Yokana 6:40 - AKITUTUKET NAKITETET (NEPEPEKA ISABULIN KA AWARAGASIA)

⁴⁰ Naarai nu nes nu ekote Papa kang', ebe itemokina ng'ini kere ni anyuni Okoku kosodi akiyuun nesi ajaus ka akakijar na emam kedaun. Bobo etajaruni eong' nesi kaparaan kanaka esial.”

Ebaibuli

⁴⁰ Naarai nuekot Papaka kes nu ebe, Yeneanyuni Okoku ka aiyuun ŋes kojaut kaijar naka ikar kere; etajaruni eoŋ ŋes kapaaran nakawasia.”

Yokana 6:40 Iomraidhean Croise

Matayo 10:15

Kalimokini eong' osi abeite ebe apaaran naka atubonokino, itimi Akuju itung'a luko Sodoma ka Gomora adepar itung'a luko otaun kang'olo!

Matayo 25:46

Lu, ijukiaro akitisilaro na emam esial, konye lu edolito elomete akijar na emam esial.”

Mariko 16:16

Ng'ini kere ni emunokini kosodete akibatisa nesi eyuuno nesi. Konye ng'ini kere ni emam kimunokini etubokino nesi.

Luka 2:30

Naarai adautu akonyen kang' anyun alakuno kon,

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 10:28

Bobo ainakini eong' de kesi akijar na emam kedaun, bobo mam cut kesi ketwakiyarete. Bobo mam itwan ebuni ademar kesi kakanin kang'.

Yokana 11:24

Kolimokini Marita nesi ebe, “Ajeni eong' ebe enyouni nesi bobo kapaki kana ejarunere ka apaaran kana kesial.”

Yokana 11:25

Kolimokini Yesu nesi ebe, “Araiti eong' ajarun ka akijar de. Ni iyuni eong' ejaruni bobo atikere ketwana.

Yokana 12:45

Ng'ini nikaanyuni eong', anyuni lokejukuni eong' de.

Yokana 12:50

Bobo ajeni eong' ebe ekisil keng' erait akijar na emam kedaun. Kanuka ng'un, nu enera eong', enera eong' kwape kecorakina eong' Papa.”

Yokana 14:17

atikere Emoyo loka abeite, lo emam akwap kepedori akidiaun, naarai mam akwap kitee nesi karaide kejeni nesi; ijenete osi nesi, naarai iboyete nesi ka osi, bobo de elosi nesi ajaikin toma kus.”

Yokana 14:19

Konye ka apak kana edit mam akwap bobo kaanyuni eong', konye osi kianyunete eong'; kanu ajaria eong', osi de ijarete.

Yokana 17:2

Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Yokana 3:36

Ng'ini ni emunokiit Okoku ejaasi ka akijar na emam kedaun. Ng'ini ni emam kemunokiit Okoku mam kejaikinosi ka akijar na emam edung'e, konye ideun atubokino ka Akuju kama keng'.

Yokana 4:14

konye ng'ini kere ni emasi akipi ng'unu nu ainakini eong' nesi mam bobo akure kaari nesi cut. Akipi nu ainakini eong' nesi eraunete kotoma keng' ecor loka akipi nu einakinete akijar na emam edung'e.”

Yokana 5:24

Teni, teni, kalimokini eong' osi ebe, ng'ini ni iirari akirot kang' ka akiyuun ng'olo lokejukuni eong', ejaasi ka akijar na emam kedaun. Mam ketubokino nesi konye atubor nesi katwanare ka akilomo akijar.

Yokana 6:27

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Yokana 6:39

nu nes nu ekote lokejukuni eong', ebe mam kitemokina eong' akitowoli ipede kamaka lu ainaki nesi eong', adepar akitajarun kesi kaparaan kanaka esial.

Yokana 6:44

Emam itwan ipede ni epedori abunore nama kang' kemam Papa lokejukuun eong' kenyarauti nesi. Bobo etajaruni eong' nesi ka apaaran kanaka esial.

Yokana 6:54

nesi ni enyemi akwana kang' ka akimata awokot kang' ejaasi ka akijar na emam kedaun, bobo etajaruni eong' nesi ka apaaran kana kosial.

Yokana 8:56

Abu papa kus Aburaam kolelakin kanuka anyun apaaran kang', koanyuni nesi kosodi nesi alakar.”

Iromayon 5:21

Kanuka ng'un, kwape kipuga aronus kokipone kaloka atwanare, nes ekipone ipuga asianut ka Akuju akitoro adolite, eyait oni toma akijar na emam kedaun akitor namaka Yesu Kristo Lokapolon wok.

Iromayon 6:23

Naarai eropit ka aronus erait atwanare. Konye idutat nika along'u nika Akuju erait akijar na emam esial kotoma Yesu Kristo Lokapolon wok.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

Iburayon 11:1

Ajaus ka akiyuun erait amunokin ebe idumunete oni iboro lu imunokiito oni idumunete oni; akiyuun cut iboro lu mam oni kiyanyuto.

Iburayon 11:27

Akiyuun nes keinakini elomari Musa ko Misiri mam akurianu ejakait loka dedeng'an; Abu nesi kong'ere abong'ori kau bala itwan ni kedau anyun Akuju lo mam ketakani.

1 Petero 1:8

Iminasi osi nesi, atikere kimam osi kianyuto nesi, bobo iyuuto osi nesi atikere kimam osi kiteete nesi kipokona. Kanuka ng'unu ilelete osi kotoma akibusesu kalakara na emam kilesikina alimori ka akiro,

1 Yoana 2:25

Nu kes abu Kristo elope kisumunik oni-ang'aleu na emam esial.

Yuda 1:21

kiboete osi ikulopek kotoma amina ka Akuju, idarito osi Lokapolon wok Yesu Kristo kotoma asyanut keng' ainakin osi akijar na emam esial.