Yokana 3:13 - AKITUTUKET NAKITETET (NEPEPEKA ISABULIN KA AWARAGASIA)

¹³ Emam itwan apelem ni edokarit kuju adepar nesi ng'olo lo abu kijesun alomun kokuju, Okoku ka Etwan.”

Ebaibuli

¹³ Emamei yenabu kodokarite toma akuj, dimarai ŋol lokedokuni kotoma akuj, ŋes Okoku loka etuŋanan.

Yokana 3:13 Iomraidhean Croise

Awaragasia 30:4

Ing'ai edolit kuju kojenun acoa nakokuju? Ing'ai ikamuti ekuwam ka akanin keng'? Ing'ai ikamuti akipi ka abunakin kenaga? Ing'ai idari iukoruon kere luka akwap? Ing'ai ekiror keng' ka ekiror ka okoku keng' kijeni ijo?

Matayo 28:20

Kisisianakisi kesi akiyong' ng'ini ibore ni ecoraki eong' osi. Bobo kiitutete ajaasi eong' ka osi ng'ini pak, akitodol osial ka akwap.”

Matayo 8:20

Kinyakakini Yesu nesi, “Ejaasi ikweei ka aduyon, ejaasi ikweny ka ailita; konye Okoku ka Etwan emam alaro eperi ka akiyeng'un.”

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 13:3

Kejeni Yesu ebe kedaut Papa ainakin nesi apedor kere; kejeni nesi ebe kelomuut nesi kamaka Akuju bobo alosi nesi nama ka Akuju,

Yokana 17:5

Papa, koinakine eong' akibusesu kakonyen kon kipokona, akibusesu bala na ajaasi ka eong' nepepe ka ijo eroko akwap kejeuna.”

Yokana 3:12

Kalimokiit eong' osi akiro nuka akwap konye komam osi kimunokiito, ikote osi imunokinete ai kalimoki eong' osi akiro nuko kuju?

Yokana 3:31

Nesi lo elomuti kokuju, ilanyit itung'a kere. Nesi nika akwap erait nika kwap, bobo inera nesi nuka akwap. Nesi ni elomuuti kokuju itelekarit itung'a kere.

Yokana 6:33

Naarai emugati loka Akuju erait ng'oli lo ijesuni kokuju ka ainakin akwap akijar.”

Yokana 6:38

Naarai ejesun eong' kwap alomun kokuju, mere ebe kanuka asoma ng'unu nu akote eong', konye nu ekote nesi lokejukuni eong',

Yokana 6:42

Kotemarete kesi ebe, “Mere lo Yesu okoku ka Yosef, lo ijenete oni papa keng' kiton toto keng'? Inyo konye ebalare nesi ebe, ‘Abu eong' alomun kokuju?’ ”

Yokana 6:46

Mere ebe anyu itwan ipede Papa adepar nesi lo elomuut kamaka Akuju. Anyu nesi Papa.

Yokana 6:51

Arait eong' emugati lo ejari lo ejesun alomun kokuju. Kenyam itwan kijokin emugati lo, ejari nesi ikaru kere. Bobo emugati lo alosi eong' alemun kanuka akijar ka akwap erait akwaan kang'.”

Yokana 6:62

Abo konye kere kianyuto osi Okoku ka Etwan edokari kuju nama kejii nesi sek?

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.

Aswamisio 2:34

Naarai mere Daudi nesi kelosi kuju; konye abu nesi kotema: “Kolimokini Lokapolon kang': Kiboikin ne teten kang'

Aswamisio 20:28

Kanuka ng'un kocoikinasi osi ikulopek bobo kocoikitete amerekekin nu einakini Emoyo Lokalaunan osi apolokite, kidarata ekanisa ka Akuju lo adumuni nesi kanuka abukor aokot ka Okoku keng'.

Iromayon 10:6

Konye nu ebalasi agirasia nukalaunak kuju ka akitodolikino koking'aren ka Akuju akitor akiyuun erait nu: “Mam kitemokina ijo aking'itakin ilope ibala ebe ing'ai elomi kuju?” (Nes atemar ayaun Kristo kwap).

1 Ikorinton 15:47

Adam losodit asubuno kadwata, alomuni kakwap; etwan lokiyareit alomuni kokuju.

Ipeson 1:23

Erait ekanisa akwan ka Kristo kiton apolou keng' kalo einakiit iboro kere apolou ka alarosinoi kere.