Yokana 5:26 - AKITUTUKET NAKITETET (NEPEPEKA ISABULIN KA AWARAGASIA)

²⁶ Naarai kwape ejaatatar Papa ka akijar kotoma keng' kelopet, nes ekipone lo adauna nesi ainakin Okoku keng' de apedor naka ajaus ka akijar kotoma keng' kelopet,

Ebaibuli

²⁶ Naarai kwape ejaatar Papa aijar kotomakeŋ, kwape kwaŋin abu koinak Okoku da ajaut kaijar kotomakeŋ;

Yokana 5:26 Iomraidhean Croise

Isabulin 36:9

Ijo nesi nama elomuna akijar kere, bobo kanuka acaus kon aanyunete siong' acaus.

Isabulin 90:2

Ering'a imoru kejaikina, kere de ering'a kisubuna akwap, irait ijo Akuju ikaru kere,

Yokana 1:4

Toma keng' nes ajii akijar, bobo arait akijar acaus naka itung'a.

Yokana 10:18

Emam itwan nikademari eong' konye eong' elope nes apali. Ajaasi eong' elope ka apedor naka akipala ka apedor naka adumun bobo. Adumu eong' akicorakinet na kamaka Papa kang'.”

Yokana 11:25

Kolimokini Yesu nesi ebe, “Araiti eong' ajarun ka akijar de. Ni iyuni eong' ejaruni bobo atikere ketwana.

Yokana 11:26

Ng'ini kere ni ejari kiyuute eong', mam cut ketwani. Iyuuti ijo akiro nu?”

Yokana 14:19

Konye ka apak kana edit mam akwap bobo kaanyuni eong', konye osi kianyunete eong'; kanu ajaria eong', osi de ijarete.

Yokana 14:6

Kinyakakini Yesu nesi ebe, “Araiti eong' eroto, kiton abeite, kiton akijar; emam ni ebuni nama ka Papa, emam kitorit nama kang'.

Yokana 4:10

Kinyakakini Yesu nesi ebe, “Kere kijeni ijo idutat nika Akuju, bobo kere kijeni ijo ng'ai kilimonokini ijo ebe, ‘Koinakine eong' akipi kamat,’ tin ijo kidau aking'it nesi, bobo tin nesi keinaki ijo akipi nuka akijar.”

Yokana 6:57

Kwape kijukuna eong' Papa lo ejari, bobo kajari eong' kanuka Papa, nes ekipone ejaria nesi ng'ini ni enyemi akwaan kang'.

Yokana 8:51

Abeite, abeite kalimokini eong' osi ebe kericaki itwan kere akirot kang', mam nesi ketwani.”

Aswamisio 17:25

kere de mam nesi kijaanakino ka akanin ka etung'anan, bala ekote nesi ibore ipede, naarai nesi elope nes einanikini itung'a kere akijar kiton euria kang'in ibore.

1 Ikorinton 15:45

Naarai ebalasi akigirasia ebe Adam isubuna nisodit ni ejaasi ka akijar; konye Adam loka esial erait emoyo lo einanakini itung'a akijar.

1 Timoti 1:17

Namaka Ejakait kalo ejii ikaru kere, lo emam ketwani komam ketakani, Akuju epe bon. Kitopoloore nesi, kodumu nesi akibusesu ikaru ka ikaru! Ikote nepeneni.

1 Timoti 6:16

Nesi bon lo mam ketwani. Iboe nesi kotoma acaus na mam itwan ipede ni ebeikini adolokin. Emam itwan ipede ni anyuuti nesi apelem. Emam itwan ipede ni ebeikini anyun nesi. Akibusesu ka apolou naka ikaru kere kojaasi ka nesi! Ikote nepeneni.

Iburayon 1:2

konye kapaarasia kanukesial kanu enerata nesi ka oni itorit namaka Okoku keng'. Asubi Akuju akwap itorit nama ka Okoku keng', epe lo aseu Akuju korautu iboro kere lukeng' kosial.

Apukokinio 21:6

Kotemari nesi ebe, “Esomakinosi! Eong' nes losodit kiton lokesial, ageunet kiton ang'etakinet. Ng'ini kere ni ejaasi ka akure ainakini eong' nesi adolite naka akimat kocor kaloka akipi kanuka akijar mam akitac.

Apukokinio 22:1

Abu emalaikat de kitodik eong' ang'ololo naka akipi nuka akijar, ecaete bala agilasit bobo elomuto kokicolong' ka Akuju kiton loka imerekek

Apukokinio 22:17

Ebalasi Emoyo nepepe ka aberu na itemokina amanyakin ebe, “Kobutu!” Bobo ng'ini itwan ni epupi nu itemokina atemar ebe, “Kobutu!” Bobo ng'ini ni iirarit akure kobu. Bobo ng'ini ni ekote, komata akipi nuka akijar mam akitaca ibore.

Apukokinio 7:17

Naarai Imerekek ni ejii kiding' ka ekicolong' nes erauni lokecokon kes, ebuni akisidirari kesi ocorin luka akipi nuka akijar; ebuni Akuju amwatar akio kere kakonyen kes.