Yokana 6:70 - AKITUTUKET NAKITETET (NEPEPEKA ISABULIN KA AWARAGASIA)

⁷⁰ King'isi Yesu kesi ebe, “Kemam eong' kaseut osi, itomonkaare, konye ipe kama kus arau Asatanit?”

Ebaibuli

⁷⁰ Koboŋok Yesu kes ebe, “Mere kereka eoŋ kaseunit yes lutomon kaarei, ediopet da kayesi erai Satan?”

Yokana 6:70 Iomraidhean Croise

Yokana 13:18

Mam eong' kenera kuju kus kere; ajeni eong' lu aseu eong'; erait ebe tetere itodolokinosi agirasia nukalaunak ebe, “Nesi lo abu konyam inyamen kang', araun epading'a kang'.

Yokana 13:2

Kenyemete Yesu nepepe ka lukesisiak keng' inyamen lukatabong'. Kedauti Asatanit akipiakin awomowomosia nuka agwelar Yesu otau ka Yuda Isikariot, okoku loka Simon.

Yokana 13:21

Kedau Yesu ejori nu, abu nesi kicanakin ko otau keng', kotemari, “Abeit, abeite, kalimokini eong' osi ebe, elosi ipe kama kus agwelar eong'.”

Yokana 13:27

Kedau Yuda akidiaun abiletait, kolomi Asatanit toma keng'. Kolimokini Yesu nesi ebe, “Kisoma atipet nu ikote ijo aswam.”

Yokana 15:16

Mere osi kiseunete eong', konye eong' kaseuni osi ka ainakin osi asoma, alosite osi akira araito, bobo kideunosi araito kus; tetere kiinakini Papa osi ibore kere ni ilipete osi kokiror kang'.

Yokana 15:19

Kere kiraasi osi luka akwap, tin akwap emina osi bala itung'a keng'; konye kanu emamare osi kiraatatar luka akwap, bobo kanu aseuna eong' osi alomun kakwap, nes atenikina kireitere osi akwap.

Yokana 17:12

Na ajaatatare eong' ka kesi, abu eong' kedar kesi kokiror kon kalokiinaki ijo eong'. Edara eong' kesi, emam ipede kama kes awoli adepar okoku lo ewoliorit, tetere edoliete agirasia nukalaunak.

Yokana 2:2

Anyaraute Yesu de opucit, nepepe ka ikiyakia keng'.

Yokana 20:24

Nakebunia Yesu, kemam Tomas, lokenyarite emwatonit, epe kamaka lukesisiak kejaasi ka kesi.

Yokana 6:64

Konye ejaasi ice kama kus lu emam kiyuuto.” Naarai ape kageunet, kejeni Yesu ebe kes ka ng'ai ng'ulu lu kemam kebuutu kiyuutu, bobo ng'ai ng'ini ni ebilakini nesi ebotet.

Yokana 6:67

Kosodi Yesu aking'it itomonkaare ebe, “Ikotosi osi de aikar?”

Yokana 6:71

Enera nesi kuju ka Yudas, okoku ka Simon Iskariot. Naarai Yudas nes alosi agwelar nesi, konye arait nesi epe kamaka ikesisiak kitomonkaare.

Yokana 8:44

Iraasi osi idwe luka papa kus, Asatanit. Bobo nu ikotosi osi erait asoma atupa kanu emina papa kus. Araiti nesi ekaaran ape kageunet. Bobo mam nesi kekote ibore ipede nika abeite naarai emam abeite kotoma keng'. Ing'alae nesi, inera nesi atupa kejautene keng' kelope, naarai erait nesi eliokoi, papa loka aliokonu.

Aswamisio 1:17

Arait Yuda epe kamaka atuket wok, naarai aseute nesi asoma nenipe ka oni.”

Aswamisio 13:10

kosodi atemar, “Ijo okoku ka Asatanit lo! Ijo opading'a kang'in ibore ni ejokuna. Eleleba ijo acoa nakiboro lukarokok, bobo ng'ini ipak itamakit ijo akibelor abeite ka Lokapolon korau aliokonu!

1 Timoti 3:11

Ejii aberu kes ajaus ka iponesio lukajokak, komam keraito nuka esomit, kotikokina, komunokina koboro kere.

Tito 2:3

Kokipone kalope kang'oli kicoro aberu nu mojong' kojaasi kwape ekotokinare aberu nu eyaito akijar nakalaunan asoma. Mam kesi arausi nuka elodo kere ajooloi nuka ebinu. Ejii kesi akisisianakin nu kajokak,

1 Yoana 3:8

Ng'ini kere ni itolosit asoma arokusio erait nika Asatanit, naarai esoma Asatanit arokusio ape kageun. Atakanuuni Okoku ka Akuju kanuka nu, amunaun nukisomat Asatanit.