Yokana 7:39 - AKITUTUKET NAKITETET (NEPEPEKA ISABULIN KA AWARAGASIA)

³⁹ Alimuni nesi nu kuju ka Emoyo, lo akotokina ng'ulu lu iyuuto nesi adumun. Apak ng'ini aring'a Emoyo kedoluna naarai aring'a Yesu kedumuna akibusesu.

Ebaibuli

³⁹ Enerit akirot ŋin kanuka Emoyo, loeinakinio luiyuunito ŋes: naarai ariŋa ber Emoyo einakina, naarai eriŋa Yesu itopolooro.

Yokana 7:39 Iomraidhean Croise

Isabulin 68:18

Edoki nesi kuju omoru, eyarit itung'a lu ikamuute; idiaunene nesi idutan alomun kotung'a lukamenak. Ebuni Lokapolon Akuju akiboi kang'ina.

Awaragasia 1:23

Kopuputu na eretakina eong' osi; ainakini eong' osi acorasia nu ejooka bobo ka akimor akijen kang' ka osi.

Matayo 16:14

Kinyakakinete, “Ice ebalasi Yoana Lokebatisan, ice ebalasi Eliya, ice ebalasi Yeremia kere ekadwaran mutan.”

Matayo 21:11

Kobong'okini itung'a lu ipu, “Lo nesi ekadwaran Yesu alomun ko Nasareti ko Galilaya.”

Luka 24:49

Kitete, ejukuuni eong' nama kus lo isumunikiit Papa kang'; konye kiboto kore ka Lokapolon, akitodolo na idumunata osi agogong'u alomun kokuju.”

Luka 3:16

Kosodi Yoana alimokin kesi kere ebe, “Ebatisae eong' ka akipi, konye ebuut lo epolo noi kama kang'. Mam eong' kelesikina alacun aunoi ka amukan keng'. Ibatisai nesi osi ka Emoyo ka Lokalaunan ka akimi.

Luka 7:16

Kikamuni kesi kere akurianu kosodete akitur Akuju ebalasi, “Atakanu ekadwaran lokapolon noi kokiding' wok!” Bobo, “Epejok Akuju itung'a keng'!”

Yokana 1:21

King'isete kesi nesi ebe, “Inyena konye? Iraiti ijo Eliya?” Kotemari Yoana ebe “Mam eong' karait Eliya”. King'isete kesi nesi, “Irait ijo ekadwaran?” Kinyakuni nesi, “Mam”.

Yokana 1:25

King'isete kesi nesi ebe, “Inyo konye ibatisa ijo kimam ijo kirait Kristo kere de Eliya kere de Ekadwaran?”

Yokana 1:33

Eong' elope amam ajeni nesi. Konye nesi lo ejukuuni eong' akibatisa kakipi abu kolimok eong' ebe, ‘Nesi lo iyanyuni ijo Emoyo ijesakini kakideun kama keng', nesi ng'olo nes lo ibatisae ka Emoyo Lokalaunan.’

Yokana 12:16

Apak ng'ini amam ikesisiak keng' abutu kojenutu nu, konye kedaun ainakin Yesu aibuses, kiitunete kesi ebe kigirite nu kanu keng' bobo kisomakino nu kanu keng'.

Yokana 12:23

Kinyakakini Yesu kesi ebe, “Adolu esaa lo einakinere Okoku ka etwan akibusesu.

Yokana 14:13

Ibore kere ni ilipete osi kokiror kang', esomakini eong', tetere itopolooro Papa kotoma Okoku;

Yokana 14:26

Konye Lokeong'arakinan, Emoyo Lokalaunan, lo ijukuni Papa kokiror kang', ebuni akisisianakin osi iboro kere, kakisiitonokin osi iboro kere lu adau eong' alimonokin osi.”

Yokana 16:14

Einakini nesi eong' akibusesu, naarai idiauni nesi nu atemari eong' kolimokini nesi osi.

Yokana 16:7

Konye kalimonokini eong' osi abeite: Aikar kang' erait adumunet kama kus, naarai kemam eong' kaikari, mam Lokeng'aranakinan kebuni nama kus. Konye kaika eong', alosi eong' akijukuun nesi nama kus.

