Yokana 4:10 - AKITUTUKET NAKITETET (NEPEPEKA ISABULIN KA AWARAGASIA)

¹⁰ Kinyakakini Yesu nesi ebe, “Kere kijeni ijo idutat nika Akuju, bobo kere kijeni ijo ng'ai kilimonokini ijo ebe, ‘Koinakine eong' akipi kamat,’ tin ijo kidau aking'it nesi, bobo tin nesi keinaki ijo akipi nuka akijar.”

Ebaibuli

¹⁰ Koboŋok Yesu kotema atiar, “Arai kijeni ainakinet naka Edeke, ka ŋol da lokibala ebe, Ae akipi kamat, tikilipi ŋes, tikiinak jo akipi nukajarak.”

Yokana 4:10 Iomraidhean Croise

Isabulin 10:17

Okwai Lokapolon, ibuni ijo apupun alipasia ka lukapalapalak ibuni ijo ainakin kesi akicata.

Isabulin 46:4

Ejii ang'olol na eyaut alakara ore lokapolon loka Akuju, otogo lokalaunan kalo Eliliara noi.

Luka 11:13

kijenete osi lu iroko ainanakin idwe kus iboro lu ejoka. Etiae ali einakini papa kus loko kuju Emoyo Lokalaunan ng'ulu lu ilipete nesi!”

Yokana 16:3

Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 3:16

Amina Akuju akwap noi, akitodol nama alemuna nesi Okoku keng' lotelit tetere ng'in itwan kere ni iyuuni nesi emam ketwaani konye kodumu akijar na emam kedaun.

Yokana 4:14

konye ng'ini kere ni emasi akipi ng'unu nu ainakini eong' nesi mam bobo akure kaari nesi cut. Akipi nu ainakini eong' nesi eraunete kotoma keng' ecor loka akipi nu einakinete akijar na emam edung'e.”

Yokana 6:35

Kolimokini Yesu kesi ebe, “Arait eong' emugati lo ejaasi ka akijar, ng'ini ni ebuni nama kang', mam kiirari eteng'e. Bobo ng'ini ni iyuuni eong' mam cut akure kaari.

Yokana 6:51

Arait eong' emugati lo ejari lo ejesun alomun kokuju. Kenyam itwan kijokin emugati lo, ejari nesi ikaru kere. Bobo emugati lo alosi eong' alemun kanuka akijar ka akwap erait akwaan kang'.”

Aswamisio 9:11

Kosodi Lokapolon alimokin nesi, “konyou kolot orot lo enyarite Ideere, king'it ko otogo ka Yudas etwan loko Tasis lo enyarite Saulo; naarai ilipi kipokona,

Iromayon 8:32

Mere Akuju lo amam abu kogwouna Okoku keng' kelope. Konye kolemuni nesi Okoku keng' kanu wok! Koinakini nesi oni Okoku keng'. Teni mam nesi keinakini oni iboro kijokin along'u?

1 Ikorinton 1:30

Nama keng' nes elomuuter akijar wok kotoma Kristo Yesu lo abu Akuju kitarau acoa wok, akitodolikina wok, akitalauno wok ka alakuno wok.

1 Ikorinton 10:4

ka akimata imatan luko kuju. Naarai abutu kesi komatata kataba kanako kuju na abu kotup kesi, ataba kerait Kristo.

2 Ikorinton 9:15

Keyalamikisi Akuju kanuka ainakinete keng' na emam etyae!

Ipeson 2:8

Naarai erait kanuka asianut nes kiyuunere osi atupa ka amuno kus; mere osi isomaete nu, konye erait idutat ni keinakini Akuju osi,

Iburayon 6:4

Ekipone ali inyakunere itung'a lu ang'eroto akiyuun kes akisilar bobo? Apak ape ajaasi kesi toma acaus ka Akuju; abutu kesi kiirata idutan ka Akuju kosodete adumun etyae kes loka Emoyo Lokalaunan;

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

Apukokinio 21:6

Kotemari nesi ebe, “Esomakinosi! Eong' nes losodit kiton lokesial, ageunet kiton ang'etakinet. Ng'ini kere ni ejaasi ka akure ainakini eong' nesi adolite naka akimat kocor kaloka akipi kanuka akijar mam akitac.

Apukokinio 22:17

Ebalasi Emoyo nepepe ka aberu na itemokina amanyakin ebe, “Kobutu!” Bobo ng'ini itwan ni epupi nu itemokina atemar ebe, “Kobutu!” Bobo ng'ini ni iirarit akure kobu. Bobo ng'ini ni ekote, komata akipi nuka akijar mam akitaca ibore.

Apukokinio 7:17

Naarai Imerekek ni ejii kiding' ka ekicolong' nes erauni lokecokon kes, ebuni akisidirari kesi ocorin luka akipi nuka akijar; ebuni Akuju amwatar akio kere kakonyen kes.