1 Peturu 1:1 - Tennet

¹ Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Peturu 1:1 Iomraidhean Croise

Ma̱te̱yo̱ 10:2

E̱e̱ggi̱n ciko zar cik to̱ni̱a̱k wak Ye̱su̱ een omoto ki rama: Si̱mo̱ne̱ wa een zara Peturu ki gotoni ci een Andereya kar bo̱do̱k Je̱mi̱s ki Jon wak e̱e̱ggi̱n dooli cik Zebedee,

Ma̱te̱yo̱ 24:22

Ming iróng Ta̱mu̱ta̱dde̱n etted i̱i̱nya̱ ne̱ke̱ kizeto idice, iróng wo̱ye̱ da̱ e̱e̱ti̱ imma aruge lo̱o̱ce̱ cu. Abarik okko atin Ta̱mu̱ta̱dde̱n auturan i̱i̱nya̱ ne̱ke̱ zo̱ze̱ ci ol balik atahala enne ke̱.

Ma̱te̱yo̱ 4:18

Baling owo Ye̱su̱ nyatapare ci een Ga̱li̱li̱, icin logoz cik een rama Si̱mo̱ne̱ wa een Peturu ki gotoni ci een Andereya ming a̱gga̱m u̱lu̱g liila.

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

Kaviyak wak Abunna Ta̱mu̱ta̱dde̱no̱ eher Joni 11:52

Iróng een zu̱we̱ ci Ya̱u̱do̱ do̱, abarik ki dooli cik Ta̱mu̱ta̱dde̱no̱ azanonnik lo̱o̱cco̱k do̱o̱k, kar kanyahak nogo nginto̱de̱ kize orog co̱de̱.

Kaviyak wak Abunna Ta̱mu̱ta̱dde̱no̱ eher Joni 7:35

Ozozzit zin ol cik een Ya̱u̱d nege do̱, anno ne, “I̱ni̱n ci orong e̱e̱ti̱ necu kar kuuwe ci iróng wo̱ye̱ naga karubane nonno ko̱? Okko atin enne lo̱o̱co̱we̱ cik abahe ol wagga̱c azanonnik ol cik een Gi̱ri̱k, kar kuk kedemez nogo?

Buk wa To̱ni̱a̱u̱ 18:2

Imma nginati u̱ru̱mto̱ enne ki Akuila e̱e̱t ci Ya̱u̱do̱, a̱rri̱ta̱i̱ lo̱o̱ce̱ ci azi zar ne Pontus, a̱kku̱ enne jor ki ngaa cinne Priscilla lo̱o̱ce̱ ci azi zar ne Italiya, eci bali Claudiusi alaani ci a̱ddi̱ki̱re̱ Romi ottok olli Ya̱u̱do̱ do̱o̱k kutungttek Roma lo̱o̱c. Okko bali Pa̱u̱lo̱ acin Akuila ki Priscilla,

Buk wa To̱ni̱a̱u̱ 18:23

Baling a̱vvu̱ Pa̱u̱lo̱ i̱i̱nya̱ u̱gge̱ Antiyokte, itinga bo̱do̱k uk oto lo̱o̱co̱we̱ ciko Ga̱la̱ti̱a̱ ki Phrygia, a̱du̱wa̱k nuyak do̱o̱k kar kokkomit zo̱ze̱ ci Ye̱su̱.

Buk wa To̱ni̱a̱u̱ 19:10

Uwahek enne ol zoz ci Ta̱mu̱ta̱dde̱no̱ e̱rki̱nya̱ rama nginati, kar abunna Ya̱u̱di̱ ki Gi̱ri̱k wak abak o̱ro̱gjo̱we̱ cik Asia aziye zoz ci Manyi Ye̱su̱.

Buk wa To̱ni̱a̱u̱ 6:9

Adang zin da̱ ol uggak nonno, e̱e̱ggi̱n ol ne̱ke̱ Ya̱u̱d cik o̱ro̱gjo̱k cik Alikzandria ki Cyrene ki lo̱o̱cco̱k cik Cilicia ki Asia, arumo nege Ce̱e̱ze̱ wa Lawinto, ci awu ol kize nginti ol cik iróng e̱e̱ggi̱n du̱cca̱k. A̱ka̱tte̱ ol ne̱ko̱ adangto ki Stephen,

Buk wa To̱ni̱a̱u̱ 8:4

Imma ol balik azzante ke̱ uwak kaviyak cik abunna ngati ovvoye nege do̱o̱k.

1 Ko̱ri̱nto̱ 16:19

Izayung zin ol wak a̱tu̱we̱ do̱o̱k lo̱o̱ce̱ ci een Asia. I̱tto̱na̱ zin bo̱do̱k Akuila ki ngaa cinne Priscilla ki ol wak a̱tu̱we̱ alute ce̱e̱ze̱ cinne̱ng ming ovvo nege ala Ta̱mu̱ta̱dde̱n ko̱ zawinet, izayung zin zare cik Manyi Ye̱su̱.

2 Ko̱ri̱nto̱ 1:8

Gotonogget ki ngonogget tu̱we̱nta̱, korongnyya abunna ming a̱gga̱yyu̱ pirnanet bali kapirnanna naga lo̱o̱ce̱ ci een Asia. Kapirnanna pirnanet ci a̱u̱ce̱ oroot, kize ojon daizi.

Ga̱la̱ti̱a̱ 1:2

Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱ cik lo̱o̱c ci een Ga̱la̱ti̱a̱.

Evesos 2:12

Imma e̱rki̱te̱ neci, iróng niga a̱gga̱yyu̱ zoz ci obod ki Ki̱ri̱sto̱. E̱e̱ggi̱nnu̱ niga i̱do̱ngi̱ ki olli Israilo ngati olom bali u̱du̱ya̱i̱ ke̱, iróng niga anyakku taban ci aanyik Ta̱mu̱ta̱dde̱n nogo. Abakku ba̱li̱ye̱ niga lo̱o̱ce̱ cu gaganiko, i̱llo̱i̱ zoz ci a̱kku̱ atin, i̱llo̱i̱ rok Ta̱mu̱ta̱dde̱n bu̱k.

Evesos 2:19

Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.

2 Ti̱mo̱te̱yo̱ 1:15

A̱gga̱ ri̱t i̱nna̱ niko utungteya ol balik lo̱o̱ce̱ ci een zara Asia ke̱ lo̱o̱c, owoye ciko Phygelus ki Hermogenes.

I̱bu̱ru̱ 11:13

Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

O̱no̱zzo̱k 1:11

azi ne, “Teher kaal cik acinni i̱nna̱ ko̱ waraga, kar zin i̱tto̱ni̱k ol wak a̱tu̱we̱ ke̱le̱ci̱a̱nya̱i̱ cik Ta̱mu̱ta̱dde̱no̱ e̱e̱ggi̱n turgerem ko̱: Ephesus, ki Smyrna, ki Pergamum, ki Thyatira, ki Sardis, ki Piladilpiya, ki Laodicea.”