Yokana 5:19 - AKITUTUKET NAKITETET (NEPEPEKA ISABULIN KA AWARAGASIA)

¹⁹ Kolimokini Yesu kesi ebala ebe, “Teni, teni kalimokini eong' osi ebe, emam ibore ipede ebeikini Okoku asoma kwape ekotore nesi elopet emam kerait ng'unu bon nu itee nesi Papa keng' isomae, naarai ibore kere ni isomae Papa nes isomae Okoku de.

Ebaibuli

¹⁹ Aso Koboŋok Yesu kotema kes atiar, “Abeit, abeit, katemari yes atiar, Mam Okoku epedori aswam adiokirot elopet, dimarai ŋin naeanyuni ŋesi Papa iswamai; naarai nuiswamai Papa kere, ŋupeŋun iswamai Okoku da.

Yokana 5:19 Iomraidhean Croise

Isabulin 138:3

Ibu ijo kinyakaki eong' na eworitere eong' ijo; ibu ijo kisicata eong' kagogong' kon.

Isabulin 27:14

Komunoki Lokapolon. Kojaasi ka akiyuun, mam akipasa. Komunoki Lokapolon.

Isabulin 50:6

Elimori kuju adolite keng', naarai erait Akuju elope lokatubonokinan!

Awaragasia 2:6

Erait Lokapolon nes einanakini itung'a acoa; nama keng' nes elomuna acoa nepepe ka akijen.

Matayo 26:39

Kikunyakini king'aren nedio, kakibirokin kwap ebubura, kakilip, “Papa kang', kibeikini, kolema ekikopot lokican lo kama kang'! Mere kwape akotore eong', konye nu ikote ijo.”

Luka 21:15

naarai kainakini eong' osi akiro kiton acoa na emam ipede kamaka ipading'atin kus ebeikini aking'ere kere de akitepeg nu itemarete osi.

Yokana 10:18

Emam itwan nikademari eong' konye eong' elope nes apali. Ajaasi eong' elope ka apedor naka akipala ka apedor naka adumun bobo. Adumu eong' akicorakinet na kamaka Papa kang'.”

Yokana 12:49

Naarai mam eong' kenerit kapedor kang' kelopet; Papa lokejukuni eong' kainaki eong' elope ekisil ikamuut nu limuna kiton nu temara.

Yokana 12:50

Bobo ajeni eong' ebe ekisil keng' erait akijar na emam kedaun. Kanuka ng'un, nu enera eong', enera eong' kwape kecorakina eong' Papa.”

Yokana 14:10

Mam ijo kiyuut ebe ajii eong' toma ka Papa, Papa de ejii toma kang'? Akiro nu alimonokini eong' osi, mam eong' kenera kapedor kang'”; konye Papa lo iboe kotoma kang', isomae asomisio keng'.

Yokana 2:19

Kinyakakini Yesu kesi ebe, “Kotijakisi Etogo ka Akuju lo kwap. Adukuni eong' kapaarasia kauni.”

Yokana 3:3

Kinyakakini Yesu nesi ebe, “Abeit, abeite kalimokini eong' ijo ebe, kemam kidouno itwan nakiyareit, mam nesi kepedori anyun ajakaanut naka Akuju.”

Yokana 5:21

Naarai kwape itajarunana Papa lukatwak ka ainakin kesi akijar, kong'ip kong'in nes einanakina Okoku de ng'ulu lu ekote nesi akijar.

Yokana 6:38

Naarai ejesun eong' kwap alomun kokuju, mere ebe kanuka asoma ng'unu nu akote eong', konye nu ekote nesi lokejukuni eong',

Yokana 8:28

Kanuka ng'un kolimokini Yesu kesi ebe, “Na ikiarata osi Okoku ka Etwan nes ijenunata osi ebe arait eong' nesi, bobo ebe mam eong' kesomae ibore ipede kapedor kang' bon. Konye enera eong' kwape kesisianakina Papa eong'.

