Yokana 21:22 - AKITUTUKET NAKITETET (NEPEPEKA ISABULIN KA AWARAGASIA)

²² Kinyakakini Yesu nesi ebe, “Kerait akote kang' ebe kojar nesi akitodol apak na abunia eong', kikamuuto ng'unu ijo koni? Kotup eong'!”

Ebaibuli

²² Kotema Yesu ŋes atiar, “Arai akoto ŋol aidarit aitodol neabunio, ipodo bo ijo inyo? Kotupunai ijo eoŋ.”

Yokana 21:22 Iomraidhean Croise

Matayo 16:24

Kosodi Yesu alimokin ikiyakia keng' ebe, “Kekote itwan kere abunore nama kang', ejii nesi akimurwokin nukeng' bere, kakiriong' emusalab keng' kakigwap eong'.

Matayo 24:27

Naarai Okoku ka Etwan ebuni bala ekipiei lo imiliauni akitub kuju alomun ko kide akitodol too.”

Matayo 24:3

Na kiboikiner Yesu moru lo ejaasi ikito luka akinyet, kocedunosi ikiyakia nama keng', king'isete, “Kolimok siong' iwori isomakinototor nu kere. Bobo de inyena akitodiaret kabunere kon ka esial kakwap?”

Matayo 24:44

Kanuka ng'unu, ekotokina osi de alokokina; naarai ebuuti Okoku ka Etwan ka akolong' kana mam osi kimunokiito.

Matayo 25:31

Na ebunia Okoku ka Etwan kotoma akibusesu keng', nenipe ka imalaikan kere kitoni nesi, iboikin nesi okicolong' keng' loka akibusesu.

Matayo 8:22

Konye kinyakakini Yesu nesi ebala, “Kotup eong', kinyek lukatwak konukata lukatwak kes.”

Mariko 9:1

Kosodi nesi akitolosite alimonokin kesi, “Abeite, kalimokini eong' osi, ejaasi ice egwoete kane lu emam kebunete akiir atwanare ering'a kesi kaanyuna abu ajakaanut ka Akuju ka agogong'.”

Yokana 21:19

Kelimuni Yesu nu erait akitodiar ekipone lo kitemokinar Petero atwanare kanuka akitopoloor Akuju. Kolimokini Yesu nesi ebe, “Kotup eong'.”

Yokana 21:21

Na anyuna Petero nesi, king'isi Petero Yesu ebe, “Lokapolon, abo etwan lo?”

1 Ikorinton 11:26

Naarai na inyamata osi emugatit lo ka akimata ekikopot lo, ilimorete osi atwanare ka Lokapolon akitodolo na ebunia.

1 Ikorinton 4:5

Kanuka ng'un mam alimor atubokino ering'a akolong' kedolo, ering'a Lokapolon kebuna, lo eyauni acaus oboro lu igwaite kakirionus kosodi ang'ari nu ekotosi itawon ka itung'a. Kosodi ng'in itwan adumun atubokino keng' alomun kamaka Akuju.

1 Itesalonikan 2:19

Anyena amuno kosi kere de anyena ailel kosi, kere de anyena atenikina na ipogatatare siong' koking'aren ka Lokapolon Yesu apaki na ebunia nesi? Mam kerait osi?

Yakobo 5:7

Kotitinyoko, ikanacana ka akanacan kang', adolore na ebunia Lokapolon. Kong'olek ekipone lo etitinyor ekakoruon idarit emanikor keng' akiraikin araito nuka etyae kalo epolon. Idarit nesi ka atitinyu akiru naka aiporo kiton naka atan.

Yakobo 5:8

Ejii osi de atitinyu. Kikiasi amunokina kus kuju, naarai aaput apaaran na ebunia Lokapolon.

Apukokinio 1:7

Kiteete, ebuuti nesi kodowon! Ng'in itwan anyuni nesi, imorikikit ng'ulu lu kicumete nesi. Itung'a kere ka akwap ebunete akimony kanu keng'. Ikokinete nepeneni!

Apukokinio 2:25

Ibore bon kirumata ka akekus nu ejaasi ka osi akitodol na abunia eong'.

Apukokinio 22:20

Nesi lo etodia nu ejeni nesi kuju kanu kere ebala ebe, “Teni cut! Abuti eong' atipet!” Ikote nepeneni. Kobuu Lokapolon Yesu!

Apukokinio 22:7

Ebala Yesu ebe, “Kiirasi! Abuti eong' atipet! Erereng' ng'ulu lu eyong'ito akiro nuka akidwar nu ejaasi okitabo lo!”

Apukokinio 3:11

Abuuti eong' atipet. Koricakiite ibore ni ejaasi ka ijo, tetere emam itwan ni eyaari abokoki kon.