Yokana 8:44 - AKITUTUKET NAKITETET (NEPEPEKA ISABULIN KA AWARAGASIA)

⁴⁴ Iraasi osi idwe luka papa kus, Asatanit. Bobo nu ikotosi osi erait asoma atupa kanu emina papa kus. Araiti nesi ekaaran ape kageunet. Bobo mam nesi kekote ibore ipede nika abeite naarai emam abeite kotoma keng'. Ing'alae nesi, inera nesi atupa kejautene keng' kelope, naarai erait nesi eliokoi, papa loka aliokonu.

Ebaibuli

⁴⁴ Iraas yesi luka Satan papakus, ikotosi da aswam airaŋaanut naka papakus. Kerai ŋesi ekaaran ameun kageunet, mam icasit kotoma abeit, naarai emamei abeit kotomakeŋ. Nainerar nukaiŋal, inera nueraas nukeŋ elopet; naarai erai ekeŋalan, papa da loka aiŋalanut.

Yokana 8:44 Iomraidhean Croise

Matayo 12:34

Osi auri naka imunwo! Ikote osi inerasi ajokun ayi irokoo osi? Naarai nu ileleba otau nesi enera akituk.

Matayo 13:15

naarai adama ka itung'a kalu kepasata, bobo akii kes ekekes apupuun, bobo kemudukata akonyen kes. Keree kiteete akonyen kes tya aanyunete, kakipup ka akii kes, ka akijen ka adama kes, ka akibeleun nama kang' ketang'aleu eong' kesi.”

Matayo 13:38

emanikor nesi akwap; ikinyom lukajokak nes itung'a ikulopek Ajakaanut; Eduan nes itung'a lu ejaasi nama ka ajokit.

Yokana 6:70

King'isi Yesu kesi ebe, “Kemam eong' kaseut osi, itomonkaare, konye ipe kama kus arau Asatanit?”

Yokana 7:17

Kekote itwan kere aswam nu ekote Akuju, ejenuni nesi kerait akisisianakin kang' na elomuut kamaka Akuju kere enera eong' kapedor kang' bon.

Yokana 8:38

Enera eong' nu anyu eong' ejaasi ka Papa kang', bobo isomaete osi nu iirasi osi kamaka papa kus.”

Yokana 8:41

Isomaete osi nukisomate papa kus.” Kolimokinete kesi nesi ebe, “Mam siong' kiwurute kadoteu. Ijaasi siong' ka Papa epe, Akuju.”

Yokana 8:55

Konye mam osi kijenuuto nesi. Ajeni eong' nesi. Katema eong' ebe mam eong' kajeni nesi arauni eong' eliokoi kwape kus. Konye ajeni eong' nesi bobo aricit eong' akirot keng'.

Aswamisio 13:10

kosodi atemar, “Ijo okoku ka Asatanit lo! Ijo opading'a kang'in ibore ni ejokuna. Eleleba ijo acoa nakiboro lukarokok, bobo ng'ini ipak itamakit ijo akibelor abeite ka Lokapolon korau aliokonu!

Aswamisio 24:9

Kigang'ete Iyaudin de atubonokino na, isicasito ebe nu kere keraito abeite.

Aswamisio 5:3

Konye kotemari Petero, “Anania, inyo alomia Asatanit otau kon aking'alakin Emoyo Lokalaunan kosodi ijo aking'adakin ikabel ice lu kidumuni ijo kagwelaria amana?

2 Ikorinton 11:3

Konye akuriana eong' ebe ebuto amunaun adama kus kosodete osi akinyekin akimaa Kristo kabeite, ekipone ng'openg'ol king'alakina emun Iva kaliokonu nakacoa.

1 Petero 5:8

Kokwenyete, kolokokinasi! Lokasurup kus, Asatanit iladi kwape ka eng'atuny kalo eruo, ekote itwan ni ilikori.

2 Petero 2:4

Kemam Akuju akideun imalaikan na kisomakinata kesi aronus, konye abu kocakak kesi akim kosodi akipiakin kesi aduyoko nuka akwap naka lukatwak kiboto akitodol apak naka atubokin;

1 Yoana 1:8

Kitemasi oni ebe emam oni arokusio, ing'alaete oni ikulopek, bobo emam abeite kotoma wok.

1 Yoana 2:21

Kanuka ng'un, egirakiit eong' osi mere ebe kanu imamatatare osi kijeniate abeite. Konye kanu ijeniata osi. Bobo ijenete osi ebe emam aliokonu apede na elomuut kama abeite.

1 Yoana 2:4

Ng'ulu lu ebalasi ebe ejenete kesi nesi, konye komam keyong'ito akicorasia keng', eraito iliokoisik bobo emam abeite kotoma kes.

1 Yoana 3:12

komam araite bala Kain lo arait loka Asatanit kosodi akiara onac keng'. Inyo karia Kain nesi? Naarai aroko asomisio keng' kelope konye adolito nuka onaci keng'.

1 Yoana 3:15

Ng'ini ni ekadakiit onaci keng' erait nikaaran. Ijenete osi ebe emam nikaaran ni ejaasi ka akijar kotoma keng'.

Yuda 1:6

Ayene Akuju imalaikan lu abutu kong'eroto akilesikin ka icolong'o kes luka akipuga. Ayeni kesi kotoma akirionus kinyororon kaluka ikaru kere tetere etubokino kesi ka apaaran kanakapolon.

Apukokinio 12:9

Kocakarete king'a Asatanit nakapolon noi--emun ng'olo loka sek lo enyarite Asatanit lo eng'alae akwap kere. Kocakunete nesi kwap nenipe ka imalaikan keng' kere.

Apukokinio 13:14

Kosodi aking'alakin itung'a kere lu iboyete kakwap kokipone kaloka asoma aumosia nu kecamakiite nesi asoma koking'aren ka etyang' kalo sodit. Kolimokini etyang' kesi kitenata aputo kanuka etyang' kalo kikang'asite kekileng' kalokaujan konye kojari.

Apukokinio 2:10

Mam akuriana ican lu apuut osi adumun. Kalimokini eong' osi ebe ebuni Asatanit apiakin ice kama kus aenis kanuka akitama osi, icanakinosi osi ka aparasia atomon. Kojaasi ka amuno akitodol atwanare, kasodi eong' ainakini osi abokoki naka akijar.

Apukokinio 21:8

Konye lu ekuriaka, kalu mam kemunokiito, kalu itowolito luce, kalukarak, luka adoteu, ka ikacudak, lu imaete akujun, kalukaliokon kijokin—alaro kes erait akare na inepi akimi kiton esalfa, na erait atwanare nakiareit.”

Apukokinio 22:15

Konye koking'a kere ka ere lokapolon, ejaasi itung'a lu esomata nukarokok nepepe kang'ulu kalu isomaete nuka akicud, ng'ulu lu isomaete adoteu, ng'ulu lukarak, ng'ulu lu imaete akujun nepepe ka ng'ulu kaluke ng'alak kojori nepepe kasomisio.

Apukokinio 9:11

Ejaasi kesi ka ejakait lo ipugae kesi, lo erait emalaikat lo epolokiit adwi na ecakanakino ajokin ering'a akisicanio kes nakesial. Ekirori keng' ka Ayaudin erait Abadon; ka Agirikin erait Apollion (Apolou keng' erait “Lo ari”).