Yokana 8:12 - AKITUTUKET NAKITETET (NEPEPEKA ISABULIN KA AWARAGASIA)

¹² Kolimokini Yesu kesi bobo ebala ebe, “Araiti eong' acaus naka akwap. Nesi nikatupi eong', mam cut kebuni alosite kakirionus, konye ejaikinosi ka acaus naka akijar.”

Ebaibuli

¹² Kinera Yesu bobo kakes, kotema atiar, “Arai eoŋ aica naka akwapin; yenikatupuni eoŋ mam cut elosi kamuton, konye ejaas kaica naka aijar.”

Yokana 8:12 Iomraidhean Croise

Isabulin 18:28

Okwai Lokapolon, ijo iinanikini eong' acaus; ijo ilemari akirionus kang'.

Isabulin 49:19

imorikikinosi nesi ka lukasonya keng' kotoma atwanare, nama mam akirionus kedaun.

Isabulin 97:11

Ecakiit akolong' ng'ulu lu edolito, ebuni ailel namaka ng'ulu kalu ideerete kotawon kes.

Matayo 5:14

Iraito osi acaus na ecaikiit akwap. Ere lokapolon ejii kuju moru mam kepedorio akigwa.

Luka 2:32

Acaus naa apukokin itung'a luka akwap, ka ayaun akibusesu nama ka itung'a kon Israel.”

Yokana 12:35

Kinyakakini Yesu kesi ebe, “Ejaikinosi acaus ka osi ka apak kana euriana. Kolosete iroko osi ijaasi kacaus, kemam kilanyi akirionus osi. Nesi ni elosi kakirionus mam kejeni nama elosiorit.

Yokana 12:36

Iroko osi ijaasi kacaus, kiyuutu acaus tetere iraunete osi idwe luka acaus. Kedau Yesu ejori nu koikari kama kes, kong'opi.”

Yokana 12:46

Abu eong' toma akwap bala acaus tetere ng'ini kere nikeyuuni eong' emam kideun kakirionus.

Yokana 14:6

Kinyakakini Yesu nesi ebe, “Araiti eong' eroto, kiton abeite, kiton akijar; emam ni ebuni nama ka Papa, emam kitorit nama kang'.

Yokana 3:19

Na nes atubokino, ebe abu acaus akwap konye abutu itung'a kominutu noi akirionus akilanya acaus naarai aroko asomisio kes.

Yokana 7:17

Kekote itwan kere aswam nu ekote Akuju, ejenuni nesi kerait akisisianakin kang' na elomuut kamaka Akuju kere enera eong' kapedor kang' bon.

Yokana 9:5

Aring'a eong' ajii toma akwap, arait eong' acaus naka akwap.”

Aswamisio 13:47

Naarai nu nes ecoraki Lokapolon siong'”: “Aseu eong' osi araus acaus kamaka ilong'au, tetere iyaunete osi ayuuno alarosinoi kere nuka akwap.”

Aswamisio 26:23

Ebe ejii Kristo akicanakin, bobo, kanuka araus losodit kanyoun kamaka lukatwak, itodiari nesi acaus kamaka Iyaudin nepepe ka Ilong'au.

2 Petero 2:17

Eraito itung'a lu bala icorin lu ewokito, bala idowon lu ekutari ekuwam; edeki Akuju kesi alaro kotoma akirionus na iduloro.

2 Petero 2:4

Kemam Akuju akideun imalaikan na kisomakinata kesi aronus, konye abu kocakak kesi akim kosodi akipiakin kesi aduyoko nuka akwap naka lukatwak kiboto akitodol apak naka atubokin;

1 Yoana 1:6

Kanuka ng'un, kitemasi oni ebe imorete oni ka nesi konye bobo kajaasi oni akirionus, ing'alaete oni kojor kiton kasomisio wok.

Yuda 1:13

Eputosi kesi ka ikokoron luka akare, lu itoduto asomisio kes nu emam asilut elemete ekuyetete. Eputosi ka akanyere nu ireonorosi, nu kedau Akuju akiguwaikin alaro ikaru kere kama ejii akirionus na epolo noi.

Yuda 1:6

Ayene Akuju imalaikan lu abutu kong'eroto akilesikin ka icolong'o kes luka akipuga. Ayeni kesi kotoma akirionus kinyororon kaluka ikaru kere tetere etubokino kesi ka apaaran kanakapolon.

Apukokinio 21:24

Ebunete itung'a luka akwap alosite eyait kesi acaus keng', bobo ebunete lukepugak akwapin ayaun abara kes toma neni.