Yokana 3:12 - AKITUTUKET NAKITETET (NEPEPEKA ISABULIN KA AWARAGASIA)

¹² Kalimokiit eong' osi akiro nuka akwap konye komam osi kimunokiito, ikote osi imunokinete ai kalimoki eong' osi akiro nuko kuju?

Ebaibuli

¹² Arai abu kalimok yes akiro nuka akwap komam iyuunete, ikote Iyuunete ai arai kaalimokis akiro nuka akuj?

Yokana 3:12 Iomraidhean Croise

Yokana 3:11

Abeit, abeite kalimokini eong' ijo ebe inerasi siong' nu ijenete siong' ka akitejenuun kuju kanu anyutu siong'. Konye mam osi kicamuuto akitejenun kosi.

Yokana 3:3

Kinyakakini Yesu nesi ebe, “Abeit, abeite kalimokini eong' ijo ebe, kemam kidouno itwan nakiyareit, mam nesi kepedori anyun ajakaanut naka Akuju.”

Yokana 3:5

Kinyakakini Yesu nesi ebe, “Abeit, abeite kalimokini eong' ijo ebe kemam itwan keuruute kakipi kiton Emoyo, mam nesi kepedori akilomo toma ajakaanut naka Akuju.

Yokana 3:8

Ekuwam ekusi wai lo ekoto, kosodi ijo akiirari akiruruma keng' konye mam ijo kijeni nama kelomuna kere de nama elosi. Ikoni neni itwan ni euruut Emoyo.”

1 Timoti 3:16

Emam itwan ebeikini ang'erokin ekipone lo epolokototore nu eng'opito ko odini wok: Kotakanuuni nesi kaputo ketung'anan, kitodiari Emoyo Lokalaunan ebe edolit nesi, koanyunete imalaikan nesi, apon kisiarisiari kakwapin kuju keng', apon komunokine nesi kakwap kijokin, koyaarete nesi kuju.

Iburayon 5:11

Ering'a ejaasi nu ipu nu itemokina siong' atemar ikamuut akiro nu, konye ekekes alimokin osi apolou kes naarai mam osi ketapana apupun.

1 Yoana 4:10

Na nes erait amina: Mam kerait ebe kiminasi oni Akuju konye ebe abu nesi kominu oni ka akijukun Okoku keng' korau ebe akitor nama keng' nes erumakinere arokusio wok.