Yokana 3:36 - AKITUTUKET NAKITETET (NEPEPEKA ISABULIN KA AWARAGASIA)

³⁶ Ng'ini ni emunokiit Okoku ejaasi ka akijar na emam kedaun. Ng'ini ni emam kemunokiit Okoku mam kejaikinosi ka akijar na emam edung'e, konye ideun atubokino ka Akuju kama keng'.

Ebaibuli

³⁶ Yeniyuuni Okoku ejaas kaijar naka ikar kere; konye yenimam erima Okoku mam eanyuni aijar, konye esalakini ŋes anyunyura naka Edeke.

Yokana 3:36 Iomraidhean Croise

Isabulin 2:12

konuikisi akejene keng', kemam, enyouni anyunyura keng', kosodete osi atwakare atipet; naarai ebenene anyunyura keng' anokun. Erereng' ng'ulu kere lu elosete nama keng' akidario.

Isabulin 36:9

Ijo nesi nama elomuna akijar kere, bobo kanuka acaus kon aanyunete siong' acaus.

Isabulin 49:19

imorikikinosi nesi ka lukasonya keng' kotoma atwanare, nama mam akirionus kedaun.

Matayo 25:46

Lu, ijukiaro akitisilaro na emam esial, konye lu edolito elomete akijar na emam esial.”

Mariko 16:16

Ng'ini kere ni emunokini kosodete akibatisa nesi eyuuno nesi. Konye ng'ini kere ni emam kimunokini etubokino nesi.

Luka 2:30

Naarai adautu akonyen kang' anyun alakuno kon,

Luka 3:6

Anyuni etung'anan kere alakuno ka Akuju!’”

Yokana 1:12

Konye ng'ulu kere lu abuutu kidiautu nesi, lu abuutu kiyuutu kokiror keng', abu nesi koinaki kesi apedor naka araun idwe ka Akuju,

Yokana 10:28

Bobo ainakini eong' de kesi akijar na emam kedaun, bobo mam cut kesi ketwakiyarete. Bobo mam itwan ebuni ademar kesi kakanin kang'.

Yokana 3:3

Kinyakakini Yesu nesi ebe, “Abeit, abeite kalimokini eong' ijo ebe, kemam kidouno itwan nakiyareit, mam nesi kepedori anyun ajakaanut naka Akuju.”

Yokana 4:36

Ng'ini ni edwenyi edumuni eropit, kosodi nesi atukonokin araito kanuka akijar kana emam kedaun, tetere elakarosi lokayaan nepepe ka lokadwenyan.

Yokana 5:24

Teni, teni, kalimokini eong' osi ebe, ng'ini ni iirari akirot kang' ka akiyuun ng'olo lokejukuni eong', ejaasi ka akijar na emam kedaun. Mam ketubokino nesi konye atubor nesi katwanare ka akilomo akijar.

Yokana 6:58

Lo nes emugati lo ejesun kwap alomun kokuju, mam kerait kwape kalo kenyemete kes ka papa kotwakete. Nesi ni enyemi emugati lo ebuni akijar ikaru kere.”

Yokana 8:51

Abeite, abeite kalimokini eong' osi ebe kericaki itwan kere akirot kang', mam nesi ketwani.”

Aswamisio 14:2

Konye Iyaudini lu keng'erito araun lukeyunak abu kicokutu ilong'au ka amunaun adama kes akitepeg lu iyuuto Akuju.

Iromayon 4:15

Eyauni Ekisil kwap anyunyura ka Akuju. Konye nama emam Ekisil, emam akibil ekisil.

Iromayon 5:9

Akitor awokot keng' nes imariere kipokona idolito oni koking'aren ka Akuju. Etiae ali cut konye eyuuna nesi oni kamaka anyunyura ka Akuju!

Iromayon 8:1

Emam atubokino kipokona kamaka ng'ulu kalu ejarete kotoma akimorikikina ka Yesu Kristo.

Igalatian 3:10

Naarai ilamite ng'ulu kere lu eyong'ito asoma nuka ekisil. Naarai igirite, “Ilamite itwan kere ni mam keyong'it ng'unu kijokin nu igirite okitabo loka ekisil, ka asoma ng'unu.”

Ipeson 5:6

Mam aisikin king'alak itwan osi ka akiro kanuka abang'anut, naarai enyunyurar Akuju kanuka ng'ulu kalu mam keyong'ito nesi kanuka akiro kang'un nuka abang'anut.

1 Itesalonikan 1:10

kipokona idarito osi Yesu Okoku keng' kodoku alomun kokuju, lo abu Akuju kitajaru alomun kamaka lukatwaka bobo lo kiyuun oni kamaka anyunyura ka Akuju kana ebut.

1 Itesalonikan 5:9

Mam Akuju abu koseu oni akicanakin anyunyura keng', konye ajaikin ka akijar akitoro namaka Lokapolon wok Yesu Kristo,

Iburayon 10:29

Abo konye ng'ulu lu enwang'ito Okoku ka Akuju? Lu itebebenito aokot nuka akitutuket ka Akuju nu etalaunete kesi karokusio? Lu erasete Emoyo loka asianut? Kiitutu bere ekipone lo eronarere akisicanio na edumunete kesi!

Iburayon 2:3

Ikote konye oni ikuyete ayi kimam oni kipodosi akiyuuno na epolo bala na? Lokapolon elope nes agei alimor akiyuuno na, kosodete ng'ulu lu abutu kiirasi nesi kitodiasi kama kosi ebe teni erait abeite.

Iburayon 3:18

Kes ka ng'ai kebu Akuju kiyapoki ebe mam cut kelomete alaro keng' naka akiyeng'un mam kerait ng'ulu lu abutu konwang'ata nesi?

Iburayon 3:19

Kanuka ng'unu iyanyutu oni ebe mam kesi abutu kolomata kanuka amamus ka akiyuun.

Apukokinio 21:8

Konye lu ekuriaka, kalu mam kemunokiito, kalu itowolito luce, kalukarak, luka adoteu, ka ikacudak, lu imaete akujun, kalukaliokon kijokin—alaro kes erait akare na inepi akimi kiton esalfa, na erait atwanare nakiareit.”