Yokana 9:17 - AKITUTUKET NAKITETET (NEPEPEKA ISABULIN KA AWARAGASIA)

¹⁷ King'isete Ifarisayon bobo etwan lo amudukana ebe, “Inyena ibala ijo kuju keng', keng'a bere nesi akonyen kon?” Kotemari nesi ebe, “Erait nesi ekadwaran.”

Ebaibuli

¹⁷ Kobalas bobo emuduki ebe, “Ido bo jo ibala biai kanukeŋ, naarai abu kitwekeny akonikonyen?” Kobala ebe, “Erai enabi.”

Yokana 9:17 Iomraidhean Croise

Matayo 21:11

Kobong'okini itung'a lu ipu, “Lo nesi ekadwaran Yesu alomun ko Nasareti ko Galilaya.”

Luka 24:19

King'isi nesi kesi, “Iboro lunyena?” Kobong'okini kesi ebe, “Iboro lu kisomakinosi kamaka Yesu loko Nasareti. Arait nesi ekadwaran lo ejaasi ka apedor naka asoma akisisianakin koking'aren ka Akuju kiton itung'a kere.

Yokana 4:19

Kolimokini aberu nesi ebe, “Ejakait, anyu eong' ebe irait ijo lokadwaran.

Yokana 6:14

Na anyunata itung'a aumosit na kebu Yesu kisoma, kotemarete kesi ebe, “Lo cut nesi ekadwaran, lo ebuut toman akwap!”

Yokana 9:15

King'isete Ifarisayon bobo nesi ekipone lokedumuna nesi apedor naka akitere. Kolimokini nesi kesi ebe, “Abu nesi kipiaki adwat akonyen kang', kelotari eong', kanuka ng'un kipokona etee eong'.”

Aswamisio 10:38

Ekipone lo keseuna Akuju Yesu loko Nasareti kakijukakin nesi Emoyo Lokalaunan kiton apedor; ekipone lo kelosia nesi ng'in laro isomae nukajokak ka akitang'aleunun ng'ulu kere lu kisicani ajokit, naarai kejaasi Akuju ka nesi.

Aswamisio 2:22

“Itung'a kang' luko Israel, kiirasi akiro nu. Arait Yesu loko Nasareti etwan lo apon kitodune kama kus akitor aumosia kanuka akitim nu abu Akuju kisoma itorit nama keng'. Ijenete osi ikulopek nu, naarai esomakinosi kokiding' kus.