Yokana 9:22 - AKITUTUKET NAKITETET (NEPEPEKA ISABULIN KA AWARAGASIA)

²² Ketemarete lukauriak keng' kong'in naarai kekuriaka kesi Iyaudin, naarai ketiakuuto Iyaudin ebe kecamu itwan kere ebe nesi erait Kristo, ireng'iaro ko osinagogi.

Ebaibuli

²² Enerasi ikekauriak kwaŋin naarai akuriaka Iyudayan; naarai enerunitos Iyudayan ebe arai elimori ituŋanan ŋes araut Kristo, ireŋeario katukos.

Yokana 9:22 Iomraidhean Croise

Awaragasia 29:25

Erono noi akiitununi kuju kepone lo iitununanata itung'a ice kuju kon, konye kimunokit ijo Lokapolon, ijara ijo.

Luka 6:22

“Irereng' ijo kireito itung'a ijo, king'erito ijo, kirasete ijo kobalasi ebe irono ijo, kanuka Okoku ka Etwan!

Yokana 1:19

Na nes akitejenuunet naka Yoana, na ejukunata Iyaudin isaserdotin kiton Ilebin alomun ko Yerusalem aking'it nesi ebe, “Ng'ai ijo?”

Yokana 16:2

Ebunete itung'a akireng'iar osi ko otogoi luka alipasia ka Iyaudin. Bobo ebuuti akolong' na anyuna itwan kere nikiari osi ituni ebe kokipone kaloka asoma nu, ijaanakini nesi Akuju.

Yokana 19:38

Kau kanu, abu Yosef loka Arimateya lokecedakina araus lokesisian loka Yesu kanuka akurianu Iyaudin, kilip Pilato kocamakine nesi koyaa akuan naka Yesu. Kocamakini Pilato nesi. Kobuni nesi kalemar akwana ka Yesu.

Yokana 20:19

Atabong' ka apaaran kang'in, apaaran nasodit naka esabiti, egolol ikekia kama kejaasi lukesisiak, kanuka akurianu Iyaudin, kobuni Yesu kosodi akigwo kokiding' kes kolimokini kesi ebe, “Aipuc kojii nepepe ka osi”.

Yokana 7:13

Konye kanuka akurianu Iyaudin, amam itwan ni abu kiner kuju keng' epupiete itung'a.

Yokana 9:18

Mam Iyaudin abutu kiyuutu ebe kemudukana nesi sek bobo ebe itee nesi kipokona, akitodol nakenyaraunata kesi lukauriak luka etwan kalo kebuutu akonyen keng' kong'aarosi.

Yokana 9:21

Konye ikamuut ekipone lo itaa nesi kipokona, mam siong' kijenete. Bobo mam siong' kijenete nikeng'aari akonyen keng'. King'itata nesi. Epolo nesi, kiner elope.”

Yokana 9:34

Kinyakakinete kesi nesi ebe, “Edouno ijo kotoma arokusio nu ipuaka, ibeikiit ijo akisisianakin siong'?” Kosodete kesi akireng'iar nesi king'a.

Yokana 9:35

Kebu Yesu kiira ebe kebuutu kesi kireng'iasi nesi king'a. Nape kedumuna Yesu nesi, king'isi nesi ebe, “Iyuuti ijo Okoku ka Etwan?.”

Aswamisio 4:18

Kosodete anyaraun kesi ka akikwenyar mam ejori kere de akisisianakin cut ko okiror ka Yesu.

Aswamisio 5:13

Mam ipede ni mam arait Ikristayot abu kotamak akimorikikin ka kesi, konye kinerata itung'a nukajokak noi kuju kes.

Aswamisio 5:40

Kotupete akicorasit keng', kedautu anyaraun ikiyakia toma, kiposete kesi kosodete alimokin kesi mam ejori ka okiror ka Yesu kosodete aisikin kesi aikar.

Apukokinio 21:8

Konye lu ekuriaka, kalu mam kemunokiito, kalu itowolito luce, kalukarak, luka adoteu, ka ikacudak, lu imaete akujun, kalukaliokon kijokin—alaro kes erait akare na inepi akimi kiton esalfa, na erait atwanare nakiareit.”