Yokana 4:36 - AKITUTUKET NAKITETET (NEPEPEKA ISABULIN KA AWARAGASIA)

³⁶ Ng'ini ni edwenyi edumuni eropit, kosodi nesi atukonokin araito kanuka akijar kana emam kedaun, tetere elakarosi lokayaan nepepe ka lokadwenyan.

Ebaibuli

³⁶ Eropio ekadwenyan, etukonokini araito kanuka aijar namam edaun, tetere iyalamikinos ekayean ka ekadwenyan nepepe.

Yokana 4:36 Iomraidhean Croise

Awaragasia 11:18

Itung'a lukarokok mam cut kedumunete ibore ipede, konye kisoma ijo nu itemokina, idumuni ijo eropit.

Awaragasia 11:30

Adolite einakini akijar, konye adedeng'u elemari akijar.

Matayo 19:29

Ng'ini kere ni enyeki itogoi, kere ikanacan, kere papa keng', kere toto keng', kere idwe, kere imanikoria kanuka ekirori kang', edumuni irwan akwatat ka akijar na emam esial.

Yokana 3:36

Ng'ini ni emunokiit Okoku ejaasi ka akijar na emam kedaun. Ng'ini ni emam kemunokiit Okoku mam kejaikinosi ka akijar na emam edung'e, konye ideun atubokino ka Akuju kama keng'.

Yokana 4:14

konye ng'ini kere ni emasi akipi ng'unu nu ainakini eong' nesi mam bobo akure kaari nesi cut. Akipi nu ainakini eong' nesi eraunete kotoma keng' ecor loka akipi nu einakinete akijar na emam edung'e.”

Yokana 5:24

Teni, teni, kalimokini eong' osi ebe, ng'ini ni iirari akirot kang' ka akiyuun ng'olo lokejukuni eong', ejaasi ka akijar na emam kedaun. Mam ketubokino nesi konye atubor nesi katwanare ka akilomo akijar.

Iromayon 1:13

Ejii osi ikanacan ka akanacan kang' akiitute ebe, kapakio kanu ipu etemeteme eong' akipejokin osi, konye kerebonokini eong' ng'ini pak ibore. Akote eong' akibeleun ice kama kus namaka Kristo, kwape ebeleuna eong' ilong'au ice.

Iromayon 2:7

Itung'a ice itolosito asoma nukajokak, ka akote akibusesu ka ayong'ite kesi, ka akijar na emam kedaun. Einakini Akuju kesi akijar na emam kedaun.

Iromayon 6:22

Konye kilakakiite osi kipokona karonus, karaun osi ibulesun ka Akuju, araitoit na idumunete osi erait akijar naka alemuna akijaanakin Akuju cut cut. Esial keng' erait akijar na emam kedaun.

Iromayon 6:23

Naarai eropit ka aronus erait atwanare. Konye idutat nika along'u nika Akuju erait akijar na emam esial kotoma Yesu Kristo Lokapolon wok.

1 Ikorinton 9:17

Kesoma eong' asoma nu naarai aseut eong', kokipone kang'olo kanuka ng'unu edarit eong' adumun aropetait; konye esomae eong' bala asoma nu ekotokina eong' asoma, naarai ainak Akuju eong' asoma nu.

1 Ikorinton 9:18

Inyena konye aropetait kang'? Nu bon: Ebe kotoma alimonoreta kang' akiro nukajokak tin alimonori along'u, mam ketosomaye adolite kang' cut kotoma akiro nukajokak.

1 Itesalonikan 2:19

Anyena amuno kosi kere de anyena ailel kosi, kere de anyena atenikina na ipogatatare siong' koking'aren ka Lokapolon Yesu apaki na ebunia nesi? Mam kerait osi?

1 Timoti 4:16

Kocoikiite akiro kon kilope ka akisisianakino kon. Kitolosite asoma iboro lu, naarai kisoma ijo nu, iyuuni ijo akwana kon kilopet nepepe ka ng'ulu lu epupiete ijo.