Lukas 12:5 - Tetun

⁵ Haꞌu atu katak baa emi, emi musti hataꞌuk see. Emi musti hataꞌuk Maromak, tan Nia mak bele noꞌo emi, hotu soe tama emi baa naraka. Tebes! Nia, mak emi musti hataꞌuk.

Lukas 12:5 Iomraidhean Croise

Mateus 10:28

Keta hataꞌuk ema raiklaran. Masik sia bele noꞌo emi moos, sia la bele noꞌo emikaan kmalar. Musti hataꞌuk Naꞌi Maromak dei, tan Nia mesan mak noo beran atu natama emikaan isin no kmalar baa haꞌi naraka.

Mateus 25:41

Hotu Haꞌu katak kedan baa ema seluk sia mak iha Haꞌukaan sorin karuk kaꞌak, ‘Hoi ema aat sia! Sees hosi neꞌe! Naꞌi Maromak lelen emi. Nia atu soe tama emi baa haꞌi naraka mak laka la nanawa. Nia nadiꞌa tiꞌan fatin susar nia bodik diabu sia no siakaan ulun.

Mateus 25:46

Hotu ema aat nia sia netan kastikar nima-nimak. Mais ema moon nia sia netan moris nima-nimak.”

Mateus 5:22

Mais haꞌu katak nuneꞌe: keta nawan saꞌe malu, tan ema mak nawan saꞌe niakaan maluk, nia sala. Ema mak deꞌan niakaan maluk naꞌak, ‘O momok!’, ema nia musti nataa iha makotu lia oin. No ema mak nakbehek niakaan maluk naꞌak, ‘O bulak!’, nia atu kona kastikar iha haꞌi naraka.

Markus 13:23

Dadi, emi musti daka aan diꞌa-diꞌak! Loron susar nia sia sei la toꞌo dauk, mais Haꞌu foo katene kedan baa emi!”

1 Tesalonika 4:6

Keta malo sala baa maluk makfiar. Keta buka sotir hosi sia. Tan Naꞌi Maromak atu kastikar lisan aat nia sia. Hori uluk, ami halore lia nia sia baa emi tiꞌan.

Ibrani 10:31

Hanoin! Naꞌi Maromak moris nohuun! Ema nanis nataꞌuk kalo Nia kohi nola sia.

2 Petrus 2:4

Nunia moos, Naꞌi Maromak Niakaan makbukar laleꞌan balu. Uluk, baa oras sia nalo sala, Naꞌi Maromak la nabusik. Nia soe tama sia baa haꞌi naraka, nodi neti natoos sia iha rai kuak makukun. Sia musti nein iha nia toꞌo oras Naꞌi Maromak nakotu siakaan lia.

Lia Raiklaran Falu Fila 14:7

Nia nahii makaꞌas naꞌak, “Emi musti hakneter Naꞌi Maromak! Emi musti foti-hahaas Niakaan naran! Tan Naꞌi Maromak oras toꞌo tiꞌan, atu leno ema hotu-hotu hahalok. Tonu-haboot Nia! Foti-hahaas Niakaan naran! Tan Nia mak naseꞌi laleꞌan no raiklaran. Nia mak naruka tasi no wee matan hotu-hotu dadi.”

Lia Raiklaran Falu Fila 15:4

Ema hotu-hotu foti-nahaas Ita Boot naran. Ema hotu-hotu tonu-naboot Ita Boot dadiꞌak. Tan Ita Boot mesan mak moon. No Ita Boot mesan mak la noo sala. Ema klubun hotu-hotu atu mai loꞌu-sudur baa Ita Boot. Ema hunun hotu-hotu atu mai sera dodan baa Ita Boot. Tan ema hotu-hotu naree tiꞌan Ita Boot hahalok diꞌak. No ema hotu-hotu natene tiꞌan Ita Boot laran loos.”

Lia Raiklaran Falu Fila 20:14

Ema mak naran la noo iha hakerek nia, kona kastikar soe baa tasi haꞌi laran. Nunia hotu, la noo mate ona. Matebian fatin moos la noo ona, tan ema hotu-hotu mak naran la noo iha Naꞌi Maromak hakerek nia, kona soe baa tasi haꞌi laran tiꞌan. Kastikar iha tasi haꞌi laran nia, neꞌe naꞌak, Mate Dala Rua.