Yokana 6:37 - AKITUTUKET NAKITETET (NEPEPEKA ISABULIN KA AWARAGASIA)

³⁷ Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Ebaibuli

³⁷ Kere lukainakini Papa epote mama ajai; ŋin da yenebuni mamakaŋ mam cut ereŋeari,

Yokana 6:37 Iomraidhean Croise

Isabulin 102:17

Ebuni nesi akiirar itung'a keng' lukinyekin, ka akiirar alipasia kes.

Isabulin 110:3

Apaaran na itijia ijo ipading'atin kon, ebunete itung'a kon alemun. Kwape ka akopio kanuka taparacu ebunete isapa kon nama kon komoru kalo elae.

Matayo 11:28

“Kobuutu nama kang' osi kere lu ipasito adakite iboro lu elang'ir, kesiyeng'uni eong' osi.

Matayo 24:24

Naarai etakanunete Imeseyan ka ikadwarak lukaliokon, ebunete asoma aumokineta kiton akitimosia nukapolok noi tetere itapaete atikere lu eseuti Akuju, kebeikinosi.

Yokana 17:11

Kipokona, mam bobo eong' kajii toma akwap, konye kesi ejaasi toma akwap, abuuti eong' nama kon. Papa Lokalaunan, kidar kesi kokiror kon, ekiror lo kiinaki ijo eong', kidar kesi kojokan tetere eraunete kesi ibore ipe, kwape iraitetere oni ibore ipe.

Yokana 17:2

Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Yokana 17:24

“Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Yokana 17:6

Etodia eong' ekiror kon kotung'a kalu ibu ijo koinak eong' alomun ka akwap; keraasi kesi lukon, kosodi ijo de ainakin eong' kesi korautu lukang'; kesi de aricakisi akirot kon.

Yokana 6:39

nu nes nu ekote lokejukuni eong', ebe mam kitemokina eong' akitowoli ipede kamaka lu ainaki nesi eong', adepar akitajarun kesi kaparaan kanaka esial.

Yokana 6:65

Kotemari nesi ebe, “Na nes atenikina na kalimokiiter eong' osi ebe emam itwan ebeikini abunore nama kang' kemam Papa keinakiit nesi apedor.”

Yokana 9:34

Kinyakakinete kesi nesi ebe, “Edouno ijo kotoma arokusio nu ipuaka, ibeikiit ijo akisisianakin siong'?” Kosodete kesi akireng'iar nesi king'a.

Iromayon 5:20

Ayauno Ikisila kanuka akiyatakin arokusio. Konye nama eyatakin aronus, abu asianut ka Akuju kiyatakin adepar.

Ipilipin 1:29

Naarai kinakin osi ajokus naka akijaanakin Kristo, mere kakiyuun nesi bon, konye bobo akicanakin kanu keng'.

1 Timoti 1:16

konye asiana Akuju kama kang' tetere itooduni Yesu Kristo akikanya keng' kijokin kama kang', ekaronon cut kamaka lukarokusio kere, araun bala lo iteete itung'a luce lu ebuuto akiyuun kosodete adumun akijar naka ikaru kere.

2 Timoti 2:19

Konye apetetait na icasit na adau Akuju adukokin mam kijang'ajang'akino. Kuju keng' igirakiite akiro nu: “Ejeni Akuju ng'ulu lu eraito lukeng'.” Bobo “Ng'ulu kere lu ebalasi ebe kesi luka Lokapolon itemokina akibeleun ka arokusio.”

Iburayon 4:15

Esaserdotit wok Lokapolon mam kerait lo mam kisonie oni na emamare oni agogong'u. Konye ijaasi oni ka esaserdotit Lokapolon lo apon kotamai nesi korotin kere bala oni konye mam nesi abu kisoma aronus.

Iburayon 7:25

Kanuka ng'un, ebeikini nesi ayuuni ikaru kere ng'ulu lu elosete namaka Akuju itorito nama keng', naarai ejari nesi ikaru kere ilipi Akuju kanu kes.

1 Yoana 2:19

Apotu itung'a lu kolomasi kama wok. Kere keraito kesi lu wok, tin kesi ideuna ka oni. Konye apotu kesi kolomasi tetere ejenuni abeite ebe kemam kesi kejaasi wai wok.

Apukokinio 22:17

Ebalasi Emoyo nepepe ka aberu na itemokina amanyakin ebe, “Kobutu!” Bobo ng'ini itwan ni epupi nu itemokina atemar ebe, “Kobutu!” Bobo ng'ini ni iirarit akure kobu. Bobo ng'ini ni ekote, komata akipi nuka akijar mam akitaca ibore.