Yokana 9:39 - AKITUTUKET NAKITETET (NEPEPEKA ISABULIN KA AWARAGASIA)

³⁹ Kotemari Yesu ebe, “Kanuka atubonokin nes abunia eong' toma akwap na, tetere ng'ulu lu emam kiteete anyunete, bobo ng'ulu lu ekwenyete eraunete lu emudukaka.”

Ebaibuli

³⁹ Kotema Yesu atiar, “Abu kabu toma akwapin nu kanuka etube, tetere eanyunete lumam eanyunete, koraut da lueanyunete imudukiok.”

Yokana 9:39 Iomraidhean Croise

Matayo 11:5

Adumutu lu emudukaka anyun, ing'walaisik elosete, luka eng'ulo etalaun, ikiming'aisik epupuete, lukatwak etajarun, ikapalipalak alimokin akiro nukajokak.

Matayo 15:14

Mam apodo kuju kes! Eraito kesi lu emudukaka lu eyaito imuduk; keyait emuduki loce, ibirokinosi kesi kere adwii.”

Matayo 6:23

Konye keroko akonyen kon, ijaikin ijo akirionus. Konye kerait acaus na ejii toma kon akirionus, ikokini konye akirionus ng'ini eronaar ai!

Luka 1:79

ka acaikin ng'ulu kere lu iboete kotorube kaloka atwanare, ka ayaite akejen wok koroto kaloka aipuc.”

Luka 13:30

Kosodete ng'ulu lu eraito kipokona lukosial araun lusodit, ng'ulu lu eraito kipokona lusodit araun lukosial.”

Luka 2:34

Kisuluanyik Simion kesi kosodi alimokin Maria, toto keng', “Ikoku eni eseut Akuju kanuka akibiror ka ayuuno kalu ipuaka ko Israel. Erauni nesi akitodiaret alomun kamaka Akuju na ebunete lu ipuaka ejor mam kekotosi.

Luka 4:18

“Ejii Emoyo ka Lokapolon kuju kang', Naarai aseu nesi eong' ayaun akiro nukajokak namaka lukapalapalak. Ejukia nesi eong' alimor alakakino nama kalu eyenite nepepe ka abong'uni naka akitere kama kimudukaisik; ka alakakin ng'ulu lu imakiite,

Luka 7:21

Akolong' nipeng'ini kitang'aleuni Yesu itung'a lu ipu adekasia kes, ariebasinei kes nepepe kalu ikamuto ipara ka ainakin imudukaisik lu ipuaka apedor naka akitere.

Yokana 12:31

Kipokona nes apak naka atubonokin akwap na. Kipokona nes ecakarere king'a lo ipugae akwap na.

Yokana 12:46

Abu eong' toma akwap bala acaus tetere ng'ini kere nikeyuuni eong' emam kideun kakirionus.

Yokana 3:17

Naarai mam Akuju ejukuni Okoku keng' akwap kanuka atubonokin akwap, konye tetere elakuno akwap akitoro nama keng'.

Yokana 3:19

Na nes atubokino, ebe abu acaus akwap konye abutu itung'a kominutu noi akirionus akilanya acaus naarai aroko asomisio kes.

Yokana 8:12

Kolimokini Yesu kesi bobo ebala ebe, “Araiti eong' acaus naka akwap. Nesi nikatupi eong', mam cut kebuni alosite kakirionus, konye ejaikinosi ka acaus naka akijar.”

Yokana 8:15

Itubonokinete osi atupa ka akwan, eong' mam katubonokini itwan.

Yokana 9:25

Kinyakuni nesi ebe, “Ati keraiti nesi lokarokusio, mam eong' kajeni ng'unu. Ibore ipe ni ajeni eong' erait ebe amudukana eong' sek, konye kipokona etee eong'.”

Aswamisio 26:18

kanuka ang'ar akonyen kes, tetere ibellkinosi alomun kotoma akirionus alosite acaus, bobo alomun ka apedor ka Asatanit alosite nama ka Akuju, tetere edumunete arimakino ka arokusio kes kiton alaro kamaka ng'ulu kalu italaute ka akiyuun kama kang'.’”

2 Ikorinton 2:16

Kamaka ng'ulu lu ewolito, erait asaus nakabosan na ari, konye kamaka ng'ulu kalu ilokonyunos, erait asaus na eyauni akijar. Ngai konye epedori asoma bala ng'unu?

Ipeson 5:14

Kanuka ng'un ebalai ebe: “Konyou, Okwai ijo lo iperi konyou kanaka lukatwak, itacauni Kristo acaus keng' kama kus.”

2 Itesalonikan 2:10

ka akitosoma akapilanut naka akingal naka ng'olo eng'eri kamaka ng'ulu kalu etwakete. Etwakete kesi naarai mam abutu kidiaut ka amina abeite kanuka adumun alakuno.

1 Petero 2:9

Konye iraito osi atekere na eseute, isaseredotin ka Ejakait, akwapa nakalaunan, itung'a ka Akuju elope, eseute alimonor asoma ka Akuju nuka aumokin, lo anyarauni osi kotoma amuton ayauni osi acaus keng' naka aumosit.

1 Yoana 2:11

Konye ng'ulu lu emam keminasi ikanacan ka akanacan kes ejaasi toma akirionus. Elosete kesi kotoma akirionus komam akijen nama elosiorito naarai ainaki akirionus kesi amudukaanut.