James 2:11 - Tewa

¹¹ Kinho namuu: Yôesi Táḏá natú̖, Wíyá toˀwíví kwiyó-áḏí háa sedó-áḏí wíˀúvíwho̖hkwomáˀve-ípí. Heḏá Yôesi Táḏábá natú̖, Wívîntꞌowatꞌa̖há̖nuˀbé-ípí. Heḏânho tobá wíyá toˀwíví kwiyó-áḏí háa sedó-áḏí wíˀúvíwho̖hkwomáapí wänboˀ, wí toˀwí bînhayḏi Yôesiví tsontu̖u̖ tꞌä̖hkí bînˀaˀginhá̖nú waagibá úvíˀan.

James 2:11 Iomraidhean Croise

Mark 10:19

Jôesi Táḏáví tsontun ho mântaa. I-á natú̖ wívîntꞌowatꞌahá̖a̖nú-ípí, wíyá toˀwíví kwee-áḏí háa sendáḏí wíˀúvíwhohkwomáˀve-ípí, wíˀúvísä̖ˀmamípí, tꞌowaví̖ˀgeḏi wíˀúvíhójoˀa̖mípí, hójo waagiḏibo tꞌowaví hä̖ä̖wí wívînhóenípí, unbí táḏá-á jíyá-á bînˀaˀginmáˀve-í.”

Luke 18:20

Jôesi Táḏáví tsontun ho mântaa. I-á natú̖ wíyá toˀwíví kwee-áḏí háa sendáḏí wíˀúvíwhohkwomáˀve-ípí, wívîntꞌowatꞌahá̖a̖nú-ípí, wíˀúvísä̖ˀmamípí, tꞌowaví̖ˀgeḏi wíˀúvíhójoˀa̖mípí, unbí táḏá-á jíyá-á bînˀaˀginmáˀve-í.”

Romans 13:9

I tsontu̖u̖ kinnân namuu: Wíyá toˀwíví sedó-áḏí háa kwiyó-áḏí wíˀúvíwho̖hkwomáˀve-ípí, wívîntꞌowatꞌa̖há̖nú-ípí, wíˀúvísä̖ˀmâamípí, thúuḏí wíyá toˀwíví hä̖ä̖wí wíˀídaˀípí, heḏá wíyá ha̖ˀbi tsontu̖u̖ wáˀ nakwꞌó̖. Hewänbo tꞌä̖hkí nä́ˀi tsontu̖u̖ wé̖ˀge wên wéhpêeḏa̖ˀ tsontu̖u̖ waagiˀbá namuu, kinnân: Háa un wíˀbo úvípiséegí waagibá, wé̖ˀgeˀin tꞌowa wáˀ bînséegíhûuwí.