Yuda 1:3 - AKITUTUKET NAKITETET (NEPEPEKA ISABULIN KA AWARAGASIA)

³ Luminan kang' ajii eong' akigirakin osi kuju ka alakuno na imorete oni, na anyuna eong' ebe ekotokina akigirakin osi atipet kanuka akisicat osi itawon akitolosite ka akiyuun na abu Akuju kolemik itung'a keng' katipe bon.

Ebaibuli

³ Luminan, eswamai kadunyanut kere aiwadikakin yes nuka aitajariowok nakimori, ketiŋaikinitai aiwadikakin yes kecor yes aut noi kanuka aiyuun naainakinitai lukalaunak irwan atipet bon.

Yuda 1:3 Iomraidhean Croise

Aswamisio 17:3

iniminimi ka akitodiar ebe kitemokina Kristo akicanakin ka ajarun kotoma atwanare ebala ebe, “Yesu lo, lo alimonokini eong' osi kuju keng', nes erait Kristo.”

Aswamisio 18:28

naarai kebu nesi kilany Iyaudin kapega koking'aren ka itung'a, itosomae nesi akiro nukalaunak akitodiar ebe Kristo nes Yesu.

Aswamisio 20:27

naarai mam eong' abu kakurianar akitodikin osi akirot ka Akuju kere.

Aswamisio 28:28

Kirikakini Paulo ebe, “Kojenutu ebe akiyuuno naka Akuju ejukiyar olong'au; epupunete kesi.”

Aswamisio 4:12

“Ejii adumun ayuno akitor nama keng' bon; ka akwapa kere emam bobo itwan ice ni ainak Akuju ayuuni oni.”

Aswamisio 6:7

Kitolosite akirot ka Akuju akisiarakin. Kiyatakin etae ka ikiyakia ko Yerusalem, kocamunete isaseredotin lu ipu akiyuun.

Aswamisio 9:13

Konye kinyakuni Anania ebe, “Lokapolon, eira eong' kamaka itung'a kalu ipu kuju ka etwan kalo, nukarokok nu ipu nu esomak nesi lu etupito ijo ko Yerusalem;

Aswamisio 9:22

Konye kosodi alimonor ka Saulo araun na epolo apedor, bobo akitodianareta keng' ebe erait Yesu Kristo kisimoninikini Iyaudin lu kiboete ko Damaskas mam kesi abeikinete abong'okin nesi.

1 Ikorinton 15:3

Abu eong' kainak osi nu abu eong' kadum, nu ejaasi kapolou noi: Ebe abu Kristo kotwana kanuka arokusio wok, kwape igiritere agirasia;

Igalatian 2:5

konye kanuka aricakiite kotenan akiro nukajokak kanu kus, mam siong' abutu kacamakinosi ka kesi.

Igalatian 3:28

Kanuka ng'unu, emam agelakina ejii kiding' ka Iyaudin kiton Ilong'au, kiding' ka ijolon kiton lu elakakina, kiding' ka ikiliok kiton aberu. Naarai iraito osi kere ibore ipe kamaka Kristo.

Igalatian 6:11

Kiteete agirasia nukapolok nu etosomae eong' akigirakin osi kakan kang' kelope!

Ipeson 1:1

Eong' Paulo ekiyakia ka Yesu Kristo, lo eworouno araun ekiyakia atupa ka apedor ka Akuju. Nama kalu iyuuto lu emunokina kamaka Yesu Kristo:

Ipilipin 1:1

Eong' Paulo kiton Timoti lukejaanakinak ka Yesu Kristo, nama ka itung'a ka Akuju ko Pilipi lu imorikikina ka Yesu Kristo, ikamut lukapolok luka ekanisa kiton lu ing'arakito kesi.

Ipilipin 1:27

Ibore nikapolon erait ebe kitemokina ejautene kus ka akiro nukalaunak ka Kristo, tetere kere kabeikini eong' abunore anyun osi kere mam, kabeikini eong' akirar kuju kus ebe igwoete osi icasito ka etau kepe, imorikina adama eupasi nenipe kanuka akiyuun kanaka akiro kanukalaunak.

