Yokana 6:54 - AKITUTUKET NAKITETET (NEPEPEKA ISABULIN KA AWARAGASIA)

⁵⁴ nesi ni enyemi akwana kang' ka akimata awokot kang' ejaasi ka akijar na emam kedaun, bobo etajaruni eong' nesi ka apaaran kana kosial.

Ebaibuli

⁵⁴ Yenenyami akakuan ka aimat da akaokot ejaas kaijar naka ikar kere, eoŋ da etajaruni ŋes kapaaran nakawasia.

Yokana 6:54 Iomraidhean Croise

Isabulin 22:26

Ebunete lukapalapalak akinyama kwape ekototore; ng'ulu lu ebunete nama ka Lokapolon ebunete akiturite nesi. Kisomata kesi kojokan ikaru kere!

Yokana 4:14

konye ng'ini kere ni emasi akipi ng'unu nu ainakini eong' nesi mam bobo akure kaari nesi cut. Akipi nu ainakini eong' nesi eraunete kotoma keng' ecor loka akipi nu einakinete akijar na emam edung'e.”

Yokana 6:27

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Yokana 6:47

Abeite, abeite, kalimokini eong' osi ebe nesi ni iyuuni ejaasi ka akijar na emam kedaun.

Yokana 6:55

Naarai erait akwana kang' inyamen teni, bobo awokot kang' eraito imatan teni.

Yokana 6:63

Erait Emoyo nes einananakini akijar, emam adumunet apede kakwana. Akiro nu alimonoki eong' osi eraasi emoyo kiton akijar.

Igalatian 2:20

tetere emam kerait eong' bobo nes ajari, konye Kristo lo ejii toma kang'. Akijar na ajii eong' toma kipokona na, ayait eong' kanuka amunokiite Okoku ka Akuju, lo aminuni eong' ka akidut akijar keng' kanu kang'.