Yokana 8:32 - AKITUTUKET NAKITETET (NEPEPEKA ISABULIN KA AWARAGASIA)

³² ijenunete osi abeite, kosodi abeite alakun osi.”

Ebaibuli

³² ijenunete da abeit, abeit da kiwosikini yes.”

Yokana 8:32 Iomraidhean Croise

Isabulin 119:45

Abuni eong' akijar alakakina noi, naarai atamakiit eong' ayong'ite akisisianakino kon.

Isabulin 25:5

Kisisianakine eong' keboi kwape ikotore ijo, naarai irait ijo Akuju kang' lo kayuut eong'. Amunokiit eong' ijo ng'ini pak.

Awaragasia 1:23

Kopuputu na eretakina eong' osi; ainakini eong' osi acorasia nu ejooka bobo ka akimor akijen kang' ka osi.

Awaragasia 1:29

Mam osi apelem cut kaanyuto adumunete ka akijen, bobo ng'in pak ing'eroto osi akiyong' Lokapolon,

Awaragasia 4:18

Konye eroto kalu edolito eputosi ka acaus naka taparacu, na ecae cut kiyata akitodol paran kere.

Matayo 11:29

Koriong'ata ajoki kang', kisisiautu kama kang'; naarai ajokuna eong', bobo eyamara eong' ko otau, idumunete osi akiyeng'un.

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 1:17

Etoruni ekisil namaka Musa. Konye asianut kiton abeite etorunete namaka Yesu Kristo.

Yokana 14:6

Kinyakakini Yesu nesi ebe, “Araiti eong' eroto, kiton abeite, kiton akijar; emam ni ebuni nama ka Papa, emam kitorit nama kang'.

Yokana 16:13

Na ebunia Emoyo loka abeite, ebuni nesi ayaite osi toma abeite kere; naarai mam nesi kebuni ejori kanu keng' bon, konye ng'ini ibore ni iirari nesi ebuni nesi ejori, bobo de kitejenikini nesi osi iboro lu ebuuto koking'aren.

Yokana 17:17

Kitalau kesi kotoma abeite; akirot kon erait Abeit.

Yokana 6:45

Igirito lukadwarak ebe, ‘Ebuni Akuju akisisianakin kesi kere.’ Ng'ini kere ni eira ka akisisiaun kamaka Papa ebuni nama kang'.

Yokana 7:17

Kekote itwan kere aswam nu ekote Akuju, ejenuni nesi kerait akisisianakin kang' na elomuut kamaka Akuju kere enera eong' kapedor kang' bon.

Yokana 8:36

Kanuka ng'un, kelacaki Okoku osi, ilacakinosi osi cut.

Iromayon 6:22

Konye kilakakiite osi kipokona karonus, karaun osi ibulesun ka Akuju, araitoit na idumunete osi erait akijar naka alemuna akijaanakin Akuju cut cut. Esial keng' erait akijar na emam kedaun.

Iromayon 8:15

Naarai Emoyo lo ainaki Akuju osi mam kitarauni osi ibulesun ka ainakin osi akurianu. Konye kitarauni Emoyo osi idwe ka Akuju. Bobo kapedor ka Emoyo inyaraunete oni Akuju, “Papa! Papa kang'!”

Iromayon 8:2

Naarai ekisil loka Emoyo lo kiinuni oni akijar kotoma akimorikikina ka Yesu Kristo, adau alakakin eong' kamaka ekisil kaloka aronus kiton atwanare.

1 Ikorinton 7:22

Naarai nikenyarauni Lokapolon erait nesi ejolot, erait nesi itwan ka Lokapolon ni elakakina. Bobo ng'ini nikenyarauni Lokapolon elakakina erait nesi ebulesut ka Kristo.

Igalatian 5:1

Alakakina nes ibore ni ejaasi ka oni. Alakaki Kristo oni! Kanuka ng'unu, kogwata bala itung'a lu elakakiite. Mam acamun araun ijoloi bobo.

Igalatian 5:13

Naarai, osi ikanacan ka akanacan kang', apon konyaraune osi toma akijar naka alakakina. Konye, mam akitosoma alakakina kus erait atenikina naka asoma nu ekotosi awate kus. Konye, kijaanakinosi akitor amina.

2 Timoti 3:7

aberu nu etamakiito ng'ini pak akisisia konye mam cut kejenunete abeite.

Yakobo 1:25

Konye nesi ni itee ekisil lo edolit lo elakuni itung'a, ni itolosit atupite, konye mere akipup along'u ka akimuruokin, konye kisomae nu ekote ekisil, itwan ng'in isirereng'io kang'in bore ni isomae nesi.

Yakobo 2:12

Kinerasi ka asoma bala itung'a lu etubokino ka ekisil lo elakuni oni.

1 Petero 2:16

Kiboete bala itung'a lu elakakina, mam kong'in de, akitosoma alakakina kus arapakin aronus apede, konye kojarete bala ibulesun ka Akuju.

2 Yoana 1:1

Alomun kamaka emojong'it, namaka ajakait naminat kiton idwe keng', lu amina eong' ka abeite. Bobo mam kerait eong' bon, konye ng'ulu kere lu ejenete abeite kiminasi osi,