Yokana 7:28 - AKITUTUKET NAKITETET (NEPEPEKA ISABULIN KA AWARAGASIA)

²⁸ Na esisianakina Yesu ko Otogo ka Akuju kolimuni nesi koporoto kaloko kuju ebala ebe, “Teni ijeni ijo eong' kiton nama alomuutere eong'? Mam eong' kabuuti kapedor kang' kelopet. Konye nesi lokejukuni eong', erait loka abeite. Mam osi kijenete nesi.

Ebaibuli

²⁸ Kiworo Yesu isisianakini koyekalu kobala ebe, “Ijenete eoŋ, ijenete nekabunio da; kwabo mam eoŋ abunit kanukaŋ, konye ŋol lokejukuni erai lokabeit, lomam yes ijenete.

Yokana 7:28 Iomraidhean Croise

Isabulin 9:10

Bobo ng'ulu lu ejenete ekiror kon ipiakinete amuno kes nama kon naarai ijo Okwai Lokapolon mam kicakari lu kikotosi ijo.

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Matayo 2:23

Koikari akiboi otaun loko Nasaret. Kanuka ng'unu abutu nu kinerito ikadwarak kisomakinosi: “Enyarauno nesi loko Nasaret.”

Matayo 26:55

Kosodi Yesu alimokin itung'a lu ipu, “Kejii osi abunore ka ileng'ia ka abiroi akikamun eong' bala arait eong' ekokolan? Ng'ini paaran eboyenene eong' ka akisisianakin itung'a ko Otogo ka Akuju, mam osi akikamun eong'.

Luka 10:22

“Ainaki Papa kang' eong' iboro kere. Emam itwan ejeni Okoku nes ngai adepar Papa, bobo mam itwan ipede ejeni Papa nesi ng'ai adepar Okoku nepepe ka ng'ulu lu eseuni Okoku apukokin.”

Luka 2:11

Aparan nape na kotaun ka Daudi edoun Loketajaran kus Kristo Lokapolon!

Luka 2:39

Bobo kedautu kesi asoma kajokis nu akotokina kesi asoma atupa ka ekisil ka Lokapolon, kobong'orete kesi ore kes Nasaret ko Galilaya.

Luka 2:4

Kolomari Yosef de ko Galilaya ko otaun kaloko Nasaret, alosit Yudea ore ka Daudi, lo enyarite Beteleem, naarai alomuut nesi kokitekere nepepe ka ekeki ka Daudi.

Luka 2:51

Kobong'ori Yesu ka kesi Nasaret, bobo ayong'it nesi kesi; bobo kigwa toto keng' akiro nu kere ko otau keng'.

Yokana 1:46

King'isi Nataniel nesi ebe, “Epedori ibore ipede nikajokan alomun ko Nasareti?” Kolimokini Filipo nesi ebe, “Kobuni koanyu.”

Yokana 10:36

Ng'oli lo etalau Papa ka akijukun akwap nesi ibalasi osi ebe ‘Ikeni ijo’ kanu atemara eong' ebe, ‘Araiti eong' Okoku ka Akuju’?

Yokana 12:49

Naarai mam eong' kenerit kapedor kang' kelopet; Papa lokejukuni eong' kainaki eong' elope ekisil ikamuut nu limuna kiton nu temara.

Yokana 14:10

Mam ijo kiyuut ebe ajii eong' toma ka Papa, Papa de ejii toma kang'? Akiro nu alimonokini eong' osi, mam eong' kenera kapedor kang'”; konye Papa lo iboe kotoma kang', isomae asomisio keng'.

Yokana 14:31

konye esomae eong' kwape kecorakina Papa eong', tetere ejenuni akwap ebe amina eong' Papa.” “Konyoutu, kaikasi kane.”

Yokana 16:3

Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 17:25

Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 3:2

Kobuni nesi namaka Yesu kware, kosodi aking'it nesi ebe, “Rabi, kijenete siong' ebe iraiti ijo lokesisianakinan lo elomuut kamaka Akuju. Naarai emam itwan ipede ni epedori asoma aumosia nu isomae ijo nu kemam Akuju kejaasi ka nesi.”

