li̱ye̱ kaviyaha cik abunna ol wak a̱da̱i̱to̱, kar atin vu̱rrta̱ ming okko apahonik nogo lo̱ki̱ko̱ kaale wak gerzek ogon nege baizowe cigge̱k, ma̱i̱je̱ vongizzowa cigge̱k ovvo atin arume ki Ta̱mu̱ta̱dde̱n.

O̱no̱zzo̱k 5:11

Imma o̱no̱zo̱we̱ kiziya mulukwa cik anjilonya cik meelek ming e̱be̱ne̱, e̱e̱ggi̱n i̱bbo̱nge̱t (1,000) cik meelek giir, i̱bbo̱nge̱t omoto (10,000) lak i̱bbo̱nge̱t omoto. Uburuwet nege lecer ci alaano ki kaal cik aruge e̱e̱ggi̱n we̱c ki lo̱ddi̱ki̱re̱.