Yokana 8:55 - AKITUTUKET NAKITETET (NEPEPEKA ISABULIN KA AWARAGASIA)

⁵⁵ Konye mam osi kijenuuto nesi. Ajeni eong' nesi. Katema eong' ebe mam eong' kajeni nesi arauni eong' eliokoi kwape kus. Konye ajeni eong' nesi bobo aricit eong' akirot keng'.

Ebaibuli

⁵⁵ kwabo mam ipotu kojenut ŋes; konye eoŋ ajeni ŋes; arai kener ebe, ‘Mam ajeni ŋes,’ tikaraun ekeŋalan kwape kayesi; konye ajeni ŋes, aricit da akekirot.

Yokana 8:55 Iomraidhean Croise

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Luka 10:22

“Ainaki Papa kang' eong' iboro kere. Emam itwan ejeni Okoku nes ngai adepar Papa, bobo mam itwan ipede ejeni Papa nesi ng'ai adepar Okoku nepepe ka ng'ulu lu eseuni Okoku apukokin.”

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 10:15

Ekipone lo ejenia Papa kang' eong' nes ekipone ajenia eong' de Papa. Apali eong' akijar kang' kanuka amerekekin.

Yokana 15:10

Kiricata osi ikisila kang', ideunosi osi kotoma amina kang' kwape aricakina eong' ikisila ka Papa kang' kakideun kotoma amina keng'.

Yokana 15:21

Konye ebunete kesi akisomakin osi nu kere kanu kang', naarai mam kesi kejenete ng'oli lokejukuni eong'.

Yokana 16:3

Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 17:25

Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Yokana 6:46

Mere ebe anyu itwan ipede Papa adepar nesi lo elomuut kamaka Akuju. Anyu nesi Papa.

Yokana 8:19

Kosodete kesi aking'it nesi ebe, “Ai ejii Papa kon?” Kinyakakini Yesu kesi ebe, “Mam osi kijenete eong' karaida Papa kang'; Kere kijenete osi eong' tia osi ijenete Papa kang' de.”

Yokana 8:29

Nesi lokejukuni eong' ejaasi nepepe ka eong'. Mam nesi kinyekiit eong' bon naarai ng'ini paki esomaenene eong' nu italakaarito nesi.”

Yokana 8:44

Iraasi osi idwe luka papa kus, Asatanit. Bobo nu ikotosi osi erait asoma atupa kanu emina papa kus. Araiti nesi ekaaran ape kageunet. Bobo mam nesi kekote ibore ipede nika abeite naarai emam abeite kotoma keng'. Ing'alae nesi, inera nesi atupa kejautene keng' kelope, naarai erait nesi eliokoi, papa loka aliokonu.

Yokana 8:51

Abeite, abeite kalimokini eong' osi ebe kericaki itwan kere akirot kang', mam nesi ketwani.”

Yokana 8:52

Kolimokinete Iyaudin nesi ebe, “Kanuka nu, ijenutu siong' ebe ijaatatar ijo keparait lokaronon. Aburaam abu kotwana, ikadwarak de apotu kotwakata. Konye ibala ijo ebe, ‘Kericaki itwan kere akirot kang', mam cut kiiri atwanare.’

Aswamisio 17:23

Naarai na elatere eong' kore kus, ka anyun nama ilipata osi, abu eong' kadum altari na igirakite, ‘Nama ka Akuju kana mam Kejenuna.’ Atikere kimam osi kijenete ng'ini ni imaete osi, nesi nes etodiari eong' kipokona kama kus.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

1 Yoana 1:6

Kanuka ng'un, kitemasi oni ebe imorete oni ka nesi konye bobo kajaasi oni akirionus, ing'alaete oni kojor kiton kasomisio wok.

1 Yoana 2:22

Kanuka ng'un ng'ai konye eliokoi? Erait ng'ulu lu ebalasi ebe mam Yesu kerait Kristo. Itung'a kwape kang'ulu eraito ipading'a ka Kristo. Eng'erito kesi Papa kiton Okoku keng'.

1 Yoana 2:4

Ng'ulu lu ebalasi ebe ejenete kesi nesi, konye komam keyong'ito akicorasia keng', eraito iliokoisik bobo emam abeite kotoma kes.

1 Yoana 5:10

Kanuka ng'unu, ng'ulu kere lu emunokiito Okoku ka Akuju ejaasi ka akitodiaret na kotawon kes. Konye ng'ulu lu emam kemunokiito Akuju, etarautu nesi eliokoi, naarai mam kesi kemunokiito nu atema Akuju ikamuut Okoku keng'.

Apukokinio 3:9

Ekokini eong' ng'ulu lu eraito luke etogo loka alipasia ka Iyaudin ka Asatanit, lu ebalasi ebe kesi Iyaudin konye mam keraito konye eraito luka aliokonu, ekokini eong' kobutu kesi ka akibirokin akwap akejen kon ka akiyuun ebe aminu eong' ijo.