Yokana 17:1

Kedau Yesu ejori akiro nu, kikiari nesi akonyen keng' kuju kosodi atemar ebe, “Papa, adolu akolong', koinaki Okoku kon akibusesu, tetere itopoloori Okoku de ijo.

Yokana 17:5

Papa, koinakine eong' akibusesu kakonyen kon kipokona, akibusesu bala na ajaasi ka eong' nepepe ka ijo eroko akwap kejeuna.”

Yokana 20:22

Kedau nesi ejori nu, kosodi nesi, akutakin kesi ewuria kosodi alimokin kesi ebe, “Kidiautu Emoyo Lokalaunan.

Yokana 6:14

Na anyunata itung'a aumosit na kebu Yesu kisoma, kotemarete kesi ebe, “Lo cut nesi ekadwaran, lo ebuut toman akwap!”

Yokana 7:12

Ajii aking'urung'ura na apolo noi otung'a kuju keng'. Abalasi ice ebe, “Erait nesi etwan lokajokan,” Konye ice abalasi ebe, “Mam, itapait itung'a.”

Yokana 8:54

Kinyakuni Yesu ebe, “Kainaki eong' elopet akibusesu, emam akibusesu kang' adumunet apede. Papa kang' lo ibalasi osi erait Akuju kus nes einakini eong' akibusesu.

Aswamisio 19:2

Kolimokini nesi kesi, “Kibutu osi kodumutu Emoyo Lokalaunan na kiyunata osi?” Kinyakunete ebe, “Mam, mam siong' atikere kirarito ebe ejii Emoyo Lokaunan.”

Aswamisio 2:17

“Ebala Akuju ebe ka apaarasia kanuka esial esomakini eong' nu: Abukokini eong' Emoyo kang' nama kang'in itwan. Itelepai kus ka apesur kus edwarunete; anyunete lukatumunak kus ng'unu nu emam ketakanete, Imojong' kus ebunete eruja.

Aswamisio 2:33

Kedaun akikiari Yesu ka akigwakin nesi akan na teten ka Akuju, Papa keng', kodumuni Emoyo Lokalaunan kwape kitumunikiitere nesi. Nukipokona iteete osi ka akipup erait idutat keng' ni abukoki nesi kuju wok.

Aswamisio 2:38

Kolimokini Petero kesi, “Ekotokina osi kere akinyekin arokusio kus ka akibatisaun kokiror ka Yesu Kristo, tetere erimakino arokusio kus; kosodete osi adumun idutat ka Akuju, Emoyo Lokalaunan.

Aswamisio 2:4

Kilelebai kesi kere ka Emoyo Lokalaunan kogeunete kesi ejori ka ang'ajepa ka ace kwape keinakina Akuju kesi apedor naka ejor.

Aswamisio 3:13

Akuju ka Abraam ka Isaka ka Yakobo, Akuju kes ka papa wok, kitopolori ekejaanakinan keng' Yesu, lo igwelarete osi ka aking'ere koking'aren ka Pilato, ketiaku Pilato alacakin nesi.

Aswamisio 4:31

Nape kedaunata akilipi, kijang'ajang'akin alaro nama ketukokina kesi. Kobuni Emoyo Lokalaunan nama kes kere kogeunete akisiarasiara akirot ka Akuju emam akurianu.

Iromayon 8:9

Konye mam osi kijaasi toma awate kus. Ijaasi osi toma Omoyo, kere cut kejii Emoyo ka Akuju toma kus. Itwan kere ni mam kejaasi ka Emoyo ka Kristo mam kerait ni keng'.

2 Ikorinton 3:8

ikoni epolo ai akibusesu na erait naka asoma ka Emoyo Lokaluanan!

Ipeson 4:30

Mam akitadakar Emoyo Lokalaunan loka Akuju, naarai erait Emoyo ejenunet ka Akuju kama kus ebe iraito osi itung'a keng', kakitodiaret ebe ebut apaaran na eyuuna Akuju osi.