Yokana 5:42 - AKITUTUKET NAKITETET (NEPEPEKA ISABULIN KA AWARAGASIA)

⁴² Konye ajeni eong' ebe emam amina naka Akuju kotoma kus.

Ebaibuli

⁴² Konye kajeni yes, ebe emamei amin naka Edeke kotomakus.

Yokana 5:42 Iomraidhean Croise

Luka 16:15

Kolimokini Yesu kesi, “Osi nesi itoduna ebe ijooka osi kakonyen ka itung'a kaluce, konye Akuju ejeni itawon kus. Naarai iboro lu itete itung'a ebe ejoka, emam adumunete ka akonyen ka Akuju.”

Yokana 2:25

Kemam atenikina alimokin itwan ipede nesi kuju kes. Naarai kejeni nesi elopet kojokan nukejaasi otawon kes.

Yokana 21:17

King'isi Yesu nesi nakiuniet ebe, “Simon, okoku ka Yoana, imina ijo eong'?” Kosodi Petero akicanakin ko otau naarai abuu Yesu king'it nesi irwan kauni ebe, “Imina ijo eong'?” Kolimokini Petero nesi ebe, “Lokapolon, ijeni ijo ng'ini ibore; ijeni ijo ebe amina eong' ijo.” Kinyakakini Yesu nesi ebe, “Kidar amerekekin kang'.”

Yokana 5:41

“Mam eong' kakote akitamao na elomuni kamaka itung'a.

Yokana 5:43

Abu eong' kokiror ka Papa kang', konye mam osi kidiauto eong'; konye kebu ice kokiror keng' kelopet, idiaunete osi nesi.

Yokana 5:44

Koni ibeikinata osi akiyuun, osi lu idumuneneete akitamao alomun kotung'a kaluce komam kikotosi akitamao na elomuni kamaka Akuju ka epe bon.

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.

Yokana 8:47

Ng'ini ni erait nika Akuju epupi akiro ka Akuju. Atenikina emamare osi kipupiata erait ebe mam osi kiraasi luka Akuju.”

Yokana 8:55

Konye mam osi kijenuuto nesi. Ajeni eong' nesi. Katema eong' ebe mam eong' kajeni nesi arauni eong' eliokoi kwape kus. Konye ajeni eong' nesi bobo aricit eong' akirot keng'.

Iromayon 8:7

Naarai adama nu ejaasi oboro luka akwana eding'asi ka Akuju. Mam keyong'it ekisil ka Akuju. Teni cut mam.

1 Yoana 2:15

Mam amina akwap kere de ibore kere ni erait nika akwap. Kimina ijo akwap mam ijo kimina Papa.

1 Yoana 3:17

Konye kejaasi itwan ka iboro luka akwap kana kosodi anyun onac keng' ekadad, konye komam akitim, ikoni amina ka Akuju ejii toma keng' ai?

1 Yoana 4:20

Kitemasi oni ebe iminasi oni Akuju, konye kading'asi oni ka ikanacan ka akanacan wok, iliokoko oni. Naarai mam itung'a kebeikinete amina Akuju lo ering'a kesi kaanyuna, kemam kesi keminasi ikanacan ka akanacan kes lu aanyutu kesi.

Apukokinio 2:23

Enomi eong' idwe keng' akiara. Bobo ejenunete ikanisai kere ebe eong' nesi lo ajeni awomowomosia kiton nu ekote ng'ini itwan. Ataci eong' ng'ini ipe kama kus atupa kanu esomata osi.