Yokana 3:16 - AKITUTUKET NAKITETET (NEPEPEKA ISABULIN KA AWARAGASIA)

¹⁶ Amina Akuju akwap noi, akitodol nama alemuna nesi Okoku keng' lotelit tetere ng'in itwan kere ni iyuuni nesi emam ketwaani konye kodumu akijar na emam kedaun.

Ebaibuli

¹⁶ Naarai komina Edeke akwapin kwanata, abu koinak Okokuke loteluna, tetere ŋinituŋanan yeniyuuni ŋes kinye aolior, konye kojaas kaijar naka ikar kere.

Yokana 3:16 Iomraidhean Croise

Matayo 9:13

Kolototo kisisiautu apolou ka akirot kana: ‘Akote eong' asyanutu, mere isuban.’ Naarai mam eong' kabuuti anyaraun lu edolito konye lukarokusio.”

Mariko 12:6

Edeuna nesi ka etwan epe, okoku keng' lominat. Kosial kikujiari nesi okoku keng' nama kes ebala, ‘Amunokiit eong' eyong'ete kesi okoku kang'’.

Luka 2:14

“Akibusesu kojai namaka Akuju lo eliliara, ka aipuc ka akwap kamaka ng'ulu kalu italakarito nesi!”

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 1:29

Apaaran na atupakini, koanyuni Yoana Yesu ebuuti nama keng', kosodi nesi atemar, “Koanyutu Imerekek nika Akuju ni elemari aronus naka akwap.

Yokana 10:28

Bobo ainakini eong' de kesi akijar na emam kedaun, bobo mam cut kesi ketwakiyarete. Bobo mam itwan ebuni ademar kesi kakanin kang'.

Yokana 3:15

tetere ng'ini kere ni iyuuni nesi ejaikinosi ka akijar na emam kedaun.

Yokana 3:18

Ng'ini ni iyuut nesi mam ketubokino. Ng'ini ni emam kiyuut nesi adaun atubokin nesi, naarai mam nesi kiyuut ko okiror ka Okoku kaloteluna loka Akuju.

Yokana 3:36

Ng'ini ni emunokiit Okoku ejaasi ka akijar na emam kedaun. Ng'ini ni emam kemunokiit Okoku mam kejaikinosi ka akijar na emam edung'e, konye ideun atubokino ka Akuju kama keng'.

Yokana 6:40

Naarai nu nes nu ekote Papa kang', ebe itemokina ng'ini kere ni anyuni Okoku kosodi akiyuun nesi ajaus ka akakijar na emam kedaun. Bobo etajaruni eong' nesi kaparaan kanaka esial.”

Iromayon 5:10

Iraito oni sek ipading'atin ka Akuju. Konye abu nesi kitarau oni ipoupatin keng' akitoro atwanare ka Okoku keng'. Kanu konye iraitotor oni kipokona ipoupatin ka Akuju, ekipone ali cut kiyuunere oni akitoro akijar ka Kristo!

Iromayon 5:8

Konye etodiki Akuju oni ekipone lo eminare nesi oni. Ering'a oni iraito luka arokusio nes ketwania Kristo kanu wok!

Iromayon 8:32

Mere Akuju lo amam abu kogwouna Okoku keng' kelope. Konye kolemuni nesi Okoku keng' kanu wok! Koinakini nesi oni Okoku keng'. Teni mam nesi keinakini oni iboro kijokin along'u?

Ipeson 2:4

Konye Akuju lo epolo asianut, kanuka amina kana keminare oni,

2 Itesalonikan 2:16

Lokapolon wok Yesu Kristo kiton Papa wok Akuju, lo amina oni kotoma asianut keng' koinak oni etau kiton amuno na icasit,

Tito 3:4

Konye na apukorere arimanut kiton amina ka Akuju Loketajaran wok,

Iburayon 2:9

Konye iteete oni Yesu, lo apon kitiditeune kamaka imalaikan, itanapite akibusesu kanuka icani luka atwanare, tetere iiri nesi atwanare kanuka ng'in itwan atupa ka asianut ka Akuju.

1 Yoana 3:1

Kong'olekisi kwape aminuna Papa oni! Epolo noi amina keng' akitodolo na anyaraunere oni idwe ka Akuju. Kanuka ng'un iraito oni idwe keng'. Na nes atenikina na emamar akwap kejenia oni - ebe kemam kejeni nesi.

1 Yoana 4:19

Iminasi oni naarai abu Akuju kogee sek aminuni oni.

Apukokinio 1:5

bobo alomun kamaka Yesu Kristo, eketodiaran lo emunokina, losodit alomun kamaka lukatwak, bobo lo erait lo ipisi ijakaa luka akwap. Emina nesi oni, bobo kanuka atwanare keng' naka isubanit, nes ayuuna nesi oni karokusio wok