Yokana 9:4

Kibusakinit oni aswam asomisio nuka ng'oli kalo kijukuuni eong' ering'a erait paran. Edoluut akware na emamare itwan ipede kepedori asoma.

Aswamisio 2:24

Konye kitajaruni Akuju nesi, kolacakini nesi alomun ka apedor keng', naarai amam atwanare abeikiit akiene nesi.

Iromayon 6:4

Kanuka ng'un apon konuka oni nepepe ka nesi na ebatisaere oni akibatisao naka akimor atwanare keng', tetere ibeikinete oni de ajaikin akijar nakitetet kwape kitajarunere Kristo kamaka lukatwak kapedor kanaka akibusesu naka Papa.

Iromayon 8:11

Kejii Emoyo ka Akuju, lokitajaruni Yesu kamaka lukatwaka toma kus, ebuni nesi lokitajaruni Kristo kamaka lukatwak ainakin awate kus nu etwakete akijar kopone kaloka ajalakin Emoyo keng' kama kus.

1 Ikorinton 15:12

Kipokona, kwape eraitere akirto wok ebe etajarun Kristo kamaka lukatwak, ikote ice kama kus etemarete ebe mam lukatwaka kitajaruno akijar ai?

2 Ikorinton 4:14

Kijen siong' ebe Akuju lokitajaruni Lokapolon Yesu, itajaruni siong' nenipe ka Yesu, kayaar siong' ka nesi, king'aren keng'.

2 Ikorinton 5:10

Naarai ejii oni kere atakanuni koking'aren ka Kristo, kotubok nesi oni. Tetere ng'in itwan edumuni ajokus kere aronus, atupa kang'unu esoma nesi kotoma akwana.

Ipeson 2:5

atikere iring'a oni itwakito kanuka adiaka nareta wok, kitajaruni nesi oni nenipe ka Kristo (kanuka asianut nes kiyuunere osi),

Ipeson 3:16

Elipiti eong' Akuju atupa ka abara naka akibusesu keng' koinak Emoyo keng' osi agogong' naka akicasite kotau,

Ipilipin 3:21

Ebuni nesi akibelokin awate wok nu ebosete akitaraun bala na keng' naka akibusesu, kapedor ka ejatatar ipiakini ka nesi iboro kere kwap keng'.

Ipilipin 4:13

Abeikini eong' asoma iboro kere kanu keng' kalo einakiit eong' apedor.

Ikolosain 1:11

Kicasitete kagogong' kana ebuni alomun ka apedor keng' kana ejaasi ka akibusesu, tetere osi ingirikinete ng'ini ibore katitinyu.

Ikolosain 1:16

Naarai akitor nama keng' nes asubia Akuju ng'in ibore ni ejii kuju kiton kwap, lu etakanete kalu mam ketakanete, nenipe ka apedor naka imoyoi, ijakaa, lukapugan kaluka apedorosia. Asubi Akuju akwap kere akitor nama keng' bobo kanu keng'.

1 Itesalonikan 4:14

Iyuuto oni ebe abu Yesu kotwana kojaruni bobo, kanuka ng'unu iyuuto oni ebe ebuni Akuju akinyakar Yesu nepepe ka ng'ulu lu adautu atwakare iyuuto nesi.

1 Petero 3:18

Naarai abu Kristo kotwana katipe kanuka arokusio ka itung'a kere, etwan lo ejokuna kanuka lukarokusio, kanuka ayar osi namaka Akuju. Apon kwarai nesi kotoma akwana konye kitajarunete nesi kotoma omoyo;

Apukokinio 2:23

Enomi eong' idwe keng' akiara. Bobo ejenunete ikanisai kere ebe eong' nesi lo ajeni awomowomosia kiton nu ekote ng'ini itwan. Ataci eong' ng'ini ipe kama kus atupa kanu esomata osi.