Yokana 7:33 - AKITUTUKET NAKITETET (NEPEPEKA ISABULIN KA AWARAGASIA)

³³ Kosodi Yesu atemar ebe, “Ajaikinosi eong' ka osi ka apak kana euriana, kasodi eong' abong'or nama kalokejukuuni eong',

Ebaibuli

³³ Kosodi Yesu kobala ebe, “Eroko apak edit ajai nenipe kayes, kasodi alosit mama ejai lokejukuni.

Yokana 7:33 Iomraidhean Croise

Mariko 16:19

Kedau Lokapolon Yesu ejori ka kesi, koyarete nesi kuju, kosodi akiboikin teten ka Akuju.

Yokana 13:1

Ering'a apaaran naka epucit kaloka Paska kedolo, nakejenuna Yesu ebe adolu esaa keng' loka anyoun kakwap kana alosite namaka Papa, kedau nesi aminun lukeong' lukejaasi toman akwap, kominuni nesi kesi akitodol osial.

Yokana 13:3

Kejeni Yesu ebe kedaut Papa ainakin nesi apedor kere; kejeni nesi ebe kelomuut nesi kamaka Akuju bobo alosi nesi nama ka Akuju,

Yokana 13:33

Idwe kang', mam eong' kajaikinosi ka osi ka apak kana euja. Ibunete osi akote eong'; konye kalimokini eong' osi kipokona nu alimokiit eong' lukapolok Kiyaudin ebe, ‘Mam osi kibeikinete alosite nama alosi eong'’

Yokana 14:12

Abeit, abeite, kalimokini eong' osi ebe, ng'ini ni iyuuni eong', elosi nesi de aswam nu esomae eong'; bobo elosi nesi aswam nu epoloko adepar nu; naarai alosi eong' nama ka Papa.

Yokana 14:19

Konye ka apak kana edit mam akwap bobo kaanyuni eong', konye osi kianyunete eong'; kanu ajaria eong', osi de ijarete.

Yokana 14:28

Ibuutu osi kiirasi eong' alimokini osi ebe, ‘Aikari eong', konye abong'uni eong' nama kus.’ Kere kominutete osi eong', tin osi ilakara kanu alosia eong' nama ka Papa, naarai epolo Papa akitelekaar eong'.

Yokana 16:10

ikamuut adolite, naarai alosi eong' nama ka Papa, osi de mam bobo kilosete anyun eong';

Yokana 16:28

Alomuni eong' kamaka Papa, bobo abu eong' toma Akwap; bobo alomari eong' kakwap, alosite nama ka Papa.”

Yokana 16:5

Konye kipokona alosi eong' namaka lokejukuni eong'. Konye emam ipede kama kus nikeng'isit eong' ebe, ‘Ai ilosi ijo?’

Yokana 17:11

Kipokona, mam bobo eong' kajii toma akwap, konye kesi ejaasi toma akwap, abuuti eong' nama kon. Papa Lokalaunan, kidar kesi kokiror kon, ekiror lo kiinaki ijo eong', kidar kesi kojokan tetere eraunete kesi ibore ipe, kwape iraitetere oni ibore ipe.

Yokana 17:13

Konye kipokona abutu eong' nama kon; inera eong' akiro nu ka akwap, tetere ejaikinosi kesi ka ailel kang' kakileleba kotoma kes.

Yokana 20:17

Kolimokini Yesu nesi ebe, “Mam abunakina nama kang', naarai ering'a eong' kadokara nama ka Papa; konye kolot nama ka ikanacan kang', kolimok kesi ebe, adokari eong' nama ejii Papa kang' lo erait Papa kus, nama ka Akuju kang', lo erait Akuju kus.”

Yokana 9:4

Kibusakinit oni aswam asomisio nuka ng'oli kalo kijukuuni eong' ering'a erait paran. Edoluut akware na emamare itwan ipede kepedori asoma.