Yokana 6:51 - AKITUTUKET NAKITETET (NEPEPEKA ISABULIN KA AWARAGASIA)

⁵¹ Arait eong' emugati lo ejari lo ejesun alomun kokuju. Kenyam itwan kijokin emugati lo, ejari nesi ikaru kere. Bobo emugati lo alosi eong' alemun kanuka akijar ka akwap erait akwaan kang'.”

Ebaibuli

⁵¹ Arai eoŋ inyamat lukajarak lukijesunos kotoma akuj; arai kenyam ituŋanan inyamat lu, ebusi ikar kere; inyamat da luainakini eoŋ kanuka aijar naka akwapisinei ŋes akakuan.”

Yokana 6:51 Iomraidhean Croise

Matayo 20:28

kwape ka Okoku ka Etung'anan kalo amam abu kobuu akijaanakino konye akijaanakin ka alemun akijar keng' kanuka ayuuni itung'a lu ipu.”

Luka 22:19

Kosodi nesi alemun emugati, ka akiyalamikin Akuju, kobili, ka ainakin kesi ebala, “Na nes akwan kang', na elemute kanu kus. Kisomata nu kanuka akiitunana eong'.”

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 1:29

Apaaran na atupakini, koanyuni Yoana Yesu ebuuti nama keng', kosodi nesi atemar, “Koanyutu Imerekek nika Akuju ni elemari aronus naka akwap.

Yokana 11:26

Ng'ini kere ni ejari kiyuute eong', mam cut ketwani. Iyuuti ijo akiro nu?”

Yokana 3:13

Emam itwan apelem ni edokarit kuju adepar nesi ng'olo lo abu kijesun alomun kokuju, Okoku ka Etwan.”

Yokana 3:14

Ekipone lo kikacakina Musa emun okitoi komoding', nes ekipone itemokinare Okoku ka Etwan akikacakino okitoi,

Yokana 3:16

Amina Akuju akwap noi, akitodol nama alemuna nesi Okoku keng' lotelit tetere ng'in itwan kere ni iyuuni nesi emam ketwaani konye kodumu akijar na emam kedaun.

Yokana 3:36

Ng'ini ni emunokiit Okoku ejaasi ka akijar na emam kedaun. Ng'ini ni emam kemunokiit Okoku mam kejaikinosi ka akijar na emam edung'e, konye ideun atubokino ka Akuju kama keng'.

Yokana 5:24

Teni, teni, kalimokini eong' osi ebe, ng'ini ni iirari akirot kang' ka akiyuun ng'olo lokejukuni eong', ejaasi ka akijar na emam kedaun. Mam ketubokino nesi konye atubor nesi katwanare ka akilomo akijar.

Yokana 6:33

Naarai emugati loka Akuju erait ng'oli lo ijesuni kokuju ka ainakin akwap akijar.”

Yokana 6:35

Kolimokini Yesu kesi ebe, “Arait eong' emugati lo ejaasi ka akijar, ng'ini ni ebuni nama kang', mam kiirari eteng'e. Bobo ng'ini ni iyuuni eong' mam cut akure kaari.

Yokana 6:41

Kogeunete Iyaudin aking'urung'ura kuju keng' kanu atemara nesi ebe, “Araiti eong' emugati lo ejesuni kwap alomun kokuju.”

Yokana 6:47

Abeite, abeite, kalimokini eong' osi ebe nesi ni iyuuni ejaasi ka akijar na emam kedaun.

Yokana 6:48

Araiti eong' emugati loka akijar.

Yokana 6:50

Lo nes emugati lo ijesun kwap alomun kokuju tetere enyemi itwan komam ketwani.

Yokana 7:38

Ng'ini ni iyuuni eong' kwape ineratatar agirasia nukalaunak ebe, 'Eleleunete akipi nuka akijar alomun ko otau keng'.”

2 Ikorinton 5:19

Akiro kosi eraito ebe, etaraun Akuju etung'anane kere ipoupatin keng' itorit namaka Kristo. Mam Akuju abu kimara arokusio kes. Bobo ainaki nesi oni akiro nu inerasi ekipone lo kisoma nesi akitaraun kesi ipoupatin keng'.

2 Ikorinton 5:21

Amam Kristo aronus, konye kanu wok kitomoro Akuju nesi aronus wok tetere kotoma akimor ka nesi ipedorete oni akimor adolit ka Akuju.

Ipeson 5:2

Itemokina amina ayaite akijar kus, kwape keminuna Kristo oni kalemun akijar keng' kanu wok bala idutan kiton asubanit na itiminarit Akuju.

Ipeson 5:25

Osi ikiliok, kominasi aberu kus, kwape eminare Kristo ekanisa kalemun akijar keng' kanuka ekanisa.

Tito 2:14

Kolemun nesi elope kanu wok, ayuun oni kamaka arokusio kere bobo ka akitaraun oni itung'a lu elaete cut lu eraito lukeng' boni, bobo elokikina asoma nu ejoka.

Iburayon 10:20

Abu nesi kong'aki oni eroto lokitetet loka akijar akitoro opasia, akitoro akwana keng' kelope.

1 Petero 2:4

Kobutu namaka Lokapolon, amoru na ejari, na ang'erete itung'a ebe emam adumunet, konye aseut Akuju bala na epolo adumunet.

1 Yoana 2:2

Kristo elope nes eroto lokarumakino karokusio wok, mere arokusio wok bon, konye arokusio kang'in itung'anan.

1 Yoana 4:10

Na nes erait amina: Mam kerait ebe kiminasi oni Akuju konye ebe abu nesi kominu oni ka akijukun Okoku keng' korau ebe akitor nama keng' nes erumakinere arokusio wok.

1 Yoana 4:14

Ianyutu oni bobo ilimoerete oni ebe abu Papa kijuku Okoku keng' korau Lokeyuunan akwap