Yokana 21:16 - AKITUTUKET NAKITETET (NEPEPEKA ISABULIN KA AWARAGASIA)

¹⁶ Kosodi Yesu aking'it Petero nakiyareit ebe, “Simon, okoku ka Yoana, imina ijo eong'?” Kinyakakini Simon nesi ebe, “Eebo, Lokapolon; ijeni ijo ebe amina eong' ijo.” Kolimokini Yesu nesi ebe, “Kidar amerekekin kang'.”

Ebaibuli

¹⁶ Kolimok bobo nakiareit ebe, “Simon, okoku loka Yona, kimina eoŋ?” Kotema ŋes atiar, “Eebo, Ejakait, ijo ijeni ebe kamina,” Kotema ŋes atiar, “Kipisenenei akamerekekin.”

Yokana 21:16 Iomraidhean Croise

Isabulin 100:3

Kojenutu ebe erait Lokapolon nes Akuju. Nesi nes asubi oni, kanuka ng'un iraito oni itung'a keng'. Iraito oni amerekekin nu ijokie nesi.

Isabulin 95:7

Erait nesi Akuju wok; iraito oni itung'a lu idari nesi, ibaren lu einanakini nesi inyamen. Kiirasi lolo nu ebala nesi,

Matayo 2:6

“Osi luko Beteleem ka akwap kanako Yuda, mam osi kidisiaka kamaka lu ipugaete ka akwap kanako Yuda; naarai nama kus nesi elomuna lokepugan lo ebuni akipuga itung'a kang' luko Israel.”

Matayo 25:32

Itung'a luka akwapin kere etukokinosi king'aren keng'. Kosodi akitiaka kesi kaare, kwape etiakia lokecokon amerekekin kamaka akinei.

Matayo 26:72

Bobo kong'eri Petero kiyapoe ebala, “Mam eong' kajeni etwan ng'oli!”

Luka 19:10

Naarai Okoku ka Etwan abuni akote ka ayuuni lu ewolito.”

Yokana 18:17

Kosodi nakejaanakinan na edari ekek alimokin Petero ebe, “Mam ijo de kirait epe kamaka lukesisiak luka etwan kalo?” Kotemari nesi, “Mam eong' karait.”

Yokana 18:25

Kegwoi Simon Petero ipieri akimi. King'isete kesi nesi ebe, “Mam ijo de kirait epe kamaka lukesisiak ka etwan kalo?” Kong'eri nesi ebala ebe, “Mam eong' karait epe kama kes.”

Yokana 21:17

King'isi Yesu nesi nakiuniet ebe, “Simon, okoku ka Yoana, imina ijo eong'?” Kosodi Petero akicanakin ko otau naarai abuu Yesu king'it nesi irwan kauni ebe, “Imina ijo eong'?” Kolimokini Petero nesi ebe, “Lokapolon, ijeni ijo ng'ini ibore; ijeni ijo ebe amina eong' ijo.” Kinyakakini Yesu nesi ebe, “Kidar amerekekin kang'.”

Aswamisio 20:28

Kanuka ng'un kocoikinasi osi ikulopek bobo kocoikitete amerekekin nu einakini Emoyo Lokalaunan osi apolokite, kidarata ekanisa ka Akuju lo adumuni nesi kanuka abukor aokot ka Okoku keng'.

Iburayon 13:20

Elipit eong' Akuju lo etajaruni Lokapolon Yesu wok alomun kamaka lukatwak, lokapolon lokecokon amerekekin akitoro abukorio ka aokot nuka akitutuket naka ikaru kere,

1 Petero 2:25

Isito osi bala amerekekin nu awolikisi eroto, konye enyakun osi akitupu lokejokon bobo lokedaran ka imoyoi kus.

1 Petero 5:2

Kijokoto esipan ka Akuju, esipan lo ejii akanin, emam kikurakiite osi konye kamina, mere kadumunete kanaka asilutu konye ka akote ka etau kon,

Apukokinio 7:17

Naarai Imerekek ni ejii kiding' ka ekicolong' nes erauni lokecokon kes, ebuni akisidirari kesi ocorin luka akipi nuka akijar; ebuni Akuju amwatar akio kere kakonyen kes.