Yokana 3:33

Ng'ini kere ni ecamuni akiro keng' itogogong'oorit ebe erait Akuju abeite.

Yokana 5:32

Konye ejii itwan ice ni itejenaari nu ikamuto eong', bobo de ajeni eong' ebe akitejenuun keng' kuju kang' erait naka abeite.

Yokana 5:43

Abu eong' kokiror ka Papa kang', konye mam osi kidiauto eong'; konye kebu ice kokiror keng' kelopet, idiaunete osi nesi.

Yokana 6:42

Kotemarete kesi ebe, “Mere lo Yesu okoku ka Yosef, lo ijenete oni papa keng' kiton toto keng'? Inyo konye ebalare nesi ebe, ‘Abu eong' alomun kokuju?’ ”

Yokana 7:14

Kokiding' kepucit, koikari Yesu Otogo ka Akuju akisisianakin itung'a.

Yokana 8:14

Kinyakuni Yesu ebala ebe, “Karaida ketejenuuna eong' elopet, erait akitejenuuna kang' naka abeite, naarai ajeni eong' nama alomuna eong' kiton nama alosi eong', konye osi mam kijenete nama alomuna eong' kiton nama alosi eong'.

Yokana 8:16

Konye atikere katubonoki eong', erait atubonikin kang' naka abeite, naarai mam kerait eong' bon nes atubonokini, konye eong' nepepe ka nesi lokejukuni eong'.

Yokana 8:19

Kosodete kesi aking'it nesi ebe, “Ai ejii Papa kon?” Kinyakakini Yesu kesi ebe, “Mam osi kijenete eong' karaida Papa kang'; Kere kijenete osi eong' tia osi ijenete Papa kang' de.”

Yokana 8:26

Ajaasi eong' ka akiro kanu ipu nu limuna kuju kon bobo kanu tubonokina. Konye nesi lokejukuni eong' erait abeite. Alimonokini eong' akwap nu eira eong' alomun kama keng'.”

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.

Yokana 9:29

Ijenete siong' ebe enerata Akuju ka Musa, konye ikamuut etwan lo, mam siong' kijenete nama elomuuter nesi.”

Aswamisio 17:23

Naarai na elatere eong' kore kus, ka anyun nama ilipata osi, abu eong' kadum altari na igirakite, ‘Nama ka Akuju kana mam Kejenuna.’ Atikere kimam osi kijenete ng'ini ni imaete osi, nesi nes etodiari eong' kipokona kama kus.

Iromayon 1:28

Kanu ang'eriata itung'a ng'ulu akipiakin toma adama kes acua naka abeite ikamuut Akuju, egwaki nesi kesi akanin kitung'a kalu ebosito adama, tetere isomaete kesi iboro lu mam kitemokina kesi asoma.

Iromayon 3:4

Teni mam! Tar koraite Akuju loka abeite, atikere kerait ng'in itwan iliokoi. Kwape ebalatatar Agirasia Nukalaunak ebe, “Tar kitodikine ijo ajaus ka adolite inera ijo; Tar ijo akilanya kiwosai ijo.”

2 Ikorinton 1:18

Kwape eraitere Akuju lo emunokina, mam akitumunet kang' arait “Eebo” ka “Mam”.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

Tito 1:2

lo ejii kuju ka amunokina ka akijar na kikaru kere. Akuju na mam king'alae, abu kitumunik oni akijar na ering'a akwapa kesuba,

Iburayon 6:18

Kanuka ng'un, ejaasi akiro nu aare nu emam kibelokinosi bobo nu mam Akuju king'alakini kuju kes. Kanuka ng'unu oni lu ikuata kama keng', kinakiite itawon luka akirumite baaba amuno na ipiakiite king'aren wok.

1 Yoana 5:10

Kanuka ng'unu, ng'ulu kere lu emunokiito Okoku ka Akuju ejaasi ka akitodiaret na kotawon kes. Konye ng'ulu lu emam kemunokiito Akuju, etarautu nesi eliokoi, naarai mam kesi kemunokiito nu atema Akuju ikamuut Okoku keng'.