Yokana 8:19 - AKITUTUKET NAKITETET (NEPEPEKA ISABULIN KA AWARAGASIA)

¹⁹ Kosodete kesi aking'it nesi ebe, “Ai ejii Papa kon?” Kinyakakini Yesu kesi ebe, “Mam osi kijenete eong' karaida Papa kang'; Kere kijenete osi eong' tia osi ijenete Papa kang' de.”

Ebaibuli

¹⁹ Kosodi kotemasi atiar, “Ejai bo ai Papakon?” Koboŋok Yesu ebe, “Mam kijenete eoŋ karaida Papaka; arai kiijenete eoŋ, tikijenut Papaka da.”

Yokana 8:19 Iomraidhean Croise

Matayo 11:25

Akolong' ng'ini kotemari Yesu, “Papa, Lokapolon ka akuju ka akwap! Eyalamikiit eong' ijo kanu kitoodikina ijo lu mam kisisiato nu igwait ijo kamaka luka acoa kalu isisiato.

Yokana 1:10

Ajii Akirot toma akwap. Abu Akuju kosub akwap itorit nama keng', konye mam akwap abu kojenu nesi.

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 15:21

Konye ebunete kesi akisomakin osi nu kere kanu kang', naarai mam kesi kejenete ng'oli lokejukuni eong'.

Yokana 16:3

Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 7:28

Na esisianakina Yesu ko Otogo ka Akuju kolimuni nesi koporoto kaloko kuju ebala ebe, “Teni ijeni ijo eong' kiton nama alomuutere eong'? Mam eong' kabuuti kapedor kang' kelopet. Konye nesi lokejukuni eong', erait loka abeite. Mam osi kijenete nesi.

1 Ikorinton 15:34

Kokwenyutu! Kogeutu akijar kojokan, bobo kinyekisi asoma arokusio. Ice kama kusi mam kejenete Akuju cut. Nu alimonokini eong' osi erait asilutu na epolo noi kama kusi.

Igalatian 4:9

Konye, kanu ijenunata osi kipokona Akuju, bobo kanu ejenia Akuju osi, ikote osi ibong'orete bobo ayi namaka ipara kang'ulu kalu mam kejaatatare ka apedor, ka akote araun ijoloi kes bobo?

Ipeson 1:17

ka akilipite Akuju ka Lokapolon wok Yesu Kristo, Papa lo iturite koinaki osi Emoyo lo einakini osi acoa ka akitodiar Akuju kama kus tetere ijenunete osi nesi.

Ikolosain 1:10

Kosodete osi abeikin akijar kwape ekotore Lokapolon ka asoma ng'ini pak nu italakarito nesi. Ebuni akijar kus asoma nukajokak nu egegelegela, bobo ipolounete osi kakijen kus Akuju.

Ikolosain 1:15

Erait Kristo aputo na etakani naka Akuju lo mam ketakani. Erait nesi Okoku lokiyai, epolo akilanya iboro kere lu esubite.

Iburayon 1:3

Itoduuti nesi acaus naka akibusesu ka Akuju bobo erait nesi aputo naka Akuju kelope, idari nesi akwapa kere ka agogong'u ka akiroto keng'. Nakedauna nesi ayaun arimakino naka arokusio ka etung'anan, kosodi nesi akiboikin akan nakoteten ka Akuju kokuju, loka apedor kere.

1 Yoana 2:23

Emam ipede ni eng'erito Okoku ejaasi ka Papa. Ng'ini ni ecamuut Okoku ecamuut Papa de.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

2 Yoana 1:9

Ng'in kere ni mam kiboye kotoma akisisianakino ka Kristo, konye kopaite, mam kejaasi ka Akuju. Ng'in kere ni iboye kotoma akisisianakino, ejaasi ka Papa nepepe ka Okoku.