Yokana 5:40 - AKITUTUKET NAKITETET (NEPEPEKA ISABULIN KA AWARAGASIA)

⁴⁰ Konye ing'eroto osi abunere nama kang' tetere idumunete osi akijar.

Ebaibuli

⁴⁰ kwabo iŋerete aponare mamakaŋ tetere ijaunete kaijar.

Yokana 5:40 Iomraidhean Croise

Isabulin 81:11

“Konye mam itung'a kang' apupokin eong'; Kong'eri Israel eong' cut.

Matayo 22:3

kijukiari lukejaanakinak keng' anyaraun ng'ulu lu kenyaraute opucit lokemanyit; konye mam kesi abunore.

Matayo 23:37

“Okwai Yerusalem, Yerusalem, akiara osi ikadwarak ka akibiribiri ka amoru ng'ulu lu ijukuute nama kus! Irwana ikosai kakotore eong' atukokin idwe kon nenipe kwape etukokina akokor imiyoi keng' kwap ka abenokoka keng', kong'erete osi!

Yokana 1:11

Kobuni nesi otung'a keng' kelope, konye mam itung'a keng' kelope akidiaun nesi.

Yokana 10:10

Ebuni ekokolan akokoo, akiyar ka amunaar. Abu eong' kabu tetere idumunete osi akijar, akijar na epolo noi.”

Yokana 3:19

Na nes atubokino, ebe abu acaus akwap konye abutu itung'a kominutu noi akirionus akilanya acaus naarai aroko asomisio kes.

Yokana 5:39

Imoete osi agirasia nukalaunak, naarai iituto osi ebe idumunete osi kotoma kes akijar na emam kedaun. Agirasia Nukalaunak nupe nu nes inerasi kuju kang'!

Yokana 5:41

“Mam eong' kakote akitamao na elomuni kamaka itung'a.

Yokana 5:44

Koni ibeikinata osi akiyuun, osi lu idumuneneete akitamao alomun kotung'a kaluce komam kikotosi akitamao na elomuni kamaka Akuju ka epe bon.

Yokana 6:27

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Yokana 6:37

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Yokana 6:40

Naarai nu nes nu ekote Papa kang', ebe itemokina ng'ini kere ni anyuni Okoku kosodi akiyuun nesi ajaus ka akakijar na emam kedaun. Bobo etajaruni eong' nesi kaparaan kanaka esial.”

Iromayon 6:23

Naarai eropit ka aronus erait atwanare. Konye idutat nika along'u nika Akuju erait akijar na emam esial kotoma Yesu Kristo Lokapolon wok.

Apukokinio 22:17

Ebalasi Emoyo nepepe ka aberu na itemokina amanyakin ebe, “Kobutu!” Bobo ng'ini itwan ni epupi nu itemokina atemar ebe, “Kobutu!” Bobo ng'ini ni iirarit akure kobu. Bobo ng'ini ni ekote, komata akipi nuka akijar mam akitaca ibore.