Yokana 21:19 - AKITUTUKET NAKITETET (NEPEPEKA ISABULIN KA AWARAGASIA)

¹⁹ Kelimuni Yesu nu erait akitodiar ekipone lo kitemokinar Petero atwanare kanuka akitopoloor Akuju. Kolimokini Yesu nesi ebe, “Kotup eong'.”

Ebaibuli

¹⁹ Kinera ŋun itodikini atwanare naetopolooria Edeke. Nakedaunia einer ŋun, kotema atiar, “Kotupunai.”

Yokana 21:19 Iomraidhean Croise

Matayo 10:38

Ng'ini ni mam kedaki emusalaba keng' ka akigwap eong', mam kilesikina araus ikiyakia kang'.

Matayo 19:28

Kolimokini Yesu kesi, “Kalimokini eong' osi abeite ebe ka akijar kanakitetet, na iboikiner Okoku ka Etwan okicolong' keng' lokaibusesu, osi lukitupata eong', iboikinosi osi de ocolong'o luka akibusesu itomonkaare, itubonokinete itekerio itomon kaare luko Israel.

Matayo 8:22

Konye kinyakakini Yesu nesi ebala, “Kotup eong', kinyek lukatwak konukata lukatwak kes.”

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 12:33

Alimuni nesi nu kanuka akitodiar ekipone loka atwanare kana elosi nesi atwanare.

Yokana 18:32

Kisomakinosi nu tetere edoli akirot na kegeit Yesu sek alimun kanuka akitodiari ekipone loka atwanare kana kelosi nesi atwanare.

Yokana 21:18

“Abeit, abeite, kalimokini eong' ijo ebe sek irait ijo etelepat inapienene ijo arokoba kalosite nama kikote ijo; konye na imojong'ia ijo, irwaari ijo akanin kon, kosodi itwan ice akiyen ijo, kayang'aar ijo nama emam ijo kikote alosit.”

Yokana 21:22

Kinyakakini Yesu nesi ebe, “Kerait akote kang' ebe kojar nesi akitodol apak na abunia eong', kikamuuto ng'unu ijo koni? Kotup eong'!”

Ipilipin 1:20

Nu amina eong' cut kamunokiite erait ebe mam kikarete eong' asoma kang', konye ebe ajaikinosi eong' ka atitinyu kapakio kere, cut apak na tetere ejautene kang' kere eyauni akibusesu nama ka Kristo, atikere kajara eong' kere atikere katwana eong'.

2 Petero 1:14

Ajeni eong' ebe kapak kana api enyekini eong' akwana na ebosi kwape kalimokitere eong' Lokapolon wok Yesu Kristo mam kigwait.