Ikolosain 1:2

Nama ka itung'a ka Akuju luko Kolosai, lu eraito ikanacan ka akanacan wok lu emunokina kotoma Kristo. Koinak Akuju Papa wok osi asianut ka aipuc.

1 Itesalonikan 2:2

Ijenete osi kwape esicanere kakirata siong' ko Filipi ering'a siong' kebuno nama kus Tesolonika. Atikere kejaikina epegete lo apolo noi, abu Akuju wok koinak siong' akicasite naka alimokin osi Akiro Nukajokak alomun kama keng'.

1 Timoti 1:18

Timoti, okoku kang', ainakini eong' ijo akicorasit na, na etupasi ka akiro nukedaute adwarun sek kuju kon. Kitosoma akiro ng'unu bala ijiito tetere ijio ijo kotenan,

1 Timoti 6:12

Kojii ejie lokajokan loka akiyuun, kirum akijar na emam kejaasi ka esial nakinyarakino ijo apaki na iyamoo ijo arokusio kon kojokan koking'aren kaluketodiarak kalu ipu.

2 Timoti 1:13

Koricite baaba akiro nuka abeite nu esisianakini eong' ijo, kwape ka aputo kana itemokina osi atupite. Bobo kideun kamunokiite Kristo kiton amina wok kakimorikikina kiton Yesu Kristo.

Tito 1:4

Egiri eong' nama ka Tito, okoku kang' loka abeite kotoma akiyuun na imorete siong'. Koinak ijo Akuju Papa kiton Yesu Kristo Loketajaran wok asianut kiton aipuc.

Iburayon 13:22

Kemaimait eong' osi ikinacan ka akanacan kopupoto akiroto kang' na einakini itwan agogong', naarai egiraki eong' osi ebaruait kaurianut.

Iburayon 6:9

Atikere kinerasi siong' ekipone lo, luminana, eirarito siong' name ejokuna kuju kus. Ijenete siong' ebe ijaasi osi ka arereng'usio nukajokak nuka alakuno kus.

1 Petero 5:12

Egirakini eong' osi ebaruati lo euriana ka aking'arasit ka Silas onaci lo emunokina lo emorete ka eong' ekristayone kotoma Kristo. Egirit kaurianut nama kus ainakin osi itau ka alimor ebe erait na asianut ka Akuju naka abeite; kogwata icasito kotoma keng'.

2 Petero 1:1

Alomuni kamaka Simon Petero, ekejaanakinan kiton ekiyakia ka Yesu Kristo. Namaka ng'ulu kalu kotoma kadolite ka Akuju wok nepepe ka Yesu Kristo Eketajaran wok adauni ainakin akiyuun nakajokan bala na wok.

2 Petero 2:21

Kejokuna kama kes kere komam kesi kejenuto ekipone loka adolite akilany ajenuni ekipone ng'oli kakinyekin akicorasit nakalaunan na keinakite kesi.

Yuda 1:1

Alomun kamaka Yuda, ekejaanakinan ka Yesu Kristo, onac keng' ka Yakobo. Namaka ng'ulu kalu kedau Akuju anyaraun, lu iboyete kotoma amina ka Akuju Papa bobo igwaikite kojokan Yesu Kristo.

Yuda 1:17

Konye kiitutu, ipoupatin kang', nu abutu ikiyakia ka Lokapolon wok Yesu Kristo kotemasi kokau.

Yuda 1:20

Konye osi ipoupatin kang' kitolositete akigang'anari kotoma akiyuuni kus nakalaunan cut. Kilipete kotoma apedor naka Emoyo Lokalaunan;

Apukokinio 12:11

Elanyata kesi nesi ka aokot ka Imerekek nenipe ka akirot kes naka akitejenunar, naarai mam kesi amina akijar kes akitodol atwanare.

Apukokinio 2:10

Mam akuriana ican lu apuut osi adumun. Kalimokini eong' osi ebe ebuni Asatanit apiakin ice kama kus aenis kanuka akitama osi, icanakinosi osi ka aparasia atomon. Kojaasi ka amuno akitodol atwanare, kasodi eong' ainakini osi abokoki naka akijar.