1 Peter 2:8 - Tewa

⁸ Heḏá nä́ˀin wáˀ Jesus-ví̖ˀgeḏi nataˀmuu: I-á wí kꞌuu waagiˀbá namuu, tꞌowa iwe dipꞌíḏeˀdeḏi dikanundeˀ. Haˀwâa dínpoeˀo Jôesi Táḏáví tun ûnmuuˀin wíḏâyˀaˀgindopíḏí, heḏiho i-áho natú̖ nakhâyˀä̖ˀ gin dínpúuwíˀin.

1 Peter 2:8 Iomraidhean Croise

Luke 2:34

Heḏáháˀ Simeon-di Jôesi Táḏá óedaaˀan híwóˀdi thaa ovä̂nmä̂äníḏí, heḏá Mary-á óetu̖ˀan, “Wáy wên in Israel-ˀin iˀ óesígíkáyjí, heḏiho ovâyˀaywoení, hebo wây-á wêndá wíˀóesígíkáyjípí heḏiho dipeḏee-í. Iˀḏá tꞌä̖hkí tꞌowa háa Jôesi Táḏá nadaˀ waagi ovâykeeya̖mí, hewänbo in tꞌowaḏá óejoegikhâymáa,

Romans 9:22

Heḏânho Yôesi Táḏá wáˀ ûnkꞌóe kinnân iˀa̖míḏí: Tobáháa nadaˀ wänbo ikeeya̖míˀin hânho natꞌayˀin tꞌowaví tꞌaywó̖ˀdi dínmuuḏi, heḏá iví kay ûnmuuˀin âytáa-íˀin nadaˀ wänbo-á, owáy oeḏi i-á naboˀatä̖́ḏí itsíkhaˀoˀ ovâytuchä̖nú-íḏí in toˀwên inbí tꞌaywó̖ˀdi dínmuuḏi natꞌayḏi, inbáhoˀ ovâyhá̖nú-íˀin dínkhâyˀä̖ˀ.

1 Thessalonians 5:9

Naˀinbí Sedó Jesus naˀingîˀ iˀannin namuuḏi Yôesi Táḏáḏí díde̖ˀman dînˀaywoeníḏí, tꞌayḏi dítuchä̖nú-íḏá yoe.

1 Peter 2:6

Jôesi Táḏáví taˀnin diwe nä́ˀi tun ûntaˀmuu háa iˀ Christ-ví̖ˀgeḏi natú̖ waa: Bítꞌôeyan, naaḏi wí toˀwí dódeˀman, i-á oe Zion diwe dósogekhâymáa. I-á wí kꞌuu tehpaa béˀḏí shánkí natáyˀiˀ waagiˀbá namuu. Toˀwên ivíˀpiye dívíwä̖yundeˀindá háˀto dichanpúuwí híwóhpîˀpiye dívíwä̖yundeˀin.

1 Peter 2:7

Heḏiho un ivíˀpiye úvíwä̖yundeˀingîˀ i-á báyékí nachä̖ˀmuu, hewänbo in toˀwên dívíwä̖yundepíˀingîˀ-á nä́ˀin iví̖ˀgeḏi nataˀmuu: I-á wí kꞌuu waagiˀbá namuu, heḏi in tꞌowa-á tewhátehpaaˀin waaginbá-á dimuu. Heḏi tobá nä́ˀi kꞌuu dâyjoegiˀan wänbo i-á iˀ kꞌuu ee tehpaa béˀḏí shánkí natáyˀi waagibá napóe.